ዛሬ ማጻፋ 5:29 - Geeshsha Maxaafa

²⁹ Isttassinne istta zereththatas mernaas ubbaa miishshi lo7o gidana mala istti taas yayyanaassinne ta azazota ubba wode naaganaas hayssa mala wozinay dizaakko ay mala lo7ooshaa!

ጋሞ ማጻፋ

²⁹ ኢስታሲኔ ኢስታ ዜሬታስ ሜርናስ ኡባ ሚሺ ሎኦ ጊዳና ማላ ኢስቲ ታስ ያያናሲኔ ታ ኣዛዞታ ኡባ ዎዴ ናጋናስ ሃይሳ ማላ ዎዚናይ ዲዛኮ ኣይ ማላ ሎኦሻ!

ዛሬ ማጻፋ 5:29 ပူးပေါင်းရင်းမြစ်များ

1ታሪኬ ማጻፋ 29:18

Abeet GODAWU! Nu aawa Abrahaame, Yisaaqanne Isra7eele Xoossawu! Ne asaa wozinan ha gita siiqoza mernaas naaga; istta wozinay nees ammanetti daana mala naaga.

ዬ ማጻፋ 106:3

Pirday geellattontta mala naagizaytinne ubba wode xillo ooththizayti anjjettidayta.

ዬ ማጻፋ 19:11

Qasse tana ne aylleza naagettana mala zorees; ne woga naagoy daro go7ees.

ዬ ማጻፋ 19:12

Ba bala demmizay oonee? Abeet GODAWU! Geemmida nagarappe tana geeshsha.

ዬ ማጻፋ 78:7

He naytikka Xoossan ammanettana; izi ooththida oosokka dogettenna; iza azazotakka istti naagana.

ዬ ማጻፋ 81:16

Gido attiin tani inttena muuruta gistte mizana; qasse zaallaafe inttena ees kalssana» gishin siyadis.

ኢሳያሳ ቲንቢቴ 3:10

Xillotas, «Xilloti ba lo7o ooso ayfe maana; hessa gishshas isttas lo7o gidana» ga yoota.

ኢሳያሳ ቲንቢቴ 48:18

Neni ta azazo siyidaa gididaakko, nees saroteththi shaafa mala, nees xilloteththika abba dambala mala gidanashin.

ኤርማሳ ቲንቢቴ 42:6

GODAA nu Xoossaas azazettiin nuus lo7o gidana mala nuus giigiin giigontta aggiin nena nu izakko kiittiza GODAAS nu Xoossaas nu azazettana» gida.

ኤርማሳ ቲንቢቴ 44:4

Tanikka isttas, ‹Hayssa tana harassiza miish ooththofte!› gaada taas ooththiza nabeta isttako zaara zaara yeddadis.

Maatosa 23:37

«Hanne Yerusalaamee! Nabeta wodhizaaree! Neekko kiitettidayta shuchchara caddizaaree! Hanne Yerusalaame, kutto aaya ba ciyeta ba qefe giddo shiishshiza mala ta ne nayta shiishshanaas aappun wode koyadinaashin ne gidikko koyabeekka.

ሉቃሳ ሚሺራቾ 11:28

Gido attiin izi, «Anjjettidayti Xoossa qaala siyidi azazettizayta» gides.

ዮሃኒሳ ሚሺራቾ 15:14

Ta inttena azazizayssa ubbaa intte polikko intte ta laggeta.

2ቆሮንቶሴ ኣሳስ 5:20

Xoossi nu baggara as xeygiza gishshas nuni qasse Kirstoosa ogaththata; hessa gishshas, «Intte Xoossara maqaynnite!» giidi nu inttena Kirstoosa sunththan woossoos.

2ቆሮንቶሴ ኣሳስ 6:1

Nuni Xoossara ooththizayta gidida mala intte ekkida Xoossa kiyateththaa coo mela ashshofte gishe nu inttena woossoos.

ኤፌሶኔ ኣሳስ 6:3

Ne hessaththo ooththiko nees lo7ananne nees layththay biittaa bolla aduqqana.

ዛሬ ማጻፋ 10:12

Isra7eele asawu! GODAY inttefe koyzay hayssafe kaallizayssa; GODAA intte Xoossaa yayyite; iza oge kaallite; iza siiqite; kumeththa wozinappenne kumeththa shemppofe izas ooththite.

ዛሬ ማጻፋ 10:20

GODAA intte Xoossaas yayyite; izas xalla goynnite; izan ammanettidi iza sunththan caaqqite.

ዛሬ ማጻፋ 11:1

Hessa gishshas GODAA intte Xoossaa siiqite; izi inttefe koyza iza wogaa, maaraanne azazota ubba wode polite.

ዛሬ ማጻፋ 12:25

Inttessinne intte naytas lo7o gidana mala suuth moopite; intte hessaththo ooththiko Xoossi ufayettana.

ዛሬ ማጻፋ 12:28

Inttessinne intte naytas mernaas lo7o gidana mala izi inttena azaziza azazota lo7eththi naagite; intte hessaththo ooththiko GODAA intte Xoossaa sinththan lo7onne suure gidida ooso ooththeeta.

ዛሬ ማጻፋ 19:13

Izas aykkoka qadhettofte; inttes ubba miishshi lo7o gidana mala shemppo wodhizayta Isra7eele giddofe dhayssite.

ዛሬ ማጻፋ 22:7

Ciyeta neso ekka baanaas dandayaasa; aayeyo gidikko iza piradhdha baana mala yedda; neni hessaththo ooththiko nees lo7o gidananne ne daro layth daana.

ዛሬ ማጻፋ 4:10

Siina zumaa bolla GODAA intte Xoossaa sinththan intte eqqida wode izi tana, ‹Intte de7iza wode ubbaan istti taas yashshateth taamarana mala, bantta naytakka tamaarsana malanne ta qaalaa siyana mala deraa taakko shiishsha› gidayssa akeekite.

ዛሬ ማጻፋ 4:2

Ta inttes immiza wogaa bolla aykkoka gujjofte; aykkoka izappe pacinchchofte; GODAA intte Xoossay inttes ta baggara immida wogaas azazettizayta gidite.

ዛሬ ማጻፋ 4:40

Inttessinne inttefe guyen yaana intte zereththaas lo7o gidana mala qasse GODAA intte Xoossay mernaas inttes immiza xinxxoyn intte layththi aduqqana mala tani hach inttena azaziza wogaanne maaraa naagite» gides.

ዛሬ ማጻፋ 5:16

« ‹Tani GODAA ne Xoossay nena azazida mala ne aawaanne ne aayo bonchcha; ne hessaththo ooththiko GODAA ne Xoossay nees immiza biittayn ne layththi aduqqananne nees injjetana.

ዛሬ ማጻፋ 5:30

Ha7ikka neni baada istti ba dunkaanen dunkaanen simmana mala isttas yoota.

ዛሬ ማጻፋ 5:33

Ubba miishshi inttes lo7o gidana malanne intte laattana biittayn inttes layththay aduqqana mala Xoossi inttena azazidayssa ubbaa polite» gides.

ዛሬ ማጻፋ 6:17

Izi inttena azazida azazota, wogatanne maarata ubbaa lo7eththi naagite.

ዛሬ ማጻፋ 6:18

Inttes ubba miishshi lo7o gidana mala GODAA sinththan intte suurenne lo7o ooththite; histtiko inttes immanaas GODAY intte aawatas qaala gelida he lo7o biittayo intte laattana.

ዛሬ ማጻፋ 6:3

Intteno Isra7eele asawu! Ubba miishshi inttes lo7o gidana mala, GODAA intte aawata Xoossay inttes gidayssaththo maaththinne eessi goggiza biittaan intte keehi corattana mala ha azazota siyitenne minni ooththite.

ዛሬ ማጻፋ 8:6

Iza kaallishenne izas yayyishe GODAA intte Xoossaa azazota naagite.

Ibirawe 12:25

Inttes yootizayssa intte akkay gontta mala naagettite; heytantti Xoossi biitta bolla diza asa baggara isttas yootizayssa ekkontta ixxidi izappe attanaas dandayontta aggiko nuni saloppe yidayssi nuus yootishin ekkontta ixxiko nu izappe waani attanee?

ያቆቤ ኪታ 1:25

Gido attiin bana geeshshiza lo7o wogaa xeelli be7idi izan minnizaadey ba siyidayssa ooththizaadeynne balonttaadey izi ba ooson anjjettidaade gidana.

ዮሃኒሳ ኣጁታ 22:14

He de7o miththa ayfe maanaassinne he katamayo izi pengera gelanaas bessizayti ba may7o meeccidayti anjjettidayta.

ኡሩቲ ማጻፋ 3:1

Issi gallas Nuhaama ba naaza machchiyo Uruto, «Ta nayee ne lo7o duus daana mala ta nees koyanaas bessennee?