ዛሬ ማጻፋ 4:9 - Geeshsha Maxaafa

⁹ «Histtiko intte diza wode ubbaan hayssa intte intte ayfera be7idayssa ubbaa balontta malanne intte wozinappe dhayontta mala naagettite; intte naytanne intte nayta naytakka tamaarsite.

ጋሞ ማጻፋ

⁹ «ሂስቲኮ ኢንቴ ዲዛ ዎዴ ኡባን ሃይሳ ኢንቴ ኢንቴ ኣይፌራ ቤኢዳይሳ ኡባ ባሎንታ ማላኔ ኢንቴ ዎዚናፔ ዮንታ ማላ ናጌቲቴ፤ ኢንቴ ናይታኔ ኢንቴ ናይታ ናይታካ ታማርሲቴ።

ዛሬ ማጻፋ 4:9 ပူးပေါင်းရင်းမြစ်များ

ሜቴ ማጻፋ 18:19

Xilloteththinne suure ooso ooththidi GODAA oge naagana mala ba naytanne baappe guye ba soo asaa izi zorana mala tani iza dooradis; hessika GODAY Abrahaames immana gidayssa ubbaa polanaassa» gides.

ዬ ማጻፋ 119:11

Tani ne bolla nagara ooththontta mala ne qaala ta wozinan qottadis.

ዬ ማጻፋ 71:18

Abeet Xoossawu! Ne maataa guyeppe yaana yeletas, ne wolqqa guyeppe yaana dere ubbaas, ta qonccisana gakkanaassinne ta cimada puulumana gakkanaas ne tana aggofa.

ኬሳ ማጻፋ 23:13

«Tani inttena gidayssa ubbaa minththidi ooththite; hara xoossata sunth xeygopitenne istta woossofte.

ሌሚሶ ማጻፋ 1:8

Ta naazoo! Ne aawa zore ezga; ne aaya tamaarsizayssaka aggofa.

ሌሚሶ ማጻፋ 23:26

Ta naazoo! Ne wozina ha taakko zaara; ne ayfeti ta ogeppe kare kezoppetto.

ሌሚሶ ማጻፋ 3:21

Ta naazoo! Suure pirdanne shaakki ero naaga; istti ne sinththafe haakkofetto.

ሌሚሶ ማጻፋ 7:1

Ta naazoo! Ta qaala naaga; ta azazokka ne wozinan qum7a oykka.

ኢሳያሳ ቲንቢቴ 38:19

Tani hach nena galatizayssa mala shemppora paxa de7izayti xalla nena galatana; ne ammaneteththa gishshas aawati ba naytas yooteettes.

ኢሳያሳ ቲንቢቴ 42:20

Daro miish be7ideta shin akeekibeekketa; intte hayththay doya dees shin siyekketa» gees.

ኤርማሳ ቲንቢቴ 17:21

GODAY taas, «Sambata gallas tooho tookkidi Yerusalaame pengetara gelontta mala inttes naagettite!

ሉቃሳ ሚሺራቾ 8:18

«Hessa gishshas intte siyizayssa naagetti siyite; diza asas gujettana; bayndaades ubbaafe izas dizaa misatizaarakka ekettaychchana» gi zaarides.

ኤፌሶኔ ኣሳስ 6:4

Yelidaytoo! Intteka intte nayta hanqeththofte; gido attiin intte nayta Godaa zoreninne seeran dichchite.

ዛሬ ማጻፋ 11:19

Intte nayta tamaarsite; intteson uttishe woykko ogen hemettishekka woykko shempizason gidiinkka woykko ooso ubbaan istta gishshas haasayettite.

ዛሬ ማጻፋ 12:1

GODAA intte aawata Xoossay inttes immiza biittaa bolla diza wode intte naagana wogatinne maarati haytantta;

ዛሬ ማጻፋ 16:3

He yarsho kaththaa intte miza wode irshoy izan gelida kath moopite; hessaththoka kase intte eeson Gibxeppe keziza wode ooththoyssa mala laappun gallas gakkanaas irshoy izan gelontta waaye uketh miite; hessika intte daro meto be7idi Gibxe biittafe kezida gallassaa inttena qofsana.

ዛሬ ማጻፋ 17:19

He maxaafaza ba matan woththidi ba de7o layth ubbaan nababo; izi histtiko GODAA ba Xoossaa bonchchonne he maxaafan xaafettida wogatanne maarata keehi naagettidinne ammanettidi polo taamarana.

ዛሬ ማጻፋ 29:29

Xuura yo7oti GODAA nu Xoossassa; gido attiin nuni ha woga qaalaa naagana mala qonccida yo7oti mernaas nuussinne nu naytassa.

ዛሬ ማጻፋ 31:19

«Hayssa yeththaa xaafada Isra7eele asaa tamaarsada isttika yexxana mala ooththa; hayssi yeththazi istta bolla taas markka gidana.

ዛሬ ማጻፋ 32:46

izi, «Hayssa woga qaala ubbaa intte nayti lo7eththi naagana mala, istti ooththana malanne intte nayta intte azazana mala hach ta inttes markkattiza qaala ubbaa intte wozinan woththite.

ዛሬ ማጻፋ 4:10

Siina zumaa bolla GODAA intte Xoossaa sinththan intte eqqida wode izi tana, ‹Intte de7iza wode ubbaan istti taas yashshateth taamarana mala, bantta naytakka tamaarsana malanne ta qaalaa siyana mala deraa taakko shiishsha› gidayssa akeekite.

ዛሬ ማጻፋ 4:15

«GODAY Siina zumaa bollan tama laco giddofe inttes haasayza gallas ay medhakka be7ontta gishshas keehippe naagettite.

ዛሬ ማጻፋ 4:23

Hessa gishshas Xoossay inttenara gelida caaqo qaalaa intte balontta mala shaakki erite; GODAA intte Xoossay inttena ooththofte giidi azazida eeqa misleta ay medhankka misatissi ooththi kessofte.

ዛሬ ማጻፋ 6:12

kase intte aylleteththan deyida Gibxe dereppe inttena wozzi kessida GODAA intte balontta mala naagettite.

ዛሬ ማጻፋ 6:2

Intte he biittayn adussa layth daana mala intte, intte naytinne intte nayta nayti bantti diza wode ubbaan Xoossas yayyanaassinne ta immida azazota, maaratanne wogata ubbaa naaganaas bessees.

ዛሬ ማጻፋ 6:20

Guyeppe yaana wodetan intte nayti, «GODAA nu Xoossay hayta azazota, wogatanne maarata birsheththay aazee?» gi oychchana.

ዛሬ ማጻፋ 6:7

Hayta azazota ne nayta tamaarsa; neni neson uttiza wode gidiin oge bashekka, ichchiza wode gidiin beeggiza wode ubbaan haytantta akeekashe yuushsha qoppa.

ዛሬ ማጻፋ 8:11

Intte GODAA intte Xoossaa dogidi tani hach inttes immiza azazota, wogatanne maarata moorontta mala naagettite.

ዛሬ ማጻፋ 8:14

intte wozinay otorettontta malanne intte Gibxeppe aylleteththa biittafe inttena wozzi kessida GODAA intte Xoossaa balontta mala naagettite.

Ibirawe 2:1

Hessa gishshas nuni siyida qaalaappe balettidi kundontta mala nu siyida qaalaa lo7eththi naaganaas bessees.

Ibirawe 2:3

Nu qasse hessa mala gita maaroteth coo leppi histtiko waani attanee? Hayssi maaroteththay koyro Godaa baggara nuus yootettides; izappe siyidaytikka nuus geeshshi yootida.

ያቆቤ ኪታ 2:22

Hessan ba ammanoza oosora gaththi ooththizayssa ne beyaasa; ammanoykka ooson polettides.

ኢያሶ ማጻፋ 1:18

Nenara eqettizaadeynne nees azazettonttaade ubbay hayqqo; ne minna; aykkoy baa, ne mino minna» gida.

ኢያሶ ማጻፋ 23:11

Hessa gishshas GODAA intte Xoossaa minni siiqite.

ኢያሶ ማጻፋ 4:21

Isra7eele asaas, «Wodeppe intte zareti ba aawata, ‹Ha shuchchati aazee?› gi oychchiza wode,

ዮሃኒሳ ኣጁታ 3:3

Hessa gishshas neni ay mala timirte ekkidaakko ne siyoyssa yuushsha qoppanne naaga. Maaroteththanka gela; neni beeggontta aggiko ta kayso mala ne qoppontta puttu gaana; ta ay saaten neekko yaanaakko ne erakka.

ዳናታ ማጻፋ 3:7

Isra7eele asay GODAA sinththan iita miish ooththides; istti GODAA bantta Xoossa aggidi Ba7aalenne Asheero geetettiza eeqa xoossatas goynnida.

ዳናታ ማጻፋ 8:34

Histtidi Isra7eele asay istta yuushon diza morkketa ubbaafe istta ashshida GODAA bantta Xoossaa dogida.