ዛሬ ማጻፋ 4:24 - Geeshsha Maxaafa

²⁴ Gaasoykka GODAA intte Xoossay xuuggiza tamanne qanaatiza Xoossa.

ጋሞ ማጻፋ

²⁴ ጋሶይካ ጎዳ ኢንቴ ጾሳይ ጹጊዛ ታማኔ ቃናቲዛ ጾሳ።

ዛሬ ማጻፋ 4:24 ပူးပေါင်းရင်းမြစ်များ

2ካዎታ ማጻፋ 24:20

Hayssi ubbay Yerusalaame bollanne Yuhuda bolla gakkanaas dandayday GODAA hanqo gaasonna; wurseththan izi istta ba sinththafe haassides. Sedeqiyaasi Baabiloone kawo bolla makkallides.

ዬ ማጻፋ 21:9

Neni qoncciza wode coocen eexxiza tama mala ne istta xuuggana; GODAY ba hanqoza suulen istta xuuggana; iza tamaykka istta mi dhayssana.

ዬ ማጻፋ 78:58

Istti goynniza dhoqqasohotan iza yiillochchida; bantta eeqa xoossatan iza qanaatissida.

ኬሳ ማጻፋ 15:7

Ne gita wolqqaan nenara eqettidayta kundisadasa. Eexxiza ne hanqo ne yeddadasa, izikka istta gafe mala mides.

ኬሳ ማጻፋ 20:5

Isttas hokkofanne isttas goynnofa. Ays giikko tani GODAA ne Xoossay qanaatiza Xoossako; tana ixxizayta aawata nagara gishshas nayta heedzdzanththo yeletanne oydanththo yeleta gakkanaas qaxxayays.

ኬሳ ማጻፋ 24:17

Isra7eele naytas GODAA bonchchoy zumaa xeeran eexxiza tama misatidi beettides.

ኬሳ ማጻፋ 33:3

Maaththinne eessi goggiza he biittaa biite. Gido attiin intte wozina muume as gidida gishshas tani inttena ogen dhayssontta mala ta inttenara biikke» gides.

ኬሳ ማጻፋ 34:14

Tani GODAY qanaatiza Xoossa gidiza gishshas taappe attiin hara eeqa xoossatas goynnofte.

ኢሳያሳ ቲንቢቴ 10:17

Isra7eele Poo7oy tama gidana; Geeshshazikka tama laco gidana; issi gallassan iza agunththaanne kindichchoza tamay maana.

ኢሳያሳ ቲንቢቴ 30:27

Be7ite, GODAA sunththay eexxiza hanqora, shaara mala dhippi gida cuwara haakoppe yaana; iza metershati hanqon kumida; iza inxarsayka xuuggiza tama mala.

ኢሳያሳ ቲንቢቴ 30:33

Beni wodeppe doommidi Toofeete geetettiza xuuggizasoy giigetti uttides; kawozasikka giigetti uttides; xuuggana gongolozikka aahonne ciimma; iza giddon daro tamaynne eexxana miththi dees; GODAA peenoy diine tama mala eeththi kessana.

ኢሳያሳ ቲንቢቴ 33:14

Xiyoonen diza nagaranchchati dagammida; Xoossi isttas bayndayti babbidi, «Nu garsafe xuuggiza tamara daana dandayzay oonee? Mernaa tamara daana dandayzay oonee?» gida.

ኢሳያሳ ቲንቢቴ 42:8

«Tani GODAA; hayssi ta sunththa; ta bonchcho haras aaththa immike; ta galataakka eeqa xoossatas sheedhdhike.

ኣሞጼ ቲንቢቴ 5:6

Haa Xoossaako simmite; histtiko intte shemppora paxa de7ana; akkay giikko Xoossi tama mala Isra7eele deraa maana; Beetelen dizaytakka tamay maana; he tama toyssanay isttas beettenna.

ናሆሜ ቲንቢቴ 1:2

GODAY zil7ettizanne halo kessiza Xoossa; GODAY halo kessizanne hanqon kumida Xoossa. GODAY halo kessizaadenne pala miishshi izan kumidaade. GODAY ba baalgaarata bolla halo kessees; ba morkketa bolla ba hanqo ehees.

ናሆሜ ቲንቢቴ 1:6

Iza hanqora eqettana dandayzay oonee? iza hanqo minoza tookkana dandayzay oonee? Iza hanqoy tama mala eexxides; zaallatikka iza sinththafe za7ida.

ሶፎናሳ ቲንቢቴ 1:18

GODAA bashsha gallas istta biraynne worqqay istta ashshanaas dandayenna. Biittay kumeth iza hanqon dhayana; iza zil7eteththa suulen biitta ubbay xuugettana; biitta bolla diza ubbaa bolla qoppontta dishin wurseth ehana» gees GODAY.

ሶፎናሳ ቲንቢቴ 3:8

GODAY, «Hessa gishshas ta pirdana gallassay gakkanaas diishshite; tani dere asanne kawota shiishshanaas qachchadis. Tani ta mino hanqoza istta bolla gussanaas qachchadis. Ta hanqo taman kumeththa biittay eexxana.

ታይቦ ማጻፋ 25:11

«Qeese Aaroones naaza naa, El7ezeere naa Finihaasi Isra7eele asaa giddon tani ta bonchchos eqettiza mala izi eqettida gishshas istta bolla ta hanqettida hanqoy dochchides; hessa gishshas tani ta hanqozan Isra7eele asaa dhayssabeekke.

1ቆሮንቶሴ ኣሳስ 10:22

Nuni Godaa hanqeththinoo? Nu izappe minnizonii?

ዛሬ ማጻፋ 29:20

Hessa mala as GODAY mulekka maarenna; GODAA hanqoy izaade bolla tama mala eexxana; hayssa ha maxaafan xaafettida qanggeththi izaade bolla wodhdhana; salo garsafe iza sunththaa GODAY dhayssana.

ዛሬ ማጻፋ 32:16

Istti eeqa xoossatas goynnidi Xoossaa mishisida; bantta iita oosonkka iza hanqeththida.

ዛሬ ማጻፋ 5:9

Tani GODAA ne Xoossay keeha qanaatiza Xoossa; hessa gishshas masetti oosettida ay eeqa xoossataska goynnofanne ziggofa; tani tana ixxizayta wursa qaxxayays; istta zereththatakka heedzdzanththonne oydanththo yeleta gakkanaas tani qaxxayana.

ዛሬ ማጻፋ 6:15

Gaasoykka intte giddon de7iza GODAA intte Xoossay qanaatiza Xoossa; hessa gishshas iza hanqoy intte bollan tama mala eexxi kezana; izikka inttena biitta bollafekka mulera dippi histti dhayssana.

ዛሬ ማጻፋ 9:3

Gido attiin tama mala xuuggiza GODAA intte Xoossay izi inttefe sinththara bishin intte hach be7ana; intte gede sinththe sinththe gujjishin izi istta xooni xooni baana; hessa gishshas izi inttes immida hidota qaalaa mala intte istta dhoqallidi eeson gooddi dhayssana.

Ibirawe 12:29

Nu Xoossay xuuggiza tama mala.