ዛሬ ማጻፋ 32:4 - Geeshsha Maxaafa

⁴ «Izi nuus miixa; iza oosotikka kumeththa; Iza ogeti wurikka suure; izi balettontta ammanettida Xoossa; izi suurenne xillo Xoossa.

ጋሞ ማጻፋ

⁴ «ኢዚ ኑስ ሚጻ፤ ኢዛ ኦሶቲካ ኩሜ፤ ኢዛ ኦጌቲ ዉሪካ ሱሬ፤ ኢዚ ባሌቶንታ ኣማኔቲዳ ጾሳ፤ ኢዚ ሱሬኔ ጺሎ ጾሳ።

ዛሬ ማጻፋ 32:4 ပူးပေါင်းရင်းမြစ်များ

ሜቴ ማጻፋ 1:31

Xoossi ba medhdhidayssa ubbaaka xeellidi daro lo7o gididayssa be7ides. Gadey qammidessinne wontides; hessika usuppunththa gallassa.

ሜቴ ማጻፋ 18:25

Xillota wordotara gaththa wodhizayssinne xillotanne wordota issi ayfen xeellizayssi hessi neeppe haakko; ha biitta ubbaa bolla pirdiza neni xillo pirdikii?» gides.

2ሳሜላ ማጻፋ 22:47

«GODAY de7o Xoossa; ta zaallay izi anjjetto; ta atoteththa zaallay ta Xoossay dhoqqu dhoqqu go.

2ሳሜላ ማጻፋ 23:3

Isra7eele Xoossi haasaydes; Isra7eele zaallay taas, ‹Asaa xilloteththan haarizay, Xoossa yashshateththan ayssizay,

2ታሪኬ ማጻፋ 19:7

Ha7ikka intte GODAAS yayyite; GODAA nu Xoossaa matan naaqo pirday, maaddo pirdaynne matta7e muusi baynda gishshas intte ooththiza ubbaan naagettidi ooththite» gides.

ናሂሚያ ማጻፋ 9:8

Izi nees ammanettida as gididayssa beyada izara caaqettadasa; Kanaane asay, Hiite asay, Amoore asay, Paarize asay, Yaabuse asaynne Gergese asay izan diza biitta, iza zereththatas duussa biitta gidana mala laatissanaas caaqo qaala geladasa; neni xillo gidida gishshas ne caaqo qaala minththa naagadasa.

ኢዮቤ ማጻፋ 34:10

«Akeekiza asatoo ane tana ezgite! Iita oosoy Xoossafe; bala oosoy Ubbaa Dandayza Xoossafe haakko!

ኢዮቤ ማጻፋ 35:14

Iyoobee! Neni ta Xoossa aykkoka be7ikke giikkoka, ne metoy iza sinththan de7iza gishshas, neni dandayan naagana koshshees.

ኢዮቤ ማጻፋ 36:23

‹Hayssa ooththa› giidi Xoossa azaziza asi woykko, ‹Iita ooso ooththadasa› giidi iza walassizay oonee?

ኢዮቤ ማጻፋ 8:3

Xoossi pirda bokkasi erizee? Ubbaa Dandayza Xoossay xilloteth bokkasi erizee?

ዬ ማጻፋ 100:5

Ays giikko GODAY kiya; iza siiqoy mernaassa; iza ammaneteththay yeletappe yeleta gakkanaassa.

ዬ ማጻፋ 138:8

GODAY taas qoppidayssa polana; abeet GODAWU! Ne siiqoy mernaassa; ne kushe ooso yegga aggofa.

ዬ ማጻፋ 145:17

GODAY ba oge ubbaan xillo; izi ba ooso ubbaan kiya.

ዬ ማጻፋ 146:6

GODAY salonne sa7a, gita abbanne istta giddon diza ubbaa medhdhidayssa; izi ba ammaneteththaa mernaas naagizayssa.

ዬ ማጻፋ 18:2

GODAY taas zaalla; tani olappe naagettiza miixa; izi tana ashshizayssa; ta Xoossay tani izan geemetta attiza wogga zaalla. Izi taas gondalle; izi tana ashshiza kace; taas izi mino zemppo.

ዬ ማጻፋ 18:46

GODAY de7o Xoossa! Ta zemppiza wogga zaallay galatetto! Tana ashshida Xoossay dhoqqu dhoqqu go!

ዬ ማጻፋ 19:7

GODAA wogay suure; shemppo zaari cil7isees; GODAA azazoy ammanettizayssa; akeekay paccidaytas aadho erateth immees.

ዬ ማጻፋ 31:5

Abeet GODAWU tumu Xoossawu! tani ta shemppo ne kushen hadara immays; neni tana wozza.

ዬ ማጻፋ 33:4

GODAA qaalay tuma; izi ooththiza ooso ubbay ammanettizayssa.

ዬ ማጻፋ 78:35

Istti Xoossi isttas Zaalla gididayssanne Ubbaafe Dhoqqa Xoossi istta wozzidayssa hassa7ida.

ዬ ማጻፋ 9:16

GODAY ba xillo pirdan erettides; iita asi ba kushen ooththida ooso woximaden oykettides.

ዬ ማጻፋ 90:16

Nuus ne aylletas ne oosoy qoncco; ne bonchchoy nu naytas beetto.

ዬ ማጻፋ 92:15

Istti, «GODAY likke; izi taas wogga zaalla; iza bolla wosoy deenna» gaana.

ዬ ማጻፋ 97:2

Shaaraynne sakkanna dhumay iza yuuyi aadhdhides; xilloteththinne tumateththi iza kawoteththa araataas yochcha.

ዬ ማጻፋ 98:3

Izi Isra7eeleta siiqizayssanne isttas ammanettizayssa hassa7ides; sa7a gaxa gakkanaas diza asay ubbay nu Xoossay ashshizayssa be7ides.

ዬ ማጻፋ 99:4

Tuma pirda dosiza wolqqama kawo! neni suureteththas yoch yeggadasa; neni Yaaqoobes tumu pirdanne xilloteth essadasa.

ኬሳ ማጻፋ 34:6

GODAY Muse sinththara, «Tani GODAY qadhetaynne maarotay kumida Xoossa, hanqettanaas gam7iza, mernaas siiqizanne ammaneteththay darida Xoossa.

ኤራንቻታ ማጻፋ 3:14

Xoossay ooththidayssi ubbay mernaas de7anayssa ta erays; izi ooththidayssa bolla gujjanaas woykko izappe guuththanaas dandayettenna. Xoossi hessa ooththiday asay iza bonchchana malassa.

ኢሳያሳ ቲንቢቴ 17:10

Nena ashshiza Xoossaa baladasa; ne izan qotetta attiza ne zaallaka akeekabeekka; hessa neni doorettida atakilte tokkikokka, ooraththa zereth ne zerikkoka,

ኢሳያሳ ቲንቢቴ 25:1

Abeet GODAWU! Neni ta Xoossaa. Tani nena dhoqqu dhoqqu histtana; ne sunththaaka sabbana. Gaasoykka benippe qofettidayssa malalisiza hano kumeththa ammaneteththan ooththadasa.

ኢሳያሳ ቲንቢቴ 26:4

Mernaas GODAAN ammanettite; GODAY nuus mernaa Zaalla.

ኢሳያሳ ቲንቢቴ 28:16

Hessa gishshas Ubbaa Haariza GODAY, «Be7ite! Tani Xiyoonen paacettida shuch, yochcha shuch, mino yochchas gidiza bonchchettida gula shuch woththana; izan ammanizay yeellatenna.

ኢሳያሳ ቲንቢቴ 30:18

Gido attiin GODAY inttes kiya ooththanaas naagees; inttena ba qadheteththa bessanaas dendees; GODAY tumu pirdiza Xoossa gidida gishshas ammanettidi iza naagizayti anjjettidayta.

ኢሳያሳ ቲንቢቴ 32:2

Asi hu7en hu7en carkofe geemmizasoho, goteppeka baqati attizasoho gidana; bazzo biittan haaththa pultto mala, saamettida biittan wogga zaalla kuwa mala gidana.

ኤርማሳ ቲንቢቴ 10:10

Gido attiin GODAY tumu Xoossa; izi de7o Xoossanne mernaa Kawo. Izi hanqettiza wode biittay qaaxxees; kawoteththatikka iza yiillo dandayettenna.

ኤርማሳ ቲንቢቴ 9:24

Gido attiin ceeqettiza oonikka tani GODAA gididayssa eroninne biitta bolla siiqo, suure pirdanne xilloteth ooththizay tana gidoyssa akeekon ceeqetto. Tani haytan ufayettays» gees.

ዳኔላ ቲንቢቴ 4:34

Kawo Nabukadanaxoorey, «Laappun layththati aadhdhidaappe guye tani ta ayfeta pude salo denththadis; taas wozina kahay simmides; Ubbaafe Dhoqqa Xoossa galatadis; mernaas diza Xoossa sabbadis; bonchchoka izas immadis; iza kawoteththay mernaassa; iza kawoteththay yeletappe yeleta gakkanaas daana.

ዳኔላ ቲንቢቴ 4:37

«Hekko be7ite! Tani Nabukadanaxoorey salo kawos galata, bonchchonne saba shiishshays; iza ooso ubbay likke; iza ogeykka suure; otoranchchata izi kawushshanaas dandayees» gides.

ኢምባቆ ቲንቢቴ 1:12

Abeet GODAWU! Ne mernaasofe daasa gidikkii? Ta Geeshshawu, ta Xoossawu, neni naagiza gishshas nuni hayqqoko; GODAWU istta pirdana mala ne istta shuumadasa. Zaallazoo! Istti nuna qaxxayana mala ne isttas maata immadasa.

ኢምባቆ ቲንቢቴ 1:13

Ne ayfeti iita xeellontta mala keehi geeshsha; neni qoho co7u ga xeellanaas dandayakka; histtiin as baleththizayta aazas co7u gadii? He asati baappe keehi xilliza asata dhayssishin ne aazas co7u gay?

ሶፎናሳ ቲንቢቴ 3:5

Izin diza GODAY izi xillo. Mulekka baletti erenna; maalado maalado suure pirdees; ubbaa gallassika daaburi erenna; gido attiin makkallanchchatas yeellay deenna.

Maatosa 5:48

Hessa gishshas intte salo Aaway wosoy bayndaytas gidida mala intteka wosoy bayndaade gidite.

ዮሃኒሳ ሚሺራቾ 1:14

Qaalaykka as gidides; Xoossa kiyateththaninne tuman kumidi nunan aqides; issi naas aawaa matan diza bonchcho misatiza iza bonchcho nu be7idos.

ዮሃኒሳ ሚሺራቾ 1:17

Wogay Muse baggara imettides; kiyateththinne tumay gidikko Yesus Kirstoosa baggara nuus yides.

ዮሃኒሳ ሚሺራቾ 14:6

Yesusikka izas, «Ogeynne, tumay, de7oykka tana; ta baggara gidikkofe attiin oonikka Aawaakko baana asi deenna.

ዮሃኒሳ ሚሺራቾ 5:22

Aaway oona bollaka pirdenna; gido attiin pirda maata ubbaa ba naazas immides.

ኦሮሜ ኣሳስ 1:32

«Hessa ooththizayti wurikka hayqqanaas bessees» giza Xoossa wogaa istti erishe heytantta baas ooso xalala gidontta hessaththo ooththizaytakka minththeththeettes.

ኦሮሜ ኣሳስ 2:2

Hayta malaata ooththiza asata bolla Xoossa pirday likke gididayssa nu eroos.

ኦሮሜ ኣሳስ 2:5

Gido attiin neni ne wozina muumeteththaninne maaroteth koyontta ne wozina gaason Xoossaa tuma pirday qoncciza wode Xoossa hanqo gallassas ne bolla daro hanqo shiishshaasa.

ኦሮሜ ኣሳስ 3:5

Nu makkalla oosoy Xoossa xilloteth qonccen bessizayssa gidikko histtiin nu ay gaanee? Coo asa woga mala palamettanaas Xoossi ba hanqo nu bolla ehizayssi nuus bessenna gaaneyee? Hessaka ta gizay asaththo qofanna.

1ቆሮንቶሴ ኣሳስ 10:4

Wurikka issi ayana ushshu uyida; istti uyidaykka bana kaalliza ayana zaallafe pulttidayssafe; he zaallayka Kirstoosa.

ዛሬ ማጻፋ 10:18

Izi yi7otassinne am7etas pirdees; izi deraa giddon diza bete asata dosiza gishshas kaththinne may7o isttas immees.

ዛሬ ማጻፋ 32:15

«Isra7eele asay ordidessinne makkallides. Daro miidi modhdhidessinne moollattides; bana medhdhida Xoossaa aggides; bana ashshidayssaka kawushshides.

ዛሬ ማጻፋ 32:18

Istti baas de7o immida zaallaa dogida; bana medhdhida Xoossaaka balida.

ዛሬ ማጻፋ 7:9

Hessa gishshas GODAA intte Xoossay mulera ammanettida Xoossaa gididayssa intte yuushshi qopite; izi ba caaqqida qaalaa naagees; iza dosizaytassinne iza azazo polizaytas ubbaas shii yeleta gakkanaas izi ba mernaa siiqo bessana.

ያቆቤ ኪታ 1:17

Lo7o imoteththinne kumeththa anjjoy wuri bolla salo poo7ota Aawappe wodhdheettes; iza achchan yaanne haa yuuyiza eeshoykka deenna.

ያቆቤ ኪታ 4:12

Woga woththidaadeynne pirdizaadey issaade xalla; izikka dhayssanaassinne ashshanaas dandayzaade; gido attiin ne lagge bolla pirdizaadey ne oonee?

1ጴጽሮሳ ኪታ 2:6

Geeshsha Maxaafan, «Hekko doorettida bonchcho gidida keeththas gulan uttiza shuch tani Xiyoonen woththana; izan ammanizaadey yeellatenna» giza qaalay xaafetti uttides.

1ሳሜላ ማጻፋ 2:2

«GODAA mala geeshshi oonikka deenna; neeppe attiin haray deenna; nu Xoossaa mala Zaallay deenna.