ዛሬ ማጻፋ 30:3 - Geeshsha Maxaafa

³ GODAA intte Xoossay inttes qadhettananne inttefe di7ettida intte miishshaa inttes zaarana; intte kase laaletti diza dereppe zaari ehidi qasseka duresana.

ጋሞ ማጻፋ

³ ጎዳ ኢንቴ ጾሳይ ኢንቴስ ቃታናኔ ኢንቴፌ ዲኤቲዳ ኢንቴ ሚሻ ኢንቴስ ዛራና፤ ኢንቴ ካሴ ላሌቲ ዲዛ ዴሬፔ ዛሪ ኤሂዲ ቃሴካ ዱሬሳና።

ዛሬ ማጻፋ 30:3 ပူးပေါင်းရင်းမြစ်များ

ሜቴ ማጻፋ 28:15

Tani nenara days; neni bizaso ubbaan tani nena naagana; qasse tani nena ha biitta guye zaarada ehana; tani nees ooththana gidayssa ooththana; nenakka yeggike» gides.

ሜቴ ማጻፋ 48:21

Hessafe guye Yaaqoobey Yooseefe, «Ta hayqqana gays; gido attiin Xoossi inttenara gidana; qasse izi intte aawata biitta inttena guye zaarana.

1ታሪኬ ማጻፋ 16:35

«Abeet nuna ashshiza GODAWU! Nuna ashsha; ne geeshsha sunththaa nu galatana mala, nu nena galatan bonchchana mala kawoteththata giddofe nuna shiishshada ashsha» giite.

ኢዮቤ ማጻፋ 42:10

Iyoobi ba heedzdzu laggetas woossidaappe guye Xoossi izi zaari durettana mala ooththides. Kase izas dizayssafe aaththidi dakko izas immides.

ዬ ማጻፋ 107:3

arshey mokkizasoppenne wullizasoppe, pudehappenne dugehappe dere ubbaafe izi shiishshidayti hizgi haasayetto.

ዬ ማጻፋ 147:2

GODAY Yerusalaame ooraxissana; Isra7eeleppe betidaytakka shiishshana.

ኢሳያሳ ቲንቢቴ 27:12

He gallas Efiraaxise shaafappe haaththi baynda Gibxe Shaafa gakkanaas GODAY ba kaththaa bukkana; intteno Isra7eele asatoo, intte issoy issoy shiiqana.

ኢሳያሳ ቲንቢቴ 43:5

«Tani nenara diza gishshas yayyofa; tani ne nayta arshey mokkiza baggafe ehana; nena arshey wulliza baggafe shiishshana.

ኢሳያሳ ቲንቢቴ 54:7

«Guuththa wode tani nena aggadis; gido attiin gita qadhetan ta nena zaara shiishshana.

ኢሳያሳ ቲንቢቴ 56:8

Laalettida Isra7eele shiishshiza, Ubbaa Haariza GODAY, «Shiiqidayta bolla gujja, tani haratakka zaara shiishshana» gees.

ኤርማሳ ቲንቢቴ 12:14

GODAY, «Tani ta dere Isra7eeles immida xinxxo biitta oykkiza iita shoorota tani istta istta biittafe dhoqallana. Qasse Yuhuda asatakka istta giddofe dhoqallana.

ኤርማሳ ቲንቢቴ 23:3

Hessafe guye ta wudeppe attidayta kase ta goodda yeddida dere ubbaafe tani tarkka shiishshada kase ta heemmizasoho zaara ehana; isttika hessan yelettidi corattana.

ኤርማሳ ቲንቢቴ 29:14

Tanikka inttes beettana. Ta intte di7etti bida biittafe zaarana; tani inttena laalla yeddida kawoteththafenne soho ubbaafe shiishshana; histtada tani inttena di7os yeddanaappe kase intte de7ida soho guye zaarada ehana› gees.

ኤርማሳ ቲንቢቴ 31:10

«Intteno kawoteththatoo GODAA qaala siyite! Haahon diza abba gaxatankka, ‹Isra7eele laalliday izi istta zaari shiishshana; ba wudezakka heenththanchcha mala izi heemmana› giidi awajjite.

ኤርማሳ ዚላስ 3:22

Hessika nuni dhayontta aggiday GODAA siiqoy daro gidida gaasonna; iza qadhetaykka mernaas wurontta gishshassa.

ኤርማሳ ዚላስ 3:32

Izi asa bolla meto ehikkoka ba mernaa siiqon simmi qadhettees;

ሂዚቄላ ቲንቢቴ 11:17

«Hessa gishshas neni, ‹Ubbaa Haariza GODAY: kawoteththata giddofenne intte laalettida biittatappe tani inttena shiishsha zaarana; Isra7eele biittaaka tani zaarada inttes immana› gees.

ሂዚቄላ ቲንቢቴ 36:24

« ‹Tani inttena kawoteththata giddofe kessana; dere ubbaafe ta shiishshana. Histtada inttena intte biitta zaara ehana.

ሂዚቄላ ቲንቢቴ 39:28

Tani istta kawoteththa giddon laalettana mala ooththidaa gidikkoka issaaka ashshontta istta istta dere ta zaarana; hessafe guye tani GODAY istta Xoos gididayssa istti erana; Tani isttafe issaanne kawoteththa giddon aggike.

ሚኪያሳ ቲንቢቴ 7:19

Simmadakka nuus ne qadhettaasa; nu nagarakka ne toho garsan yedhdhaasa; nu qohozakka ubbaa gede cima abba giddo yeggaasa.

ዛካራሳ ቲንቢቴ 10:9

Tani istta dereta giddon laallikokka istti heen haaho deren dishe tana qoppana; isttanne istta nayti shemppora paxa attidi guye simmana.

ኦሮሜ ኣሳስ 11:23

Istti ammanontta minni eqqidasoppe simmiko kase ba dizaso simmi gelana; Xoossika istta zarsi gelththana dandayees.

ኦሮሜ ኣሳስ 11:26

Hessa gishshas Isra7eele nayti wurikka attana. «Ashshizaadey Xiyooneppe yaana; Yaaqoobeppeka iitateth diggana.

ኦሮሜ ኣሳስ 11:31

Xoossi inttena maarida gaason isttika maarettana mala ha7i azazettonttayta gidida.

ዛሬ ማጻፋ 13:17

Piila miishshafe aykkoyka intte kushen beettofo; histtiko GODAY ba wolqqama hanqofe simmidi inttena maarana; izi inttes qadhettana; kase intte aawatas gelida qaala mala intte qooda darsana.

ዛሬ ማጻፋ 4:27

GODAY inttena hara kawoteththata giddon laallana; intte bi laalettidason inttefe amardayti xalla attana.