ዛሬ ማጻፋ 28:9 - Geeshsha Maxaafa

⁹ Neni GODAA ne Xoossaas azazettikonne ne iza azazota ubbaa polikko izi nees caaqqida qaalaa mala izi nena baas dumma shaakettida dere histtana.

ጋሞ ማጻፋ

⁹ ኔኒ ጎዳ ኔ ጾሳስ ኣዛዜቲኮኔ ኔ ኢዛ ኣዛዞታ ኡባ ፖሊኮ ኢዚ ኔስ ጫቂዳ ቃላ ማላ ኢዚ ኔና ባስ ዱማ ሻኬቲዳ ዴሬ ሂስታና።

ዛሬ ማጻፋ 28:9 ပူးပေါင်းရင်းမြစ်များ

ዛሬ ማጻፋ 7:6

Gaasoykka GODAA intte Xoossay inttena baas gidana mala doorida dumma dere; biitta bolla diza dere ubbaafe intte izas dumma dere gidana mala doorettideta.

1ጴጽሮሳ ኪታ 5:10

Intte guuththa wodes waayettidayssafe guye inttena Kirstoosa baggara mernaa bonchchos xeygida kiyateth ubbaas Goday izi barkka inttena gakkida waayezappe ashshana, maaddananne minththeththana qasseka dazgisana.

ዛሬ ማጻፋ 13:17

Piila miishshafe aykkoyka intte kushen beettofo; histtiko GODAY ba wolqqama hanqofe simmidi inttena maarana; izi inttes qadhettana; kase intte aawatas gelida qaala mala intte qooda darsana.

Titosas 2:14

Izikka nuna iitateththaafe wozzanaassinne lo7o ooththanaas minniza ba dere baas dooranaas bana nuus aaththi immides.

ኢሳያሳ ቲንቢቴ 62:12

Istti, «GODAY Wozzida Geeshsha dereta; nekka Yegetta Attonttaaro koyettiza Katamayo» geetettana.

ኤርማሳ ቲንቢቴ 11:5

Hessan maaththinne eessi goggiza biitta kase intte aawatas immanaas tani caaqqida caaqo polana› gadis» gees. Tanikka, «Ero, GODAWU, amiin» gadis.

ኢሳያሳ ቲንቢቴ 1:26

Kase nena ayssizayta mala hara nena ayssanaytanne zoranayta tani nees denththana; hessafe guye neni, ‹Xilloteththi diza ammanettida katamayo› geetettana.

ዬ ማጻፋ 87:5

Xiyoone gishshas, «Ubbaa asay izin yelettides; Ubbaafe Dhoqqa Xoossi izo minththi essana» geetettana.

2ታሶሎንቄ ኣሳስ 3:3

Goday gidikko ammanettidayssa; izikka inttena minththana; Xala7eppeka inttena naagana.

ዛሬ ማጻፋ 7:8

Gido attiin GODAY inttena siiqida gishshassinne kase intte aawatas gelida hidota qaala naaganaas koyida gishshas izi inttena Gibxe kawos aylleteththan diza Gibxe biittafe ba gita wolqqan wozzidi kessides.

ሜቴ ማጻፋ 17:7

Tani taappenne neeppe, neeppe guye ne zereththa giddon, yeletappe yeleta gakkanaas ta gelida caaqo qaala minththana; ha caaqoykka tani neessinne neeppe guye ne zereththas Xoos gidana.

ኬሳ ማጻፋ 15:26

Izi isttas, «GODAA intte Xoossay yootizayssa intte lo7eththi siyikko, iza ayfe sinththan lo7o ooththiko, intte iza azazo wozinan woththi naagikko, iza wogaakka ubbaa naagikko, tani Gibxe asaa bolla ehida hargefe issaaka intte bolla ehikke; gaasoykka tani inttena paththiza GODAA» gides.