ዛሬ ማጻፋ 26:11 - Geeshsha Maxaafa

¹¹ Neessinne ne soo asaas GODAA ne Xoossay immida lo7o miishshaan ufayettidi GODAA galatite; Lewetinne intte giddon de7iza bete asati ubbayka inttenara ufayetetto.

ጋሞ ማጻፋ

¹¹ ኔሲኔ ኔ ሶ ኣሳስ ጎዳ ኔ ጾሳይ ኢሚዳ ሎኦ ሚሻን ኡፋዬቲዲ ጎዳ ጋላቲቴ፤ ሌዌቲኔ ኢንቴ ጊዶን ዴኢዛ ቤቴ ኣሳቲ ኡባይካ ኢንቴናራ ኡፋዬቴቶ።

ዛሬ ማጻፋ 26:11 ပူးပေါင်းရင်းမြစ်များ

ናሂሚያ ማጻፋ 8:10

Nahimiyay, «Biidi lo7o kath miite; qasse mal7iza ushshu uyi ufayettite; aykkoy bayndaytas inttes dizayssafe immite; hayssi nu Xoossas anjjettida gallassa; Xoossa ufayssay inttes wolqqa gidida gishshas ceecopite» gides.

ኤራንቻታ ማጻፋ 3:12

Hessa gishshas asi ba de7o layththan lo7o ooso ooththizayssafenne ufayssizaaz ooththizaazappe aadhdhiza hara miishshi bayndayssa tani eradis.

ኤራንቻታ ማጻፋ 3:13

Qasse asas izas iza daaburaas waaga gidizay miidinne uyidi bana ufayssizayssa; hessika izas Xoossafe imettida imota.

ኤራንቻታ ማጻፋ 5:18

Asa qaaday hessa gidida gishshas salo gufanththon Xoossi asi de7ana mala immida qaanththa layththa garsan asi ba daaburda daaburappe muussinne ushshi lo7onne bessizayssa gididayssa ta akeekadis.

ኤራንቻታ ማጻፋ 7:14

Nees wodey lo7ishin ufayetta; gido attiin wodey iitishin hayssa wozinan woththa; Xoossi issaa ooththida mala harakka ooththides; hessa gishshas asi sinththafe hanana miish aykkoka pilggidi erana dandayenna.

ኢሳያሳ ቲንቢቴ 65:14

Ta ashkarati wozinappe ufayssan yexxana; intte gidikko wozinay meqqiin intte waassana; intte ayanay meqqida gishshas intte woo woo giidi waassana.

ዛካራሳ ቲንቢቴ 9:17

Istti ay mala lo7onne puula as gidaneeshshaa! Kaththi naateththata woyne ushshi geela7ota anqarsana.

1ቆሮንቶሴ ኣሳስ 9:11

Nu intte giddon Ayana zereth zeridayti ashos gidizaaz maxikko hessi gita miishshee?

ዛሬ ማጻፋ 12:12

Intte macca naytaranne intte attuma naytara, inttes ooththiza maccassataranne attumasatara, inttenara xinxxo gishetti ekkontta bantta bantta kataman katamaan diza Lewe qommotara GODAA intte Xoossaa sinththan intte ufayettana.

ዛሬ ማጻፋ 12:18

GODAA intte Xoossay dooridason intte macca naytaranne attuma naytara, intte macca aylletaranne attuma aylletara, hessaththoka intte katamatan diza Lewe qommotara issife GODAA intte Xoossaa sinththan miite; intte daaburdi shiishshida miish ubbaan GODAA intte Xoossaa sinththan heen ufayettana.

ዛሬ ማጻፋ 12:7

Heen GODAA intte Xoossaa sinththan intte maana; qasse intte intte wolqqan ooththi kessida ubbaaninne GODAA intte Xoossay inttena anjjida ubbaan intte intteso asaara ufayettana.

ዛሬ ማጻፋ 16:11

Hessan intte intte attuma naytaranne intte macca naytara, intte attuma aylletaranne macca aylletara, intte katamaan diza Lewetaranne bete asatara, intte giddon diza yi7otaranne am7etara ubbay GODAA intte Xoossi ba sunththi xeygettana mala dooridason ufayettite.

ዛሬ ማጻፋ 27:7

Issifeteththa yarsho shiishshidi heen GODAA intte Xoossaa sinththan ufayettishe miite.

ዛሬ ማጻፋ 28:47

GODAA ne Xoossay nena daro baggara anjjides; gido attiin ne galatashe ufayssan izas ooththabeekka.

ፒሊጲሲዮሴ ኣሳስ 4:4

Ay wodekka Godaan ufayettite; qasseka ta inttena ufayettite gays.