ዛሬ ማጻፋ 1:17 - Geeshsha Maxaafa

¹⁷ Intte gela pirda pirdofte; guuth gidiin gita gidiin maado pirda pirdofte; pirday Xoossas gidida gishshas ay asaska babofte; inttefe bolla gididayssa ubbaa taakko ehite; hessa tani pirdana› gadis.

ጋሞ ማጻፋ

¹⁷ ኢንቴ ጌላ ፒርዳ ፒርዶፍቴ፤ ጉ ጊዲን ጊታ ጊዲን ማዶ ፒርዳ ፒርዶፍቴ፤ ፒርዳይ ጾሳስ ጊዲዳ ጊሻስ ኣይ ኣሳስካ ባቦፍቴ፤ ኢንቴፌ ቦላ ጊዲዳይሳ ኡባ ታኮ ኤሂቴ፤ ሄሳ ታኒ ፒርዳና› ጋዲስ።

ዛሬ ማጻፋ 1:17 ပူးပေါင်းရင်းမြစ်များ

ሜቴ ማጻፋ 18:25

Xillota wordotara gaththa wodhizayssinne xillotanne wordota issi ayfen xeellizayssi hessi neeppe haakko; ha biitta ubbaa bolla pirdiza neni xillo pirdikii?» gides.

2ሳሜላ ማጻፋ 14:14

Biittan gukkida haaththi simmonttayssaththo nuni ubbayka hayqqoos; Xoossi biittafe goodettida asi iza sinththafe baqati bidason attontta mala simmi yaana oge izas giigssees attiin iza shemppoy dhayana mala koyenna.

2ታሪኬ ማጻፋ 19:5

Yuhuda biittan de7iza gimbettida katamatan ubbaan daannata shuumides.

2ታሪኬ ማጻፋ 19:6

Histtidi daannatas, «Intte pirdana pirday asas gidontta intte pirdiza wode ubbaan inttenara diza GODAAS gidida gishshas keehi naagettidi pirdite.

ኢዮቤ ማጻፋ 31:34

Tana asa daroy yashissininne soo asata kadhoy daganththiin tani tason co7u gaada qotettida wodey deenna.

ዬ ማጻፋ 82:2

«Intte awude gakkanawu geella pirda pirdanee? Iitatakka awude gakkanaas maaddanee?

ኬሳ ማጻፋ 18:18

Neninne nenara diza asay daabura xalala daabureeta; hayssi oosozi nees daro deexo; neni hayssa nerkka ooththanaas dandayakka.

ኬሳ ማጻፋ 18:22

Istti ubba wode asaas pirdetto; gido attiin deexo yo7o ubbaa neekko ehetto; waayisontta yo7o ubbaa istti heen wursetto. Istti nenara gishettiza gishshas toohoy nees kawuyana.

ኬሳ ማጻፋ 18:26

Isttika asaas ubba wode pirdida; bana deexxida yo7oza Musekko ehida shin deexxontta yo7oza ubbaa barkka wursida.

ሌሚሶ ማጻፋ 18:5

Iita as maaddidi, xilloza pirda geellasizayssi lo7o gidenna.

ሌሚሶ ማጻፋ 24:23

Aadho eranchchati gujjidikka hayssaththo gida; Pirdishe maado pirday lo7o gidenna.

ሌሚሶ ማጻፋ 28:21

Shaakkidi maadoy lo7enna; gido attiin asi guuththa kaththas giidi mooro ooththees.

ሌሚሶ ማጻፋ 29:25

Asas yayyizayssi izaades woximade gidees; gido attiin GODAAN ammanettiza asi saron de7ees.

ኤርማሳ ቲንቢቴ 1:17

«Neni gidikko giigetta! Denda eqqada tani nena azazizayssa ubbaa isttas yoota; isttas yayyofa. Neni isttas yayyiko tani nena istta sinththan gujja yashissana.

ሌዌታ ማጻፋ 19:15

« ‹Neni pirda pirdiza wode pirda geellasoppa; manqo iza manqoteththa gishshas maadda pirdofa; gita asatas dumma bonchcho immofa; dere asaakka dumma maadda pirdofa; asa ubbaas tumu pirda pirda.

ሚልካሳ ቲንቢቴ 2:9

Histtiin intte ta ogen bontta gishshassinne intte intte timirteza dumma maado ooththida gishshas intte asa ubbaa sinththan kadhettana malanne intte guuxxana malata ooththadis.

Maatosa 22:16

Bana kaallizayta Herdoosa asatara izakko kiittidi, «Astamaaree! Neni tumanchchanne Xoossa oge tumappe tamaarsizaade gididayssanne oonaska dumma maado ooththontta ubbaaka issi mala ne xeellizayssa nu eroos.

ማርቆሳ ሚሺራቾ 12:14

Isttika izakko yiidi, «Astamaaree! Neni mooroy baynda as gididayssa nu eroos; ne oonaska babbada wordo maaddaka; Xoossa oge xalala tumu tamaarsaasa. Oroome kawo Qeesaares giira qanxxanaas bessizeyee? Bessennee? Nu qanxxinoyee? Qanxxofinoo?»

ሉቃሳ ሚሺራቾ 20:21

Iza doonappe yo7o koyza asati Yesusa, «Astamaaree! Neni tumaa haasayzayssanne tumaa tamaarsizayssa; qasseka Xoossa oge ne tumu tamaarsizayssanne oonakka shaakka maaddonttayssa nu eroos.

ኦሮሜ ኣሳስ 2:11

Xoossi oonakka shaakki maaddenna.

ኤፌሶኔ ኣሳስ 6:9

Intteno godatoo! Intteka intte oosisizaytas hessaththo ooththite; isttassinne inttes Godaa gididay bolla salon dizayssa; izikka ayfeso xeelli as maaddonttayssaka intteka eriza gishshas oosanchchata babiso aggidi lo7o ooththite.

ዛሬ ማጻፋ 10:17

GODAA intte Xoossay xoossa geetettiza ubbaafe bolla; godatas Godaa; izi gita, minonne yashshiza Xoossa; izi maaddi pirdontta Xoossanne maganxo ekkontta Xoossa.

ዛሬ ማጻፋ 16:19

Pirda geellasoppa; asa ayfeso beyada maadda pirdofa; baleththofa; maganxo mooppa; gaasoykka maganxoy aadho eranchchata ayfe qooqisees; xillota qaalakka bokkisees.

ዛሬ ማጻፋ 24:17

Hara biitta asatassinne yi7o naytas pirda geellasoppa; am7ey may7o iza tal7e ekkida miishsha gishshas gaada oyso ekkofa.

ዛሬ ማጻፋ 25:1

Nam7u asati ba garsan palamettidi pirdaso biikko qohettidayssa ne xillo; qohidayssa, «Ne wordo» giidi pirdizayti pirdetto.

ቆላሲያሴ ኣሳስ 3:25

Qoho ooththidaadey ba ooththidaari kushe ekkana; iza achchan dumma maadoy deenna.

1ታሶሎንቄ ኣሳስ 2:4

Gido attiin nu Mishiraachcho qaalaa hadara ekkanaas dandayza asata mala Xoossi nuna qoodida gishshas nu haasayoos; hessaka nu ooththizay nu wozina paacci eriza Xoossaa ufayssanaas attiin as ufayssanaas giidi gidenna.

ያቆቤ ኪታ 2:9

Intte bessontta maado maaddiko nagara ooththeeta; wogaa sinththankka intte woga yedhdhidaade gidi qoodettana.

1ጴጽሮሳ ኪታ 1:17

Oonakka dumma shaakki maaddontta issaas issaas izaade ooso mala pirdiza Xoossaa, «Izi nu Aawaa» giidi intte xeygikko hayssa alamezan intte imaththenne bete as gididi diza wode ubbaan izas babbite.

1ሳሜላ ማጻፋ 16:7

Gido attiin GODAY Sameela, «Tani hayssa kadhida gishshas ne izas malaa woykko geesaa xeellofa; GODAY asi xeelliza mala xeellenna; asi kare bagga hanota be7ees; GODAY gidikko wozina xeellees» gides.

1ሳሜላ ማጻፋ 2:25

Issaadey hara as qohikko GODAY istta giddon pirdees; gido attiin asi GODAA qohikko ooni izas gaannatanee?» gi hanqettides. Gidikkoka GODAY istta dhayssana koyida gishshas istti bantta aawa seeraa ekkibeettenna.