ዳኔላ ቲንቢቴ 9:14 - Geeshsha Maxaafa

¹⁴ GODAA nu Xoossay ba ooththiza ooso ubbaan xillo; GODAY nu bolla bash ehanaas modhettibeenna.

ጋሞ ማጻፋ

¹⁴ ጎዳ ኑ ጾሳይ ባ ኦዛ ኦሶ ኡባን ጺሎ፤ ጎዳይ ኑ ቦላ ባሽ ኤሃናስ ሞቲቤና።

ዳኔላ ቲንቢቴ 9:14 ပူးပေါင်းရင်းမြစ်များ

2ታሪኬ ማጻፋ 12:6

Kawo Erobi7aameynne Isra7eele kaaleththizayti banttana kawushshidi, «GODAY xillo» gida.

ኢዝራ ማጻፋ 9:15

GODAA Isra7eele Xoossawu! Neni tumu pirdiza Xoossa; gido attiin nuni guuththati dhayoppe attidi de7on daana mala ooththadasa; nuni ne sinththi shiiqana bessizayta gidokkoshin hekko nuni nu moorora ne sinththi shiiqidos.»

ናሂሚያ ማጻፋ 9:33

Ne nuna qaxxayana gaada ne ooththidayssi wuri likke; nuni nagara ooththikokka neni ne ammaneteththan minna eqqadasa.

ዬ ማጻፋ 111:7

Iza oosoti tumanne suure; iza wogatikka ubbay ammanettizayta.

ዬ ማጻፋ 116:5

GODAY kiyanne xillo; nu Xoossay maarizayssa.

ዬ ማጻፋ 119:137

Abeet GODAWU! Neni xillo; ne pirdayka likke.

ዬ ማጻፋ 51:14

Abeet Xoossawu, tana ashshiza Xoossawu! Tani shemppo wodhontta mala tana maadda; ta inxarsayka ne xilloteththa gishshas ililisan yexxo.

ኬሳ ማጻፋ 9:27

Kawoykka Musenne Aaroone xeygisidi, «Ha7i hekko, tani nagara ooththadis; GODAY xillo; taninne ta asay wordo.

ኤርማሳ ቲንቢቴ 12:1

Abeet GODAWU! Tani nenara palamettiza wode ubbaankka ne xillo. Iita asati ooththizayssi isttas ays injjetizee? Ammanettonttayti ays ishalo duus dizoo?

ኤርማሳ ቲንቢቴ 31:28

Istta dhoqallanaas, laallanaas, shira yegganaas, dhayssanaassinne bash istta bolla ehanaas keeha tani minnida mala istta zaara keexxanaassinne tokkanaas keeha minnana» gees.

ኤርማሳ ቲንቢቴ 4:17

Iza ta bolla makkallida gishshas kath naagiza asa mala istti Yuhuda giddoththana› giite.

ኤርማሳ ቲንቢቴ 44:27

Tani istta bolla lo7o miish ehanaas gidontta iita miish ehanaas baaxetana; Gibxen diza Yuhuda asay mulera wurana gakkanaas, olaninne koshan hayqqana.

ኤርማሳ ዚላስ 1:5

Izi nagaray daro gidida gaason GODAY izi bolla meto yeggides; izi morkketi izo haarida; izi naytikka morkketan di7ettida; izi morkketas duussi lo7ides.

ሂዚቄላ ቲንቢቴ 16:43

«Ne tana haytan hanqeththadasa attiin ne yelagateththa wodeta qoppabeekka; hessa gishshas ne ooso mala ta nees immana» gees Ubbaa Haariza GODAY. Ne ooththida iita oosota bolla hara ziitateth gujjabeekkii?

ዳኔላ ቲንቢቴ 4:34

Kawo Nabukadanaxoorey, «Laappun layththati aadhdhidaappe guye tani ta ayfeta pude salo denththadis; taas wozina kahay simmides; Ubbaafe Dhoqqa Xoossa galatadis; mernaas diza Xoossa sabbadis; bonchchoka izas immadis; iza kawoteththay mernaassa; iza kawoteththay yeletappe yeleta gakkanaas daana.

ዳኔላ ቲንቢቴ 9:7

«Abeet GODAWU! Neni xillo; nuni gidikko nees ammanettontta gishshas nuna biitta ubbaa bollan ne laallida Yuhuda asay, Yerusalaame asaynne kumeththa Isra7eele asay matan gidiin haahon diza ubbay ha7i yeellatidos.