ዳኔላ ቲንቢቴ 6:8 - Geeshsha Maxaafa

⁸ Hessa gishshas kawoo! Hayssi awajjazi Meedoonenne paarise woga mala laamettontta mino gidana mala neni iza bolla ne pirima woththa» gida.

ጋሞ ማጻፋ

⁸ ሄሳ ጊሻስ ካዎ! ሃይሲ ኣዋጃዚ ሜዶኔኔ ፓሪሴ ዎጋ ማላ ላሜቶንታ ሚኖ ጊዳና ማላ ኔኒ ኢዛ ቦላ ኔ ፒሪማ ዎ» ጊዳ።

ዳኔላ ቲንቢቴ 6:8 ပူးပေါင်းရင်းမြစ်များ

ኣስቴሪ ማጻፋ 1:19

«Hayssi yo7ozi kawoza ufayssizaa gidikko hayssafe guye Asxiina kawo Arxekisisekko mulekka gelontta mala kawo matappe awajjay kezo; hessika shaarettontta Paarisenne Meedoone woga mala xaafetto; hessaththoka kawozi godatteteththa bonchchoza izippe ekkidi izippe lo7iza hara maccassas immo.

ኣስቴሪ ማጻፋ 3:12

Histtiin koyro aginan, tammanne heedzdzanththo gallassan Haamay kawo xaafeta ubbaa xeygides. Isttika Haama azazoza ubbaa awuraajjan awuraajjan xaafettiza pidaleninne deraa deraa qaala mala kawoza shuumetas dumma dumma awuraajja ayssizaytassinne dumma dumma dereta ayssiza mokkonnetas xaafida. Hayssi kawo Arxekisise sunththan xaafettidi iza maatamen shocettides.

ኣስቴሪ ማጻፋ 8:10

Mardikiyoosi he awajjata ubbaa kawo Arxekisise sunththan xaafissidi, iza qalabate maatamen shocides; histtidi kawos gara7ettida pilata parata toggiza qasttanneta bolla ubbaa deraas yeddides.

ኣስቴሪ ማጻፋ 8:3

Hessafe guye Astera yeekkashe kawoza toho bolla kundada Agaage zare Haamay Ayhudata bolla qachchida iita maqqoy ooson pe7ontta mala kawoza woossadus.

ኣስቴሪ ማጻፋ 8:8

Gidikkoka kawo sunththan xaafettidi iza qalabate maatamen shocettida dabdaabbey shaarettana dandayontta gishshas intteka intte baggara Ayhudatas lo7o misati beettiza hara awajja kawoza sunththan xaafidi kawoza qalabate maatamen shocite» gides.

ዬ ማጻፋ 94:21

Xillo asata bolla gene duulateettes; suure asata bollaka hayqo pirda pirdeettes.

ኢሳያሳ ቲንቢቴ 10:1

Geella woganne as un7eththiza awajja kessizaytas aayye ana!

ዳኔላ ቲንቢቴ 5:28

Faaris! Guussi, ‹Ne kawoteththi shaaketti wodhdhides; Meedoonetassinne Paarisetas imettides› guussa» gi zaarides.

ዳኔላ ቲንቢቴ 6:12

Ubbayka issife kawozaakko biidi, «Kawoo! Neni hayssafe kase biidi heedzdzu tammu gallas gakkanaas neeppe attiin asi hara ay xoossasikka woykko asaas hokki goynniza asi gaammota ollan yegettana mala awajja parama kessabeekkii?» gi oychchida. Kawozikka «Ee, Meedoonenne paarise woga mala laamettontta mino awajjay awajjettides» gides.

ዳኔላ ቲንቢቴ 6:15

Asatikka issife kawozaakko biidi «Kawoo! Meedoonenne paarise wogan issi kawoy ba awajjida awajja woykko ba azazida azazo laammanaas dandayonttayssa ne era!» gida.

Maatosa 24:35

Saloynne sa7ay aadhdhana shin ta qaalay gidikko mulekka aadhdhenna.