ዳኔላ ቲንቢቴ 5:23 - Geeshsha Maxaafa

²³ Hessafe bollarakka Salo Godaa bolla ne otorettada nerkka nena dhoqqu dhoqqu histtadasa; Xoossa Keeththafe di7etti yida worqqafenne birappe oosettida miishshata neni ehisada, neni ne shuumeti, ne machchetinne ne laggeththoti issife isttan woyne ushshu uyideta; histtidi xeellanaas, siyanaas, akeekanaas dandayonttayta worqqafe, birappe, xarqimalappe, biratappe, miththafenne shuchchafe oosettida eeqa xoossata galatideta; ne shempponne ne oge ba kushen oykkida Xoossaa bonchchabeekka.

ጋሞ ማጻፋ

²³ ሄሳፌ ቦላራካ ሳሎ ጎዳ ቦላ ኔ ኦቶሬታዳ ኔርካ ኔና ቁ ቁ ሂስታዳሳ፤ ጾሳ ኬፌ ዲኤቲ ዪዳ ዎርቃፌኔ ቢራፔ ኦሴቲዳ ሚሻታ ኔኒ ኤሂሳዳ፥ ኔኒ ኔ ሹሜቲ፥ ኔ ማቼቲኔ ኔ ላጌቲ ኢሲፌ ኢስታን ዎይኔ ኡሹ ኡዪዴታ፤ ሂስቲዲ ጼላናስ፥ ሲያናስ፥ ኣኬካናስ ዳንዳዮንታይታ ዎርቃፌ፥ ቢራፔ፥ ጻርቂማላፔ፥ ቢራታፔ፥ ሚፌኔ ሹቻፌ ኦሴቲዳ ኤቃ ጾሳታ ጋላቲዴታ፤ ኔ ሼምፖኔ ኔ ኦጌ ባ ኩሼን ኦይኪዳ ጾሳ ቦንቻቤካ።

ዳኔላ ቲንቢቴ 5:23 ပူးပေါင်းရင်းမြစ်များ

ሜቴ ማጻፋ 14:19

Izi Abraame hizgi anjjides; «Ubbaafe Dhoqqa Xoossi salonne sa7a medhdhidayssi Abraame anjjo.

ሜቴ ማጻፋ 2:7

Hessafe guye GODAY biittafe issi as medhdhidi iza siidhen de7o shemppo punnin addezi shemppora dizaade gidides.

2ካዎታ ማጻፋ 14:10

Tumakka ne Eedoome xoonadasa; gidikkoka ne wozinay wogay baynda otorettofo; ne iza xoonida gishshas zaradhettofa; shempa utta! Neni ne kundeththinne Yuhuda kundeth ays koyay?» gi kiittides.

ኢዮቤ ማጻፋ 12:10

Shemppora paxa diza medheteththi ubbaynne issi issi asa shemppoy Xoossa maata giddon dees.

ኢዮቤ ማጻፋ 31:4

Xoossay ta ooththizayssa ubbaa beyennee? Ta hemetakka shaakki erennee?

ዬ ማጻፋ 104:29

Neni ne sinththa genththiza wode dagammeettes; ne istta shemppo ekkiza wode hayqqeettes; duge biittankka simmi geleettes.

ዬ ማጻፋ 115:16

Saloti Xoossassa; gido attiin sa7a asa naytas immides.

ዬ ማጻፋ 139:3

Tani bizaasonne shempizaso xomosaasa; ta ogeta ubbaa neni eraasa.

ዬ ማጻፋ 146:4

Istta shemppoy keziza wode istti biittan simmana; istta halchchoy ubbay he gallas attana.

ሌሚሶ ማጻፋ 20:24

Asay baanaas bessiza oge GODAY kaaleththees; histtiin asi barkka ba baana oge wostti akeekanaas dandayzee?

ኢሳያሳ ቲንቢቴ 13:11

GODAY, «Tani alame izi iitateththaa gishshas qaxxayana; iitatakka istta nagara gishshas qaxxayana. Tani otoranchchata otoreteth shaarana; menxe iitata otoreteth ta kawushshana.

ኢሳያሳ ቲንቢቴ 14:13

Neni ne wozinan, «Tani pude salo kezana; ta kawoteththaa araataakka Xoossaa xoolinttetappe bollara dhoqqan woththana; zuma bolla shiiqizason anjjettida zumaa bolla dhoqqasohon ta kawoteththa araata bolla uttana.

ኢሳያሳ ቲንቢቴ 2:12

Ubbaafe wolqqama GODAY Otoranchchata, moodhettizaytanne ceeqettizayta kawushshanaas gallas bari woththides.

ኢሳያሳ ቲንቢቴ 33:10

GODAY kawoteththatasi, «Ha7i tani dendana; ha7i tani bonchchettana; ha7i tani dhoqqu dhoqqu gaana.

ኢሳያሳ ቲንቢቴ 37:19

Istta xoossata taman xuuggida; istta xoossati wonikka miththafenne shuchchafe asa kushen masetti kezida misleppe attiin xoossata gidettenna.

ኢሳያሳ ቲንቢቴ 37:23

Ne oona cayaynne kawushshay? Oona bolla ne qaala dhoqqu histta haasayay? Otoro ayfen oona xeellay? Isra7eele Geeshshaa bolla gidennee!

ኢሳያሳ ቲንቢቴ 42:5

Salota medhdhiday, istta miccidaykka, sa7anne izin diza ubbaa giigsiday, ba deres peeno izin de7iza asatas shemppo immiza GODAA Xoossay,

ኤርማሳ ቲንቢቴ 10:23

Abeet GODAWU! Asa de7oy izaade kushen donttayssanne ba hemetaakka barkka ba shene mala lo7eththana dandayonttayssa ta erays.

ኤርማሳ ቲንቢቴ 48:26

«Izi GODAA kadhida gishshas Mo7aabe ushshan maththosite; Mo7aabey ba cooshsha bolla genderetto; qidhes atto.

ኤርማሳ ቲንቢቴ 50:28

«GODAA nu Xoossay halo kessidayssa, Xoossa Keeththa gishshas halo kessidayssa Baabilooneppe betidaytinne goodettidayti Xiyoonen haasayzayssa siyite.

ኤርማሳ ቲንቢቴ 50:29

«Wondafen olizayta Baabiloone bolla xeygite; issaadeyka kessi ekki bontta mala istta giddoththidi dunkaanite; GODAA Isra7eele geeshshaa kawushshida gishshas izi ooso mala izis zaarite; iza harata bolla ooththidayssaththo izi bolla ooththite.

ሂዚቄላ ቲንቢቴ 28:17

Ne puulateththaa gaason, ne wozinay otorettides; ne bonchcho gitateththaafe dendidayssan, ne aadho erateththaa tunisadasa; hessa gishshas tani nena duge biittan oladis; hara kawota seeranaas malata ooththadis.

ሂዚቄላ ቲንቢቴ 28:2

«Haysso asa nawu! Xiroose halaqas Ubbaa Haariza GODAY: «Ne wozinay otoron kumidi, ‹Tani xoossa; xoossa araatan abbaas giddo addan uttadis› gides. Aykkoska neni tani xoossa mala aadho eranchcha ga qoppikokka neni asa attiin xoos daakka.

ሂዚቄላ ቲንቢቴ 28:5

Ne zal7e ooso erateththan keeha bida gishshas, aqota bolla aqota dagasadasa; ne aqota daroteththafe dendidayssan ne wozinay otoron kumides gaada yoota.

ሂዚቄላ ቲንቢቴ 31:10

«Hessa gishshas Ubbaa Haariza GODAY, ‹Cuppu gida bonccota bolla xeeraa dhoqqu histtidi bana zaradhissida gishshas, ba adussateththan izi otorettida gishshas,

ዳኔላ ቲንቢቴ 11:12

Dugeha bagga kawoy daro olanchchata di7ida wode ba wozinan otorettana; daro shiyan qoodettiza olanchchatakka izi wursana; gidikkoka izi xoonida mala minni deenna.

ዳኔላ ቲንቢቴ 4:37

«Hekko be7ite! Tani Nabukadanaxoorey salo kawos galata, bonchchonne saba shiishshays; iza ooso ubbay likke; iza ogeykka suure; otoranchchata izi kawushshanaas dandayees» gides.

ዳኔላ ቲንቢቴ 8:11

Salon diza medheteththata halaqara ginattana koyidi bana dhoqqu doqqu histtides; gallas gallas shiiqiza yarshozi izas shiiqontta mala diggides; Xoossa Keeththaaka tunisides.

ኢምባቆ ቲንቢቴ 2:4

«Hekko izi otorettides; iza amoy suure gidenna; xillo asi gidikko ammanon dees.

ሃዋሬታ ኦሶ 17:25

Izi as ubbaas de7onne shempo; qasseka hara wursi immizayssa gidida gishshas izas paccizaazi baynda gishshas izi asa kusheppe maado ekkenna.

1ቆሮንቶሴ ኣሳስ 8:4

Hessa gishshas eeqas yarshettida asho muussa gishshas ta inttes gizay hayssa alamezan eeqay hada gididayssanne issi Xoossaafe attiin hara Xoossi bayndayssa nu eroos.

1ጺምቶሳስ 3:6

Otoreteththan puuridi Xala7ey kundida pirdan izi kundontta mala oorath ammanizaade gidoppo.

Ibirawe 4:13

Xoossa ayfeppe geemettida medhetay mulekka deenna; nu izas nu gishshas zaaro immanaas bessiza iza sinththan hanoy wurikka kallo qonccen beettana.

ዮሃኒሳ ኣጁታ 9:20

Hayta ha boshatan hayqoppe attida asa zereththati kase ba ooththida iita oosoppe simmidi maaroteththan gelibeettenna. Daydanththas worqqafe, birappe, xarqimalappe, shuchchafe, miththafe oosettidi xeellanaas woykko hayththan siyanaas woykko hemettanaas dandayontta eeqatas goyno aggibeettenna.

ዳናታ ማጻፋ 16:23

Filisxeemeta halaqati, «Nu xoossay nu morkkeza Samsoone nu kushen aaththi immides» giidi bantta xoossa Daagones gita yarsho yarshanaassinne ufayettanaas issi bolla shiiqida.

1ሳሜላ ማጻፋ 17:26

Dawiti ba achchan eqqida asata, «Ane hayssa Filisxeeme addeza wodhidi hayssa ha kawushshateththaa Isra7eele bollafe diggidaades aazi oosettanee? Qasseka de7o GODAA olanchchatara eqettanaas hayssi qaxxara qanxxettontta Filisxeemezi izi oonee?» gi oychchides.

1ሳሜላ ማጻፋ 17:36

Tani ne aylley gaammonne zardo wodhadis; hayssi qaxxara qanxxetontta Filisxeemezi de7o Xoossa olanchchatara eqettida gishshas iza wurseththi isttafe issaa mala gidana.