ዳኔላ ቲንቢቴ 5:18 - Geeshsha Maxaafa

¹⁸ «Kawoo! Ubbaafe Dhoqqa Xoossay kase ne aawa Nabukadanaxoores kawoteththinne gitateth, bonchchonne teemateth immides.

ጋሞ ማጻፋ

¹⁸ «ካዎ! ኡባፌ ቃ ጾሳይ ካሴ ኔ ኣዋ ናቡካዳናጾሬስ ካዎቴኔ ጊታቴ፥ ቦንቾኔ ቴማቴ ኢሚዴስ።

ዳኔላ ቲንቢቴ 5:18 ပူးပေါင်းရင်းမြစ်များ

2ካዎታ ማጻፋ 25:28

Lo7o qaalan iza haasayssides; kase izara issife Baabiloonen diza kawotappe bollara izas bonchcho soho immides.

ዬ ማጻፋ 47:2

Biitta ubbaa bolla bayra kawoy Ubbaafe Dhoqqa Xoossay izi yashissiza Xoossa.

ዬ ማጻፋ 7:17

GODAA xilloteththa gishshas tani iza galatana; qasse Ubbaafe Dhoqqa GODAA sunththas tani galata mazamure yexxana.

ዬ ማጻፋ 9:2

Tani nenan ufayettananne hashshu gaana. Ubbaafe Dhoqqa Xoossawu! Tani ne sunththas galata mazamure yexxana.

ዬ ማጻፋ 92:8

Gido attiin abeet GODAWU! Neni mernaas ubbaafe dhoqqa.

ኤርማሳ ቲንቢቴ 25:9

tani pudeha bagga deraa ubbaanne ta aylle gidida Baabiloone kawo Nabukadanaxoore xeygana. Histtada istta ha biitta bolla, ha biittan diza asaa bollanne heeran diza kawoteththata ubbaa bolla ehana; tani inttena mulera dhayssana; qasse mernaas asi kadhizanne qidhiza bula kessana.

ኤርማሳ ቲንቢቴ 27:5

Ta gita wolqqaninne micettida ta kushen sa7anne sa7a bolla diza asinne mehe medhdhadis. Istta ta dosidaades immana.

ኤርማሳ ቲንቢቴ 27:7

Iza derey haras haarettana gakkanaas kawoteththati ubbay izas, iza naassinne izas naa naas haarettana. Hessafe guye daro kawoteththatinne gita kawoti iza haarana.

ኤርማሳ ዚላስ 3:35

Ubbaafe Dhoqqa Xoossay beyishin asas asateththa maatay digettiza wode,

ኤርማሳ ዚላስ 3:38

Iita gidiin woykko lo7o gidiin ba gidaaz polizay Ubbaafe Dhoqqa Xoossaa gidennee?

ሂዚቄላ ቲንቢቴ 31:11

tani iza iitateththaa keena iza ooso gate immana mala kawoteththata haarizayssas ta iza aaththa immadis. Ta iza kessa wora oladis.

ዳኔላ ቲንቢቴ 4:17

« ‹Ha pirda qashoy geeshsha kiitanchchata baggara qoncci yootettides; hessika Ubbaafe Dhoqqa Xoossas sa7a kawota bolla izas godateththi dizayssanne kawoteththatakka ba dosidaades immizayssa, asappe kadhettidayta istta bolla izi shuumizayssa, medheta ubbay erana malassa› gides.

ዳኔላ ቲንቢቴ 4:19

He wode Bilxxasoore geetettiza Daaneeli keehi dagammidi hanizaaz dhaydes; ba qofan guuththa wodes ceecides; kawozikka iza, «Bilxxasoore! Agumoza gidiin woykko iza birsheththay nena daganththofo» gides. Bilxxasooreykka izas, «Kawoo! Ne agumozi nena ixxizaytas, birsheththayka ne morkketas gido.

ዳኔላ ቲንቢቴ 4:2

Ubbaafe Dhoqqa Xoossay taas ooththida gitanne malalisiza oosota ta inttes yootanaas koyays.

ዳኔላ ቲንቢቴ 4:32

Neni dereza garsafe goodettana; nees duussasoy wora do7atara gidana; laappun layththi kumana gakkanaas neni mehe mala maata maana; hessika hananay Ubbaafe Dhoqqa Xoossay kawota ubbaa bolla izas godateththi dizayssanne kawoteththi wursika izi ba dosidaades immizayssa ne shaakka erana gakkanaassa» giza qaalay yides.

ዳኔላ ቲንቢቴ 4:34

Kawo Nabukadanaxoorey, «Laappun layththati aadhdhidaappe guye tani ta ayfeta pude salo denththadis; taas wozina kahay simmides; Ubbaafe Dhoqqa Xoossa galatadis; mernaas diza Xoossa sabbadis; bonchchoka izas immadis; iza kawoteththay mernaassa; iza kawoteththay yeletappe yeleta gakkanaas daana.

ዳኔላ ቲንቢቴ 5:21

Izikka dere giddofe goodettides; iza kahaykka laamettidi izas mehe kahay imettides; izi mehe mala maata mishe izi hardidatara de7ides; aqizasoy dhayiin iza bollay xaazan musides; hessi hessaththo haniday Ubbaafe Dhoqqa Xoossay kawoteththa ubbaa bolla Godaa gididayssanne kawoteth ubbaa ba koyida asas immanaas dandayzayssa izi erana gakkanaassa.

ዳኔላ ቲንቢቴ 6:22

Gaammoti tana qohontta mala Xoossi ba kiitanchcha taakko kiittidi istta doona gordides; izi hessaththo ooththiday tani iza achchan xillonne nenakka tani qohonttayssa izi eriza gishshassa» gi zaarides.

ሃዋሬታ ኦሶ 26:13

Kawo inttes hoola! Buro ta ogen dishin gadey seeta gallas gidishin arshe poo7oppe aadhdhiza poo7o beyadis; he poo7oy tananne tanara biza asata yuuyi aadhdhidi saloppe poo7ides.

ሃዋሬታ ኦሶ 26:19

«Hessa gishshas kawo Agirphaa! Saloppe taas imettida ajjuutaas ta azazettadis.

ሃዋሬታ ኦሶ 7:48

«Gido attiin wogga Goday asa kushey keexxida keeththan deenna; hessika nabey kase Geeshsha maxaafan xaafida mala, « ‹Saloy ta uttiza alga; biittayka tani tohon yedhdhizaso; histtiin intte taas ay mala keeththe keexxeetii? Woykko ta shempanasoy awayssee? Hayssa ubbaa ta kushey ooththibeennee?› gees Godaa Xoossay.

ዛሬ ማጻፋ 32:8

«Ubbaafe Dhoqqa Xoossay kawoteththatas biitta gishechchida wode, asa nayta istta zaren zaren shaakkida wode, Isra7eele asaa qooda keena kawoteththatas dhas woththides.