ዳኔላ ቲንቢቴ 4:32 - Geeshsha Maxaafa

³² Neni dereza garsafe goodettana; nees duussasoy wora do7atara gidana; laappun layththi kumana gakkanaas neni mehe mala maata maana; hessika hananay Ubbaafe Dhoqqa Xoossay kawota ubbaa bolla izas godateththi dizayssanne kawoteththi wursika izi ba dosidaades immizayssa ne shaakka erana gakkanaassa» giza qaalay yides.

ጋሞ ማጻፋ

³² ኔኒ ዴሬዛ ጋርሳፌ ጎዴታና፤ ኔስ ዱሳሶይ ዎራ ዶኣታራ ጊዳና፤ ላፑን ላይ ኩማና ጋካናስ ኔኒ ሜሄ ማላ ማታ ማና፤ ሄሲካ ሃናናይ ኡባፌ ቃ ጾሳይ ካዎታ ኡባ ቦላ ኢዛስ ጎዳቴ ዲዛይሳኔ ካዎቴ ዉርሲካ ኢዚ ባ ዶሲዳዴስ ኢሚዛይሳ ኔ ሻካ ኤራና ጋካናሳ» ጊዛ ቃላይ ዪዴስ።

ዳኔላ ቲንቢቴ 4:32 ပူးပေါင်းရင်းမြစ်များ

2ታሪኬ ማጻፋ 33:13

Minaasey Xoossaa woossida wode Xoossay izas woosettides; iza watwatozakka siyides; histtidi Yerusalaamen iza kawoteththan zaari woththides. Hessan GODAY izi Xoos gididayssa Minaasey erides.

ኢዮቤ ማጻፋ 42:2

«Ta Godawu! Neni ubba miish ooththanaas dandayzayssa ta eradis; ne qofaakka dhuphi digganay deenna.

ኢዮቤ ማጻፋ 9:12

Izi ba koyidayssa ekkiko oonikka iza diggenna; ‹Ays hayssaththo ooththay?› giidi iza oychchanaas xalizay deenna.

ዬ ማጻፋ 115:3

Nu Xoossay salon dees; izi ba dosidayssa ubbaa ooththees.

ዬ ማጻፋ 135:6

Saloninne sa7an, abbataninne ciimmata ubbaa giddonkka GODAY ba dosidayssa ubbaa ooththees.

ኬሳ ማጻፋ 8:10

Histtiin kawozi, «Wonto gido» gides. Museykka, «GODAA nu Xoossa malay oonikka bayndayssa neni erana mala ne gida mala ooththana.

ኬሳ ማጻፋ 9:14

Ne yeddontta ixxiko ne bolla, daannata bollanne ne asaa bolla ta wolqqama hanqo ha7i yeddana; hessankka biitta bollan ta malay bayndayssa neni erana.

ኬሳ ማጻፋ 9:29

Museykka izas, «Tani ha katamaappe keza baada woossanaas ta kushe GODAAKKO miccana; histtiko daday aggana; qasse shachchayka bukkenna; hessankka biittay GODAAS gididayssa neni erana.

ኢሳያሳ ቲንቢቴ 37:20

Ha7ikka abeet GODAWU, nu Xoossawu neni GODAY xalla Xoossa gididayssa sa7a kawoteththati ubbay erana mala nuna iza kusheppe ashsha!» gi woossides.

ኢሳያሳ ቲንቢቴ 40:15

Be7ite kawoteththati gombo giddon xokkida haaththa mala; istti meezaane bolla diza gudulla mala qoodetteettes; harurota liiqo biitta mala geeddarees.

ኢሳያሳ ቲንቢቴ 40:17

Kawoteththati ubbay iza sinththan aykkoka gidettenna; istti aykkorakka gakki qoodettontta hada miishsha mala.

ኢሳያሳ ቲንቢቴ 45:3

Nena ne sunththan xeygida GODAY, Isra7eele Xoossay tana gididayssa ne erana mala, geemason dagattida aqota, dhumason diza haaro ta nees immana.

ኤርማሳ ቲንቢቴ 27:5

Ta gita wolqqaninne micettida ta kushen sa7anne sa7a bolla diza asinne mehe medhdhadis. Istta ta dosidaades immana.

ዳኔላ ቲንቢቴ 2:21

Izi wodetanne aginatakka laammees; Kawota araatan utisees; kawoteththa araataappeka duge woththees; eranchchatas aadho erateth akeekizaytasikka erateth immees.

ዳኔላ ቲንቢቴ 4:31

Izi buro haasaya ba doonappe kessi wursontta dishin saloppe, «Kawo Nabukadanaxoore! Ne bolla pirdettida pirday hayssafe kaallizayssa. Hekko ne kawoteththay neeppe ekettides.

ዳኔላ ቲንቢቴ 5:21

Izikka dere giddofe goodettides; iza kahaykka laamettidi izas mehe kahay imettides; izi mehe mala maata mishe izi hardidatara de7ides; aqizasoy dhayiin iza bollay xaazan musides; hessi hessaththo haniday Ubbaafe Dhoqqa Xoossay kawoteththa ubbaa bolla Godaa gididayssanne kawoteth ubbaa ba koyida asas immanaas dandayzayssa izi erana gakkanaassa.

ኢያሶ ማጻፋ 4:24

Hessaththo izi ooththiday sa7an diza asay wuri GODAA wolqqay ay mala gitakko eranaassinne intteka GODAAS intte Xoossaas mernaas yayyanaassa» gides.