ዳኔላ ቲንቢቴ 3:25 - Geeshsha Maxaafa

²⁵ Kawozikka, «Hekko ha7i tani istta tamazi aykkoka bochchontta qashoppe birshettidi laciza itoone tama giddon hee haa simerettiza oyddu asata be7ays; oydanththozikka xoossata naa misatees» gides.

ጋሞ ማጻፋ

²⁵ ካዎዚካ፥ «ሄኮ ሃኢ ታኒ ኢስታ ታማዚ ኣይኮካ ቦቾንታ ቃሾፔ ቢርሼቲዲ ላጪዛ ኢቶኔ ታማ ጊዶን ሄ ሃ ሲሜሬቲዛ ኦይዱ ኣሳታ ቤኣይስ፤ ኦይዳንዚካ ጾሳታ ና ሚሳቴስ» ጊዴስ።

ዳኔላ ቲንቢቴ 3:25 ပူးပေါင်းရင်းမြစ်များ

ኢዮቤ ማጻፋ 1:6

Gallassatappe issi gallas salo kiitanchchati GODAA sinth shiiqida wode Xala7eykka isttara issife shiiqides.

ኢዮቤ ማጻፋ 38:7

Bakkale xoolintteti issi bolla yexxizaashe, kiitanchchati ubbay ililizaashe neni awan day?

ኢዮቤ ማጻፋ 5:19

Usuppun qommo boshappe nena ashshi ekkana; laappunththazanka ay qohoykka ne bolla gakkenna.

ዬ ማጻፋ 34:7

GODAA kiitanchchay GODAAS yayyizayta naagees; izi istta yuushozan gididi istta ashshees.

ሌሚሶ ማጻፋ 30:4

Salo pude ke7idi duge wodhdhiday oonee? Carko ba kushen oykkiday, haath ba afalan yiiciday sa7a gaxa iza soon soon woththiday oonee? Ane erikko iza sunth taas yoota; Iza naaza sunththi oona geetettizee?

ኢሳያሳ ቲንቢቴ 43:2

Neni haaththa giddora pinniza wode, tani nenara gidana. Neni pinnishin shaafay nena mittenna; neni tama giddora bishin nena xuuggenna; tama lacoykka nena meenna.

ኤርማሳ ቲንቢቴ 1:19

Istti nenara olettana; gido attiin tani ashshanaas nenara issife diza gishshas nena xoonettenna. Tani GODAY hayssa nees yootays» gides.

ኤርማሳ ቲንቢቴ 1:8

Tani nena ashshanaas nenara diza gishshas ne isttas yayyofa; tani GODAY hayssa nees yootays» gides.

ኤርማሳ ቲንቢቴ 15:21

Iitata kusheppe tani nena wozzana; menxe iitata qohoppeka ta nena ashshana» gees.

ዳኔላ ቲንቢቴ 3:18

Gido attiin kawoo! Izi nuna ashshontta aggikokka nuni ne eeqa xoossatas haggazonttayssanne ne essida worqqa mislezas nu goynnonttayssa ne era» gi zaarida.

ዳኔላ ቲንቢቴ 3:24

Hessafe guye kawo Nabukadanaxoorey ba uttidasohoppe malalettishe dendi eqqidi, «Nuni qachchidi eexxiza itoone taman yeggida asati heedzdzata xalla gidettennee?» giidi bana zorizayta oychchides; isttika, «Kawoo! Ee heedzdzata!» gida.

ዳኔላ ቲንቢቴ 3:28

Hessafe guye tani kawo Nabukadanaxoorey, «Izi ba kiitanchcha kiittidi ba oosanchchata ashshida Sidiraaqa, Misaaqanne Abdinaago Xoossay galatetto! Isttika ba Godaan ammanettidi ba Xoossas attiin hara eeqa xoossatas ooththokonne goynnoko giidi kawoza azazo ixxidi ba shemppo aaththi immida.

ዳኔላ ቲንቢቴ 6:23

Kawozi keehi ufayettides; Daaneelakka gaammo olla giddofe kessana mala azazides. Daaneeli ba Xoossan ammanettida gishshas izi ollafe kezida wode iza bolla issi qohoykka gakkibeenna.

ማርቆሳ ሚሺራቾ 16:18

Istti shooshshata ba kushera oykkana; wodhiza marze uyikkoka istta qohenna. Ba kushe harganchchata bolla woththi woossiko harganchchati paxana» gides.

ሉቃሳ ሚሺራቾ 1:35

Kiitanchchayka Maaramis, «Xillo Ayanay ne bolla wodhdhana; ubbaafe bolla Xoossa wolqqay ne bolla kuwasana; hessa gishshas yelettana naazi Geeshsha Xoossa naa geetettana.

ሃዋሬታ ኦሶ 28:5

Phawuloosi qasse shooshshaa duge taman qoqofi yeggidi aykkoka hanibeenna.

ኦሮሜ ኣሳስ 1:4

Hessaththoka nu Godaa Yesus Kirstoosi ba geeshshateththa Ayanan hayqoppe dendidayssi izi Xoossa naa gididayssi gita wolqqan qonccides.

1ጴጽሮሳ ኪታ 3:13

Intte lo7o ooththanaas minettiko intte bolla iita miish gaththanay oonee?