ዳኔላ ቲንቢቴ 2:44 - Geeshsha Maxaafa

⁴⁴ «Heyta he kawota woden salo Xoossay mulerakka laalettonttanne hara deres aadhdhi imettontta kawoteth essana; he kawoteththazi hara kawoteththata mulera liiqisana; istta wurseth gakkanawukka dhayssana; he kawoteththazi ba hu7es mernaas minni daana.

ጋሞ ማጻፋ

⁴⁴ «ሄይታ ሄ ካዎታ ዎዴን ሳሎ ጾሳይ ሙሌራካ ላሌቶንታኔ ሃራ ዴሬስ ኣ ኢሜቶንታ ካዎቴ ኤሳና፤ ሄ ካዎቴዚ ሃራ ካዎቴታ ሙሌራ ሊቂሳና፤ ኢስታ ዉርሴ ጋካናዉካ ይሳና፤ ሄ ካዎቴዚ ባ ሁኤስ ሜርናስ ሚኒ ዳና።

ዳኔላ ቲንቢቴ 2:44 ပူးပေါင်းရင်းမြစ်များ

ሜቴ ማጻፋ 49:10

Dere haarizaadey yaana gakkanaashe, kawoteththaa algay Yuhudappe, halaqateththa guufey iza keeththafe shaakettenna. Qasse dere asay izas azazettana.

2ሳሜላ ማጻፋ 7:13

Ta sunththaas keeth keexxanay iza; tanikka iza kawoteththaa mernaas minththana.

2ሳሜላ ማጻፋ 7:16

Ne keeththaynne ne kawoteththi ta sinththan mernaas minni daana; ne kawoteththa araataykka mernaas minni daana» gides.

ዬ ማጻፋ 145:13

Yeletappe yeleta gakkanaas ne haarana; ne kawoteththay mernaassa. GODAY ba gida qaalan ammanettizayssa; izi ba ooso ubbaan kiya.

ኢሳያሳ ቲንቢቴ 60:12

Nees haarettontta kawoteththinne derey mulekka dippi gaana.

ሂዚቄላ ቲንቢቴ 37:25

Tani ta aylle Yaaqoobes immidanne intte aawati de7ida biittan istti daana. Heen isttas, istta naytinne istta nayta nayti mernaas daana; ta aylle Dawiti istta bolla mernaas kawo gidana.

ዳኔላ ቲንቢቴ 2:28

Gido attiin xuura yo7o ubbaa qonccisiza Xoossi salon dees; izi buro sinththafe yaana layththatan hananayssa ubbaa nees qonccisides; neni ne hiiththan ichcha dashe be7ida agumoynne ajjuutay hayssafe kaallizayssa.

ዳኔላ ቲንቢቴ 2:34

Neni misleza xeellishin gita shuchchi asi bochchontta ba dizasoppe dhoqallettidi birappenne mana urqqafe oosettida misleza tohota menththereththi liiqisides.

ዳኔላ ቲንቢቴ 2:35

Heerakka biratazi, mana urqqazi, xarqimalazi, birazinne worqqazi wuri meqeretti wodhdhida; bone kaththa balen diza suulla mala gidida; carkoy istta issinokka ashshontta pitti efides; misleza bolla kundida shuchchazi gidikko izi biitta kumanaashe gakkanaas gita zuma gidides.

ዳኔላ ቲንቢቴ 2:37

Kawoo! Neni kawotas kawo; salo Xoossi nees kawoteththi, maata, wolqqanne bonchcho immides.

ዳኔላ ቲንቢቴ 2:43

Birataynne mana urqqay walakettidayssa mala asay ubbay walaka gidana; gido attiin biratay mana urqqara oykettonttayssaththo isttika ba giddon issino gidi oyketettenna.

ዳኔላ ቲንቢቴ 4:3

Xoossi bessiza malatay ay mala gitaa! malalisiza iza oosoti ay mala minoo! Xoossi mernaas kawo; iza kawoteththay yeletappe yeleta gakkanaas de7ees.

ዳኔላ ቲንቢቴ 4:34

Kawo Nabukadanaxoorey, «Laappun layththati aadhdhidaappe guye tani ta ayfeta pude salo denththadis; taas wozina kahay simmides; Ubbaafe Dhoqqa Xoossa galatadis; mernaas diza Xoossa sabbadis; bonchchoka izas immadis; iza kawoteththay mernaassa; iza kawoteththay yeletappe yeleta gakkanaas daana.

ዳኔላ ቲንቢቴ 6:26

Ta kawoteththan diza derey wurikka Daaneela Xoossas yayyana malanne iza bonchchana mala tani awajja kessadis; izi mernaas de7iza De7o Xoossa; iza kawoteththi dhayontta kawoteththa; iza kawoteththaskka wurseththi deenna.

ዳኔላ ቲንቢቴ 6:27

Izi ashsheessinne maaddees; Izi saloninne sa7an malaatatanne malalisiza miishshata ooththees; izi Daaneela gaammota doonappe ashshides» gides.

ዳኔላ ቲንቢቴ 7:27

Saloppe garsara de7iza kawoteththa ubbaa maatay, wolqqaynne gitateththay Ubbaafe Dhoqqa Xoossaa dere geeshshatas imettana. Iza kawoteththayka mernaa kawoteth gidana; dereza haarizayti ubbati izas azazettananne izas goynnana› gides.

ዳኔላ ቲንቢቴ 8:25

Izi makkallanchcha gidida gishshas shocechchi shocechchi durettana; izi bana barkka gita mala qoodana; saron doos gishin izi darota dhayssana; kawota kawo bolla izi dendana; histtikokka zaaridi izi dhayana; gidikkoka asa wolqqan gidenna.

ሚኪያሳ ቲንቢቴ 4:7

Gundatappe attidaytanne qohettidayta ta istta mino dere kessana; he gallassayfe doommidi mernaa gakkanaas GODAY Xiyoone zuman istta bolla kawotana.

ሃጌ ቲንቢቴ 2:22

Kawota ta istta araataappe diggana; allaga kawotas diza wolqqa ta dhayssana; para-gaaretanne istta toganchchata ta shira yeggana; paratinne para toggizayti issoy issaara bantta giddon hayqettana.

ሃጌ ቲንቢቴ 2:7

Kawoteththata ubbaa ta qaaseththana. Kawoteththata ubbaa haaroy ha yaana mala ta ooththana. Hayssa ha keeththan ta anjjo kunththana.

Maatosa 28:18

Yesusikka bana kaallizaytakko shiiqidi, «Saloninne sa7an godateththi taas imettides. Hessa gishshas biidi dere ubbaa Aawaa, Naazanne Xillo Ayana sunththan xammaqishe, tana kaallizayta ooththite; ta inttena azazidayssa ubbaa naagana mala tamaarsite. Tanikka alame wurseth gakkanaas inttenara days» gides.

ዮሃኒሳ ሚሺራቾ 12:34

Asay qasse, «Nu wogan xaafettiday, ‹Xoossi kiittidaadey mernaas daana› gees; histtiin ne qasse waanada, ‹Asa Nay dhoqqu gi kaqettana bessees› gay? Ne giza Asa Nay awayssee?» gi oychchida.

Ibirawe 12:28

Hessa gishshas nuni mulekka qaaxxontta kawoteth laattana gishshas ane Xoos galatoos; qasseka iza ufayssiza ogera bonchchoossinne yashshateththan ane izas goynnoos.

ዮሃኒሳ ኣጁታ 11:15

Laappunththo kiitanchchayka ba zayeza punnides; Salon, «Alame kawoteththi nu Godaa Xoossaassinne Kirstoosas gidides; izikka mernaappe mernaa gakkanaas kawotana» giza gita qaalay siyettides.

ዮሃኒሳ ኣጁታ 2:27

Istta izi birata guufen haarana; urqqafe medhettida miishsha mala izi istta bukki liiqisana. Hessi he godateththika tani ta Aawappe ekkida godateththaa mala.