ዳኔላ ቲንቢቴ 11:37 - Geeshsha Maxaafa

³⁷ Ha kawozi kase ba aawata eeqa xoossata kawushshana; maccassati dosiza eeqa xoossata izi leqqana; izi bana ubbaafekka bollara xeelliza gishshas eeqa xoossata ubbaa qelli gaana.

ጋሞ ማጻፋ

³⁷ ሃ ካዎዚ ካሴ ባ ኣዋታ ኤቃ ጾሳታ ካዉሻና፤ ማጫሳቲ ዶሲዛ ኤቃ ጾሳታ ኢዚ ሌቃና፤ ኢዚ ባና ኡባፌካ ቦላራ ጼሊዛ ጊሻስ ኤቃ ጾሳታ ኡባ ቄሊ ጋና።

ዳኔላ ቲንቢቴ 11:37 ပူးပေါင်းရင်းမြစ်များ

ሜቴ ማጻፋ 3:16

Maccassayokka GODAA Xoossay, «Ne shaaraza aginan neni daro tuggatana; qasse neni wolqqama miixan nayta yelana. Gidikkoka neni ne azinara aqanaas amottana; izikka nena haarana» gides.

ሜቴ ማጻፋ 3:5

Xoossi hessa giday he miththay ayfe intte miikko intte ayfey doyettiin, Xoossa mala intte lo7onne iita shaakki eranayssa izi eriza gishshassa» gides.

Siiqo Saba 7:10

Tani ta siiqozassa; izikka tana amottees.

ኢሳያሳ ቲንቢቴ 14:13

Neni ne wozinan, «Tani pude salo kezana; ta kawoteththaa araataakka Xoossaa xoolinttetappe bollara dhoqqan woththana; zuma bolla shiiqizason anjjettida zumaa bolla dhoqqasohon ta kawoteththa araata bolla uttana.

ኢሳያሳ ቲንቢቴ 14:14

Tani shaarati diza dhoqqasohoppeka pude aadhdhana; tani tana Ubbaafe Dhoqqa Xoossa mala ooththana» gadasa.

ሂዚቄላ ቲንቢቴ 24:16

«Haysso asa nawu! Neni ne ayfe shempisiza miish tani ta hanqon neeppe ekka diggana; neni gidikko waassofa; yeekkofa; afunththika gussofa.

ሂዚቄላ ቲንቢቴ 28:2

«Haysso asa nawu! Xiroose halaqas Ubbaa Haariza GODAY: «Ne wozinay otoron kumidi, ‹Tani xoossa; xoossa araatan abbaas giddo addan uttadis› gides. Aykkoska neni tani xoossa mala aadho eranchcha ga qoppikokka neni asa attiin xoos daakka.

ዳኔላ ቲንቢቴ 11:36

«Pudeha bagga kawoy ba qoppidayssa ubbaa polana; izi bana eeqa xoossatappeka bollara dhoqqu dhoqqu histtana; xoossatappe aadho Xoossaa bolla hayssafe kase seetetti erontta cashsha qaala haasayana; Xoossa hanqoy polettana gakkanaas izi ooththiza ubbay izas injjetana; kase barettidayssi polettana bessees.

ዳኔላ ቲንቢቴ 11:38

Isttasohon miixata xoossa bonchchana, kase iza aawati erontta xoossas worqqa, bira, aleqo miishshata, al7o shuchchatanne hara daro imotata shiishshidi bonchchana.

ዳኔላ ቲንቢቴ 8:11

Salon diza medheteththata halaqara ginattana koyidi bana dhoqqu doqqu histtides; gallas gallas shiiqiza yarshozi izas shiiqontta mala diggides; Xoossa Keeththaaka tunisides.

ዛሬ ማጻፋ 21:11

he di7ettidayta giddon mala lo7o maccas demmada izo nees machcho ekkanaas koykko,

ዛሬ ማጻፋ 5:21

« ‹Asa machcho, asa keeth, asa xinxxo, asa oosanchchata, asa mehe, asa hare gidiin hara ay aqotakka ubbaa amottofa› gides.

2ታሶሎንቄ ኣሳስ 2:4

Izikka Xoos geetetti goynnettiza eeqa xoossata ubbaafe bollara bana dhoqqu dhoqqu histtizaadenne Xoossara eqettizaade; izikka Xoossa Keeththan uttidi bana, «Tani Xoossa» giidi awajja awajjisana.

1ጺምቶሳስ 4:3

He asati asay ekkontta malanne gelontta mala diggana; ammanizaytinne tumaa shaakki eriza asay Xoossi medhdhida kath galatarakka ekkizayti montta mala diggananne azazana.