ዳኔላ ቲንቢቴ 10:19 - Geeshsha Maxaafa

¹⁹ Izikka tana, «Keeha dosettidayssoo! Nees saro gidana; babbofa aykkoy baa minna!» gides. Izi taas yootiin tani minnada, «Ta godoo! Neni taas minoteth immida gishshas ane ne yootanayssa taas yoota!» gadis.

ጋሞ ማጻፋ

¹⁹ ኢዚካ ታና፥ «ኬሃ ዶሴቲዳይሶ! ኔስ ሳሮ ጊዳና፤ ባቦፋ ኣይኮይ ባ ሚና!» ጊዴስ። ኢዚ ታስ ዮቲን ታኒ ሚናዳ፥ «ታ ጎዶ! ኔኒ ታስ ሚኖቴ ኢሚዳ ጊሻስ ኣኔ ኔ ዮታናይሳ ታስ ዮታ!» ጋዲስ።

ዳኔላ ቲንቢቴ 10:19 ပူးပေါင်းရင်းမြစ်များ

ዬ ማጻፋ 138:3

Tani xeygida gallas taas koyadasa; ne minoteththan tana minththeththa.

ኢሳያሳ ቲንቢቴ 35:4

Wozinan yashshay dizayta «Minnite! Yayyofte! Intte Xoossi yiidi halo kessana; izi inttena ashshanaasinne halo kessanaas yaana» giite.

ኢሳያሳ ቲንቢቴ 41:10

Tani nenara diza gishshas yayyofa; tani ne Xoossa gidida gishshas dagammofa. Tani nena minththananne maaddana. Ta xilloteththa ushachcha kushen zemppisa oykkana.

ኢሳያሳ ቲንቢቴ 41:14

Nenoo guxunezoo Yaaqoobe, nenoo qeeri Isra7eele, ‹Yayyofa tani nena maaddana› gees. Nena wozzizay Isra7eele Geeshshaza.

ዳኔላ ቲንቢቴ 10:18

As misatiza kiitanchchazi qasseka tana bochchiin tani minnadis.

ዳኔላ ቲንቢቴ 9:23

Ne keeha dosettidaade gidida gishshas ne buro woosa doommishin Xoossi ne woosaa siyides; tanikka hessa nees yootana yadis; hessa gishshas ha7i ta nees yootizayssa wozinan woththa; ajjuutazakka akeeka.

ሃጌ ቲንቢቴ 2:4

Ha7i qasse Zerubaabelee minna! Qeeseta halaqa Iyosaadoqe naa Iyaasoo minna! Intteno ha dere asatoo wurikka minnite! Ta inttenara diza gishshas ooththite› ga yootanne oychcha.

ዛካራሳ ቲንቢቴ 8:13

Yuhuda derenne Isra7eele dere asatoo! Intte kase kawoteththata giddon qanggettida dere mala qoodettideta; ha7i gidikko ta inttena ashshana; intteka anjjos gidana; hessa gishshas babbofte; minnite.

ዛካራሳ ቲንቢቴ 8:9

Ubbaafe Wolqqama GODAY, «Ubbaafe Wolqqama GODAA Keeththaas yochchi yegettishin heen diza nabeti yootida qaalaa ha7i siyizayti ubbay Ubbaafe Wolqqama GODAA Keeth keexxanaas intte kushe minththite.

ዮሃኒሳ ሚሺራቾ 11:3

Michchetikka, «Godoo! Ne dosizayssi sakettides» giidi as Yesusaakko kiittida.

ዮሃኒሳ ሚሺራቾ 11:36

Ayhudatikka, «Izi iza ay mala siiqizaakko be7ite» gida.

ዮሃኒሳ ሚሺራቾ 11:5

Yesusi Marta izi michcheyo Maaramonne Alazaare siiqees.

ዮሃኒሳ ሚሺራቾ 14:27

«Ta inttes saroteth aggada bays; ta saroteththika ta inttes immana; ta inttes immiza saroteththi alamey immiza saroteththa mala deenna; intte wozinay hirgofonne babbofo.

ዮሃኒሳ ሚሺራቾ 16:33

Ta hayssa inttes yootizay intte tanan de7iin inttes saroteththi daana mala gaada yootays. Intte ha alamen dishin inttes waayey dees; gido attiin aykkoy baa; ta alame xoonadis» gides.

ዮሃኒሳ ሚሺራቾ 19:26

Yesusi ba aayeyonne izi siiqiza iza kaallizayssi ba achchan eqqidayta be7idi ba aayeyo, «Aayee! Ne naaza hessa beya» gides.

ዮሃኒሳ ሚሺራቾ 21:20

Phexroosi yuushshi xeellidi Yesusi dosizayssi iza kaallishin be7ides; hessaadey kase istti kawo mishin Yesusa hayththako shiiqidi, «Godoo! Nena aaththi immanaadey izi oonee?» gi oychchides.

1ቆሮንቶሴ ኣሳስ 16:13

Beeggite! Ammanon minni eqqite; minnite; goobite.

2ቆሮንቶሴ ኣሳስ 12:9

Gido attiin Goday, «Ta wolqqay kumeth gidi qonccanay ne daabursan gidida gishshas ta kiyateththi nees gidana» gides; hessa gishshas Kirstoosa wolqqay ta bolla gidana mala ay wodeppeka bollara tani daaburshin he wode ufayssan ceeqettanaas dosays.

ኤፌሶኔ ኣሳስ 6:10

Hara baggara mino Godaaninne iza gita wolqqan minnite.

2ጺምቶሳስ 2:1

Hessa gishshas ta naazoo neni Godaa Yesus Kirstoosa kiyateththan minna.

ኢያሶ ማጻፋ 1:9

Neni bizason ubbaan GODAA ne Xoossay nenara diza gishshas aykkoy baa, minna, yayyofa, dagammofa gaada ta nena azazabeekkinaa!» gides.

ዮሃኒሳ ኣጁታ 1:17

Tani hessa beyada hayqqida as misatada iza toho garsan kundadis; izi qasse ta bolla ba ushachcha kushe woththidi, «Ne babbofa! Koyroynne wurseththi tana.

ዳናታ ማጻፋ 6:23

Gido attiin GODAY, «Saroy nees gido! Yayyofa! Ne hayqqaka» gides.