ቆላሲያሴ ኣሳስ 3:16 - Geeshsha Maxaafa

¹⁶ Kirstoosa qaalay inttenan kumeth gido; intte intte garsan aadho erateththan tamaartenne zorettite; mazamureninne saban Ayana yeththan galatara gaththi intte wozinara Xoossas yexxite.

ጋሞ ማጻፋ

¹⁶ ኪርስቶሳ ቃላይ ኢንቴናን ኩሜ ጊዶ፤ ኢንቴ ኢንቴ ጋርሳን ኣ ኤራቴን ታማርቴኔ ዞሬቲቴ፤ ዬኒኔ ሳባን ኣያና ዬን ጋላታራ ጋ ኢንቴ ዎዚናራ ጾሳስ ዬጺቴ።

Gamo Geesha Maxxafa New Testamen

¹⁶ Kiristoosa qaalay intenan kumeth gido. Inte inte garisan cinccatethara tamarttene zoretote. Mazumurenine saban ayana yethan galatara gathi inte wozinara Xoossas yexxite.

ቆላሲያሴ ኣሳስ 3:16 ပူးပေါင်းရင်းမြစ်များ

1ካዎታ ማጻፋ 3:28

Asaas xilloteththan pirdanaas izas aadho erateththay Xoossafe imettidayssa be7ida gishshas Isra7eele asay ubbay kawoy pirdida pirdaa siyida wode kawozas keehippe yayyides.

1ታሪኬ ማጻፋ 25:7

Hayti ba dabbotara gididi GODAA sinththan shiiqiza mazamure tamaari loohidayta; istta qooday mulera nam7u xeetanne osppun tammanne osppuna.

ናሂሚያ ማጻፋ 12:46

Kase kawo Dawitapenne Aasaafe wodeppe doommidi mazamure yexxizaytassinne galata mazamuren Xoossa bonchchiza asata kaaleththizayti deettes.

ኢዮቤ ማጻፋ 23:12

Tani iza azazotappe ke7ikke; iza qaalaakka ta miza qumappeka aaththada ta wozinan naagadis.

ዬ ማጻፋ 119:11

Tani ne bolla nagara ooththontta mala ne qaala ta wozinan qottadis.

ዬ ማጻፋ 119:54

Tani imaththateththan de7iza biittan ne wogay taas mazamure gidides.

ዬ ማጻፋ 138:1

Abeet GODAWU! Tani ta kumeththa wozinappe nena galatays; xoossata sinththan nena sabbays.

ዬ ማጻፋ 28:7

GODAY taas wolqqanne gondalle; ta wozinay izan ammaneettes; hessan tani maadettadis; hessa gishshas ta wozinay izan ufayettees; tani iza yeththan sabbana.

ዬ ማጻፋ 32:7

Neni taas qotettizaso; neni tana metoppe naagaasa; tana xoono yeththan kunththadasa.

ዬ ማጻፋ 71:23

Ta wozinay ufayssan kumidi nees yexxiza wode, neni wozzida ta shemppoya nees ililawus.

ሌሚሶ ማጻፋ 14:8

Akeekanchcha asas aadho erateththi ba oge naago; eeyata eeyateththi gidikko istta cimmees.

ሌሚሶ ማጻፋ 18:1

Laggeteth koyontta asi ba amo kaallees; suure pirdaka ubbaa palqqees.

Siiqo Saba 1:1

Yeth ubbaafe aadhdhiza Solomoone mazamure.

ኢሳያሳ ቲንቢቴ 10:2

Manqota pirda geellasizaytas, un7ettida ta dereza pirda bokkasizaytas, am7eta aqota bonqqizaytas, yi7ota aqota dhechchi mizaytas aayye ana!

ኢሳያሳ ቲንቢቴ 26:1

He gallas ha yeththay Yuhuda biittan yexettana. Nuus mino katamay dees; Xoossi iza gimbetanne miixata atoteththas ooththides.

ኢሳያሳ ቲንቢቴ 30:29

Omars geeshsha ba7aale intte bonchchishe yexxizayssaththo intte yexxana; GODAA zumaakko Isra7eele Zaallaako asay susul7e susul7ishe ufayssan kezizayssaththo intte wozinay ufayettana.

ኢሳያሳ ቲንቢቴ 5:1

Tani ta siiqo laggeza gishshassinne iza woyne turaa tokkizasoho gishshas siiqo mazamure yexxana. Tani siiqiza laggezas aradda zumbullan woyne turaa tokkizasohoy dees.

ኤርማሳ ቲንቢቴ 15:16

Abeet Ubbaafe Wolqqama GODAWU! tani ne sunththan xeygettida gishshas ne qaalay taakko yiin madis; histtiin ne qaalay taas pashkanne wozina ufays immides.

Maatosa 26:30

Yeththa yexxidaappe guye pude Dabrazayte geetettiza zuma bolla kezida.

ሉቃሳ ሚሺራቾ 2:51

Hessafe guye isttara issife Naazirete wodhdhidi isttas azazettishe de7ides. Iza aaya Maaramakka he hanida miishshaa ubbaa ba wozinan naagashe gam7adus.

ዮሃኒሳ ሚሺራቾ 15:7

Intte tanan diikko ta qaalaykka inttenan diikko intte koyidayssa oychchiko demmana.

ኦሮሜ ኣሳስ 10:17

Hessa gishshas ammanoy beettizay yootiza qaala siyeththana; yootettiza qaalaykka Kirstoosa gishshas yootiza qaalaappe.

ኦሮሜ ኣሳስ 15:14

Ta ishatoo! Intte lo7eteththan, erateth ubbaan kumidaytanne harata zoranaas eray dizayta gididayssa ta addafe shaakka eradis.

1ቆሮንቶሴ ኣሳስ 14:15

Histtiin ta ay ooththana mala taas bessizee? Tani ta Ayanankka woossana; wozinan woththadakka woossana; ta Ayanankka yexxana. Wozinarakka yexxana.

1ቆሮንቶሴ ኣሳስ 14:26

Hessa gishshas ta ishatoo! Histtiin ay giinoo? Intte issife shiiqiza wode inttefe issi issi asas mazamure qasse issi issi asas timirtey dees; issi issi asas qonccontta xuura miishshata qonccisiza imotay dees; hara asas dumma qaalan haasayana imotay dees; haras qasse he qaalaa birshiza imotay dees; hessi he imotay wurikka ammanizayta go7anaas bessees.

ኤፌሶኔ ኣሳስ 1:17

Bonchcho Aawaa gidida nu Godaa Yesus Kirstoosa Aawaa Xoossaa intte lo7eththi erana mala qonccisiza Ayanaynne erateththa Ayanay inttes imettana mala ta inttes pacey baynda woossays.

ኤፌሶኔ ኣሳስ 5:17

Hessa gishshas eeyata gidopite; Godaa sheney aazakko yuushshi qopite.

ኤፌሶኔ ኣሳስ 5:19

Ayana yeththan galatara gaththi yexxishe intte giddon issoy issaara haasayettite; intte sabaninne yeththan kumeththa wozinappe Godaa galatite.

ኤፌሶኔ ኣሳስ 5:26

Ba qaala baggara haaththan meecci geeshshi dummasides.

ቆላሲያሴ ኣሳስ 1:28

Nunikka issi issi as Kirstoosas kumeththa as histti shiishshanaas dandayana mala as ubbaa hiillara zorishenne tamaarsishe Kirstoosa gishshas sabbakoos.

ቆላሲያሴ ኣሳስ 1:9

Nu qasse hessa siyoosoppe haa simmiin intte Xoossa shene erateththaninne akeekan inttena kunththana mala intte gishshas woosa qanxxibeekko.

ቆላሲያሴ ኣሳስ 4:6

Issoy issaas intte zaaro wostti immanaakko intte erana mala intte haasayay maxinera kaxxida kaththa mala mal7o gido.

1ታሶሎንቄ ኣሳስ 1:8

Godaa qaalay inttefe kezidi Maqidooniyaninne Akayan siyeteth xalla gidontta inttes Xoossa bolla diza ammanoy ubbason erettides; hessa gishshas nu inttes yootanaas aykkoka koshshenna.

1ታሶሎንቄ ኣሳስ 4:18

Hessa gishshas ha qaalaan issoy issaara minettite.

2ታሶሎንቄ ኣሳስ 3:15

Gido attiin iza intte isha mala hanqite attiin morkke mala xeellofte.

1ጺምቶሳስ 6:17

Hayssa ha alamezan duretidayti otorettontta mala azaza; nu ufayettana mala wursika darssi tirfisidi nuus immiza Xoossaan attiin ammanththontta miishshaan ammanettontta mala asaas yoota.

2ጺምቶሳስ 3:15

Ne guuththa naateththafe ha7i gakkanaas Yesus Kirstoosa ammanon atoteththi beettiza timirte immiza Geeshsha Maxaafata lo7eththa eradasa.

Titosas 3:6

Hessaka Xillo Ayanay nu bolla nu Godaa Xoossi nuna ashshida Yesus Kirstoosa baggara darssi gussides.

ያቆቤ ኪታ 1:5

Intte giddofe oonaska erateththi pacciko oonakka leqqontta ba kiyateththaara ubbaas immiza Xoossaa woosso; izaadeska imettana.

ያቆቤ ኪታ 3:17

Saloppe gidida erateththaya gidikko koyro geeshsha; guyeppeka saroteth dosizaaro, dandayzaaro, ero gizaaro, maaroteththinne lo7o ayfey kumidaaro; qasse wordo maaddonttaaronne ulon geney bayndaaro.

ያቆቤ ኪታ 5:13

Intte garsan metotiza asi dizee? Dizaa gidikko izi woosso. Ufayettizaadey dizee? Dizaa gidikko ufayssa mazamure yexxo.

1ዮሃኒሳ ኪታ 2:14

Naateththa naytoo! Intte Aawaa erida gishshas ta inttes xaafays; aawatoo! Koyroppe dizayssa iza intte erida gishshas ta inttes xaafays. Naateththatoo! Intte minota gidida gishshassinne Xoossa qaalay inttenan diza gishshas intte Xala7e xoonida gishshas ta inttes xaafays.

1ዮሃኒሳ ኪታ 2:24

Intte koyro siyida qaalaya inttenan du; intte koyro siyidaara inttenan diikko intteka Naazaninne Aawaan daana.

1ዮሃኒሳ ኪታ 2:27

Intte qasse izappe ekkida Xillo Ayanay inttenan diza gishshas haray oonikka inttena tamaarsanaas bessenna; izi inttena tamaarsanayssi tuma attiin wordo gidenna; hessa gishshas Xillo Ayanay inttena tamaarsida mala Kirstoosan de7ite.

2ዮሃኒሳ ኪታ 1:2

Gaasoykka hayssi tumay ha7ikka nu giddon dizayssanne sinththafekka mernaas daanayssa.

ዮሃኒሳ ኣጁታ 14:3

Alga sinththaninne oyddu do7ata sinththan cimata sinththan xeetanne oyddu tammanne oyddu shii asay ooraththa mazamure yexxides; he yeththazakka deraa garsafe doorettida xeetanne oyddu tammanne oyddu shii asaappe attiin haray oonikka iza tamaaranaas dandaybeenna.

ዮሃኒሳ ኣጁታ 15:3

Xoossa oosanchcha Muse yeththinne dorsaza mazamure, «Ubbaa Dandayza Godaa Xoossoo! Ne oosoy gitanne malalisizaaza; dere kawozoo! Ne ogey likkenne tuma.

ዮሃኒሳ ኣጁታ 19:10

Tanikka he kiitanchchazas goynnanaas iza toho bolla ta gufannadis shin izi tana, «Agga! Hessaththo ooththofa! Tanikka nenara Yesus Kirstoosa markkateth oykkida ishatara issife ooththizaade; neni Xoossas goynna! Yesusa markkay tinbite Ayana» gides.

ዮሃኒሳ ኣጁታ 5:9

Ooraththa mazamure hizgi yexxida; «Neni as dumma dumma kochchafe, dumma dumma qaalan haasayzaytappe, dumma dumma qommofenne dumma dumma dereppe Xoossas wozzanaas shukettida gishshas he xaaththa maxaafaza ekkanaassinne maatametakka doyanaas bessizaade gidadasa.