ቆላሲያሴ ኣሳስ 3:12 - Geeshsha Maxaafa

¹² Hessa gishshas dumma gididi dosettidaytoo! Intte Xoossas doorettidayta gidida mala misheteththinne kiyateth, ashketeth, bonchchonne dandaya may7ite.

ጋሞ ማጻፋ

¹² ሄሳ ጊሻስ ዱማ ጊዲዲ ዶሴቲዳይቶ! ኢንቴ ጾሳስ ዶሬቲዳይታ ጊዲዳ ማላ ሚሼቴኔ ኪያቴ፥ ኣሽኬቴ፥ ቦንቾኔ ዳንዳያ ማይኢቴ።

Gamo Geesha Maxxafa New Testamen

¹² Hessa gishshi duuma gididi dosetidayto, inte Xoossas dooretidayta gidida mala michetethine kiyateth, ashiketeth, bonchone danda7a mayite.

ቆላሲያሴ ኣሳስ 3:12 ပူးပေါင်းရင်းမြစ်များ

ኢሳያሳ ቲንቢቴ 42:1

GODAY, «Tani kaafa oykkida ta ashkaray, ta izan ufayettiza muurutay hayssa; tani ta Ayana iza bolla woththadis; izi kawoteththatas suure pirda ehana.

ኢሳያሳ ቲንቢቴ 45:4

Ta ashkara Yaaqoobe gishshassinne tani doorida Isra7eele gishshas, ne tana erontta aggikokka tani nena ne sunththan xeygadis; bonchcho sunththika nees immadis.

ኢሳያሳ ቲንቢቴ 63:15

Abeet GODAWU, dummatida, bonchchettidanne dhoqqu gida ne araataappe saloppe duge xeella; ne wolqqaynne ne mishettiza mishoy awanee? ne ashketeththaynne ne qadheteththi nuuppe haakkides.

ኢሳያሳ ቲንቢቴ 65:22

Hayssafe guye hara asi izan daana keeth keexxettenna; woykko haray maana miishshi tokettenna; ta deraa layththi miththa layththa mala aduqqana; tani dooridayti bantta kushe ooson adussa layth ufayettana.

ኢሳያሳ ቲንቢቴ 65:9

Tani Yaaqoobe zereththatappenne Yuhuda zereththafe ta zumata laattanayta ta ehana; doorettida ta derey istta laattana; ta ashkaratikka heen daana.

ኤርማሳ ቲንቢቴ 31:20

Efreemey ta dosada ufayettiza ta naaza gidennee? Daro wode ta izara eqetta haasaykkoka zaarada iza gishshas ta qoppays; ta maracey kokkorees; ta izas keeha qadhettays» gees GODAY.

ኤርማሳ ቲንቢቴ 31:3

GODAY nuus haahosoppe qonccidi, «Tani inttena mernaa siiqon dosadis; hessa gishshas ta qadheteththan inttena taakko shiishshadis.

ሂዚቄላ ቲንቢቴ 16:8

«Qasseka ta heera aadhdha bashe xeelladis; ne gelo gakkida geela7o gididayssa be7ada ta may7o macara ne bolla yeggada ne kalloteth kammadis; nees caaqqadis; nenara qaala geladis; ne taassa» gees Ubbaa Haariza GODAY.

Maatosa 24:22

He gallassati qaammonttaako asho may7ida asi wuri attenna shin doorettidayta gishshas he gallassati qaammana.

Maatosa 24:24

Wordo Kirstoosinne wordo nabeti buro dendidi isttas dandayettiko doorettidayta baleththanaas giidi wolqqama malaatatanne kase oosetti erontta miish ooththana.

Maatosa 24:31

Kiitanchchatakka daro wolqqama xurumba giirissara yeddana. Isttika doorettidayta oyddu gulappe salos ha gaxappe he gaxa gakkanaas ubbaa issiso shiishshana.

ማርቆሳ ሚሺራቾ 13:20

Goday he gallassata qaanththonttaako oonikka attenna shin baas doorettidayta gishshas izi he gallassata qaanththides.

ማርቆሳ ሚሺራቾ 13:22

Wordo Kirstoosatinne wordo nabeti buro dendidi malaatatanne kase hani erontta pala miish ooththana; isttas dandayettiko haray attoshin doorettidaytakka baleththana.

ማርቆሳ ሚሺራቾ 13:27

Izikka kiitanchchata yeddidi oyddu baggafe biitta gaxappe gaxa gakkanaas diza baas doorettidayta shiishshana.

ሉቃሳ ሚሺራቾ 1:78

nu Xoossaa lo7o maaroteththaafe dendidayssan Saloppe nuus arshey kezides.

ሉቃሳ ሚሺራቾ 18:7

Xoossi qamma, gallassinne omars izakko waassiza doorettidaytas pirdenneyee? Tana ay metidee! giidi ba maado gam7isandee?

ኦሮሜ ኣሳስ 1:7

Xoossan dosettidaytanne geeshshata gidanaas xeygettida Oroome biittan diza inttes ubbaas nu Aawaa Xoossaafenne nu Godaa Yesus Kirstoosappe kiyateththinne saroteththi inttes gido.

ኦሮሜ ኣሳስ 13:14

Hessa aggidi Yesus Kirstoosa may7ite; asho amo polanaas qoppofte.

ኦሮሜ ኣሳስ 9:11

Mentteti yelettidi buro iita woykko lo7o ooththontta dishin Xoossa qofay minnana mala,

1ቆሮንቶሴ ኣሳስ 13:4

Siiqoy dandaya, qasseka kiya; siiqoy miqqaynenna; ceeqettenna; otorettenna;

2ቆሮንቶሴ ኣሳስ 6:6

Hessaththoka geeshshateththan, erateththan, dandayan, kiyateththan, Xillo Ayana kaaloninne qoodheppe qommon gidontta siiqon,

ጋላቲያ ኣሳስ 5:6

Asi Yesus Kirstoosan diikko qaxxarettiin woykko qaxxarettontta aggiin aykkoka go7enna; go7ay dizay siiqon qoncciza ammano xalla.

ኤፌሶኔ ኣሳስ 1:4

Nu iza sinththan geeshshinne wosoy bayndayta gidana mala buro alamey medhettanaappe kase ba siiqon Kirstoosa baggara nuna doorides.

ኤፌሶኔ ኣሳስ 4:2

Mulekka ashketanne shugota gidite; issoy issaara siiqon diitenne issoy issaa dandayte.

ኤፌሶኔ ኣሳስ 4:24

Tumu xilloteththaninne geeshshateththan Xoos misatana medhettida ooraththa asateth may7ite.

ኤፌሶኔ ኣሳስ 4:32

Inttena Xoossi Kirstoosa baggara atto gida mala intteka intte garsan atto atto geetettite; issoy issaara kiyatanne issoy issaas qadhettizayta gidite.

ፒሊጲሲዮሴ ኣሳስ 1:8

Ta inttena Yesus Kirstoosa siiqon wostta laamotizaakko Xoossi taas markka.

ቆላሲያሴ ኣሳስ 3:10

Bana medhdhidayssa misatana mala eran ooraxida ooraththa asateth may7ideta.

1ታሶሎንቄ ኣሳስ 5:15

Oonaska iita gishshas iita zaarontta mala naagettite; gido attiin intte intte giddon gidiin hara asara gidiin ubba wode lo7o gidizayssa ooththanaas baaxetite.

2ጺምቶሳስ 1:9

Nu aykkoka ooththida gishshas gidontta dishin ba qofaa malanne ba kiyateththaa mala nuna ashshidessinne nuna baas dummasidi xeygides. He iza kiyateththi mernaa wodeppe kase Yesus Kirstoosa baggara nuus imettides.

2ጺምቶሳስ 2:10

Hessa gishshas Kirstoosa baggara diza atoteththinne mernaa bonchcho demmana doorettidayta gishshas gaada wursaka dandayadis.

Titosas 1:1

Xoossas doorettidayta ammanoninne Tumu Ayanan kaaleththiza tumaa erateththan dichchana mala Xoossa ayllenne Yesus Kirstoosa Hawaare gidida Phawuloosappe,

1ጴጽሮሳ ኪታ 1:2

Aaway Xoossi kase inttena erida mala doorettidaytas, Yesus Kirstoosas azazettanaassinne intte iza suuththan aracettidi geeyana mala Xillo Ayanan dummatida inttes kiyateththinne saroteththi daro.

2ጴጽሮሳ ኪታ 1:10

Ta ishatoo! Hessa gishshas intte xeygettidayssanne doorettidayssa shaakki eranaas keehi amottizayta gidite; intte hessaththo ooththiko mulekka dhuphetteketa.

1ዮሃኒሳ ኪታ 4:19

Izi kasetidi nuna siiqida gishshas nunikka iza siiqoos.

2ዮሃኒሳ ኪታ 1:13

Doorettida ne michchey nayti nena saro geettes.

ዮሃኒሳ ኣጁታ 17:14

Istti dorsaza bolla ola denththana shin dorsazi godatas Godaanne kawotas kawo gidida gishshas izi istta xoonana; izara dizayti xeygettidayta, doorettidaytanne ammanettidayta» gides.