ቆላሲያሴ ኣሳስ 2:2 - Geeshsha Maxaafa

² Qasseka istta wozinay minnana malanne istti siiqoteththan issoy issaara oykettana mala kumeth gididayssa yuushshi qoppi eron dureteth demmidi Xoossaa xuura gidida Kirstoosa istti erana mala ta dafettays.

ጋሞ ማጻፋ

² ቃሴካ ኢስታ ዎዚናይ ሚናና ማላኔ ኢስቲ ሲቆቴን ኢሶይ ኢሳራ ኦይኬታና ማላ ኩሜ ጊዲዳይሳ ዩሺ ቆፒ ኤሮን ዱሬቴ ዴሚዲ ጾሳ ጹራ ጊዲዳ ኪርስቶሳ ኢስቲ ኤራና ማላ ታ ዳፌታይስ።

Gamo Geesha Maxxafa New Testamen

² Qasseka istta wozinay minnana malane istti siiqotethan issay issara oykistana mala kumeth gididayssa yuushi qoppi ero dureteth demmidi Xoossa xuura gidida kiristoosa istti erana mala ta dafistayss.

ቆላሲያሴ ኣሳስ 2:2 ပူးပေါင်းရင်းမြစ်များ

1ካዎታ ማጻፋ 3:28

Asaas xilloteththan pirdanaas izas aadho erateththay Xoossafe imettidayssa be7ida gishshas Isra7eele asay ubbay kawoy pirdida pirdaa siyida wode kawozas keehippe yayyides.

ዬ ማጻፋ 133:1

Ishantti issifeteththan de7izayssi ay mala lo7onne ay mala ufayssizaazee!

ኢሳያሳ ቲንቢቴ 32:17

Xilloteththa ayfey saroteth; xilloteththa oosoy woppanne mernaas ammaneteth gidana.

ኢሳያሳ ቲንቢቴ 40:1

Intte Xoossay, «Minththeththite! Ta dereza minththeththite!

ኢሳያሳ ቲንቢቴ 53:11

Iza shemppoy waayettidaappe guye izi de7o poo7o be7ananne ufayettana. Ta xillo ayllezi ba erateththan darota xillisana; istta moorokka tookkana.

ኤርማሳ ቲንቢቴ 9:24

Gido attiin ceeqettiza oonikka tani GODAA gididayssa eroninne biitta bolla siiqo, suure pirdanne xilloteth ooththizay tana gidoyssa akeekon ceeqetto. Tani haytan ufayettays» gees.

Maatosa 11:25

He wode Yesusi, «Salonne sa7a Godoo! Ta Aawawu! Hayssa daro eranchchatappenne cinccatappe qottada qeeri naytas ne qonccisida gishshas ta nena galatays.

Maatosa 11:27

«Wurikka ta Aawappe taas imettides; Aawappe attiin Naaza gishshas eriza asi baa; qasse Naazappenne Naazi ba shenen qonccisida asappe haray aawaa eriza asi baa.

Maatosa 13:11

Izikka isttas, «Salo Kawoteththa xuura eroy inttes imettides; isttas gidikko imettibeenna.

ሉቃሳ ሚሺራቾ 1:1

Bonchcho Tofiloosaa! Nu achchan hanida yo7ota gishshas daro asati baas hanida mala xaafida.

ዮሃኒሳ ሚሺራቾ 10:30

Taninne ta aaway nu issino» gides.

ዮሃኒሳ ሚሺራቾ 10:38

Ta izaththo ooththizaa gidikko intte tana ammanontta aggikokka ta Aaway tanan dizayssa tanikka izan dizayssa intte erana malanne yuushshi qoppana mala izi ooththida malaataan ammanite» gides.

ዮሃኒሳ ሚሺራቾ 16:15

Aawaas gididay wurikka tayssa, ‹Taas gididayssafe ekkidi izi inttes yootana› ta giday hessassa» gides.

ዮሃኒሳ ሚሺራቾ 17:3

Mernaa de7oykka ne xalla tumu Xoossanne ne kiittida Yesus Kirstoosa ero guussa.

ዮሃኒሳ ሚሺራቾ 5:17

Yesusikka isttas, «Ta Aaway ubba wode ooththees; tanikka ooththana» gides;

ዮሃኒሳ ሚሺራቾ 5:23

Izi hessaththo ooththiday asay wuri Aawa bonchchana malanne qasseka naazakka bonchchana malassa. Naaza bonchchonttay naaza kiittida Aawaakka bonchchenna.

ዮሃኒሳ ሚሺራቾ 6:69

Ne geeshsha Xoossa naa gididayssa eridi nuni ammanidos» gides.

ሃዋሬታ ኦሶ 4:32

Ammanizayti wurikka issi wozinaninne issi qofan gaaggi deettes. Isttas dizay wuri issi bolla dees attiin baas dizaaz, «Hayssi taas buzo miishsha» gizaadey deenna.

ኦሮሜ ኣሳስ 15:13

Intte izan ammaniza gishshas hidota Xoossi inttenan ufayssinne saroteth kunththo; hessika Xillo Ayana wolqqa hidotay inttes daranaassa.

ኦሮሜ ኣሳስ 16:25

Tani yootiza Mishiraachcho qaalay Yesus Kirstoosa gishshas yootettiza kiitaynne beni wodeppe doommidi qotan gam7idi ha7i qasse qonccida tuma xuura baggara izi inttena ammanon essanaas dandayees.

ኦሮሜ ኣሳስ 2:4

Woykko Xoossa kiyateththi nena maaroteththaako kaaleththizayssa shaakka erontta dashe iza gita kiyateththaanne iza dandaya dureteththaa ne leqqay?

1ቆሮንቶሴ ኣሳስ 14:31

Intte garsafe issi issi asi taamarana malanne minettana mala intte wurikka taran taran tinbite yootanaas dandayeeta.

1ቆሮንቶሴ ኣሳስ 2:12

Xoossafe nuus imettidayssa nuni erana mala Xoossa Ayanay nuus imettides attiin nuni hayssa ha alameza ayana ekkibeekko.

ጋላቲያ ኣሳስ 3:28

Intte wurikka Yesus Kirstoosan issino attiin Ayhudanne Girike, Ayllenne goqa, maccanne adde giza dummateththi deenna; intte wurikka Yesus Kirstoosan issino.

ኤፌሶኔ ኣሳስ 1:7

Xoossa aadho kiyateththa dureteththaafe dendoyssan Yesusa suuththan wozzettidi nagarappe nu maarettidos.

ኤፌሶኔ ኣሳስ 3:16

Intte garsa baggara minnana mala Ayana baggara iza bonchcho dureteththi inttes imettana mala ta woossays.

ኤፌሶኔ ኣሳስ 3:3

Hayssafe kase ta inttes qaanththara xaafida mala taas qoncciin ta eranaas dandayda xuuray hayssa.

ኤፌሶኔ ኣሳስ 6:22

Intte nu hanoteth erana malanne intte wozina izi minththeththana mala ta iza intteko yeddadis.

ፒሊጲሲዮሴ ኣሳስ 2:1

Inttes Kirstoosa baggara beettida issifeteththaa gaason issoy issaa minththeththizaaz siiqo gidiinkka woykko Ayana issifeteth woykko maaroynne asas misheteththi intte garsan diikko intte as siiqon issi Ayananinne issi qofan gididi ta ufays polite.

ፒሊጲሲዮሴ ኣሳስ 3:8

Hessafekka ta Godaa Yesus Kirstoosa eroppe aadhdhizay haray aykkoyka bayndayssa ta ammaniza gishshas ubbaaka go7ay baynda miishsha mala qoodadis; tani iza gishshas gaada ubbaaka aggadis; ta Kirstoosa demmana gaada ubba miishshaakka wora wodhdhida iita miishsha mala qoodadis.

ቆላሲያሴ ኣሳስ 1:26

Ha qaalay beni wodeppenne kase yeletaappe geemmidi xuura gidi gam7ides; ha7i gidikko ammanizaytas ubbaas qonccides.

ቆላሲያሴ ኣሳስ 1:27

Xoossi ba asaas qonccisanaas koyida xuuray iza bonchcho dureteththi ayzaabe gidida intte giddon ay mala gitakko bessanaassa; izikka iza bonchcho hidota gidida intte giddon diza Kirstoosa.

ቆላሲያሴ ኣሳስ 1:9

Nu qasse hessa siyoosoppe haa simmiin intte Xoossa shene erateththaninne akeekan inttena kunththana mala intte gishshas woosa qanxxibeekko.

ቆላሲያሴ ኣሳስ 2:19

Hessa mala asas hu7e gidida Kirstoosara aykko gaytoteththika deenna; kumeththa asateth shayaninne koldzen oyseththi dichchiza hu7ey Kirstoosa; Xoossi Kirstoosa asateth kumeth dichchizay hessa malanna.

ቆላሲያሴ ኣሳስ 3:14

Hessa ubbaa bolla ubbaa kumeththa issifeteththan shiishshi qachchiza siiqo may7ite.

ቆላሲያሴ ኣሳስ 4:3

Ta iza gishshas qashettida Kirstoosa xuuraa awajjanaas dandayana mala Xoossi nuus qaala yootanaas oge doyana mala nu gishshassika woossite.

ቆላሲያሴ ኣሳስ 4:8

Nu duussaa gishshas intte erana malanne intte wozina minththana mala tani iza intteko kiittadis.

1ታሶሎንቄ ኣሳስ 1:5

Gaasoykka Mishiraachcho qaalay intteko yiday wolqqara Xillo Ayananinne lo7eththi shaakki eriin attiin coo qaala xallan gidenna; qasseka nu intte gishshas giidi waani de7idaakko intte ereeta.

1ታሶሎንቄ ኣሳስ 3:2

Inttena ammanon minththana mala nunara asas Kirstoosa mishiraachcho qaalaa yootiza Xoossa ashkara gidida Ximtoosa intteko yeddidos.

1ታሶሎንቄ ኣሳስ 5:14

Ta ishatoo! Nu inttena, «Ooso ooththontta asata hanqettite; babbizayta minththite; daaburanchchata maaddite; as ubbaa dandayte» gi zoroos.

1ጺምቶሳስ 3:16

Tumu Ayana duussa xuuray sidhey baynda gita; izikka, «Ase gidides; iza Xilloteththi Xillo Ayanan qonccides; kiitanchchatas beettides; dere ubbaas sabbakettides; alamen dizaytan ammanettides; bonchchora pude dendi bides» gizayssa.

Ibirawe 10:22

nuni nu iita qofaappe geeyanaas nu wozina aracettidi nu asateththaaka xillo haaththan meecettidi tumu wozinappenne kumeththa ammanon Xoossaako ane shiiqoos.

Ibirawe 6:11

Inttes imettida hidotay polettana gakkanaas inttefe issi issi asi hessa mala ooso wurseth gakkanaas genccidi ooththana mala nu amottoos.

2ጴጽሮሳ ኪታ 1:10

Ta ishatoo! Hessa gishshas intte xeygettidayssanne doorettidayssa shaakki eranaas keehi amottizayta gidite; intte hessaththo ooththiko mulekka dhuphetteketa.

2ጴጽሮሳ ኪታ 1:3

Ba bonchchoninne ba kiyateththan nuna xeygidayssa nuni iza erida gishshas iza Xoossateththaa wolqqay de7ossinne Xoos goynnanaas nuus koshshizaaz ubbaa immides.

2ጴጽሮሳ ኪታ 3:18

Hessafe bollara nu Godaanne nu dhale Yesus Kirstoosa kiyateththaninne iza shaakki eron pude diccite; izas ha7ikka mernaaskka bonchchoy gido. Amiin.

1ዮሃኒሳ ኪታ 3:19

Nuni tumu bagga gididayssa hayssan eroossinne nu wozinakka iza sinththan shempisoos.

1ዮሃኒሳ ኪታ 5:7

Hessa gishshas izas heedzdzu markkati deettes.