ቆላሲያሴ ኣሳስ 1:18 - Geeshsha Maxaafa

¹⁸ Izi ba asateth gidida Woosa Keeththays hu7e; ubbaas bolla gidana mala izi hayqqida asa ubbaafe koyro dendides.

ጋሞ ማጻፋ

¹⁸ ኢዚ ባ ኣሳቴ ጊዲዳ ዎሳ ኬይስ ሁኤ፤ ኡባስ ቦላ ጊዳና ማላ ኢዚ ሃይቂዳ ኣሳ ኡባፌ ኮይሮ ዴንዲዴስ።

Gamo Geesha Maxxafa New Testamen

¹⁸ Izi ba asateth gidida woossa keethays hu7eko. Wurisos bolla gidana mala izi hayqida asa wursofe koyro dendides.

ቆላሲያሴ ኣሳስ 1:18 ပူးပေါင်းရင်းမြစ်များ

ዬ ማጻፋ 89:27

Tani iza taas bayra naa histtana; sa7an diza kawota ubbaafe ta iza gitasana.

Siiqo Saba 5:10

«Ta siiqoy daro lo7onne mino; 10,000 attumasa garsan iza malay deenna.

ኢሳያሳ ቲንቢቴ 52:13

GODAY, «Be7ite, ta ashkaray akeekan ooththana; izi erettidaade gidana, izi dhoqqu dhoqqu gaana; izi keehi bonchchettana.

Maatosa 23:8

«Intte gidikko, ‹Astamaare› geetetti xeygettofte; intte Astamaarey issaa xalala gidishin intte wurikka issoy issaas ishantta.

Maatosa 28:18

Yesusikka bana kaallizaytakko shiiqidi, «Saloninne sa7an godateththi taas imettides. Hessa gishshas biidi dere ubbaa Aawaa, Naazanne Xillo Ayana sunththan xammaqishe, tana kaallizayta ooththite; ta inttena azazidayssa ubbaa naagana mala tamaarsite. Tanikka alame wurseth gakkanaas inttenara days» gides.

ዮሃኒሳ ሚሺራቾ 1:1

Qaalay kase koyro dees. Qaalaykka Xoossa achchan dees. He qaalaykka Xoossa.

ዮሃኒሳ ሚሺራቾ 1:16

Iza kumeththa kiyateththan nu wuri kiyateththa bolla kiyateth ekkidos.

ዮሃኒሳ ሚሺራቾ 1:27

Taappe guyera yaanayssi iza; ta iza caamma qasho birshanaas bessizaade gidikke» gides.

ሃዋሬታ ኦሶ 26:23

Isttika yootidayssi, ‹Xoossi kiittidaadey meto beyana; hayqoppe dendon koyro gididi asi attana poo7oy Isra7eele deresinne Ayzaabetas qonccana› gizayssa» gides.

ኦሮሜ ኣሳስ 8:29

Xoossi kaseppe ba erizayta istti iza naaza misatana mala kasekka doori woththides; hessika daro ba ishata giddofe izi bayra gidanaassa.

1ቆሮንቶሴ ኣሳስ 11:3

Gido attiin ta intte erana mala koyzay attumasaas ubbaas hu7ey Kirstoosa gididayssa mala attumasay maccas ubbaas hu7e; qasse Xoossi Kirstoosas hu7e.

1ቆሮንቶሴ ኣሳስ 12:27

Histtiko intte wurikka Kirstoosa asateth; intte issoy issoy iza asateththa billiteta.

1ቆሮንቶሴ ኣሳስ 15:25

Izi ba morkke wursika ba toho gars aaththana gakkanaas izi kawotanaas bessees.

ኤፌሶኔ ኣሳስ 1:10

Buroppe wode wurseththan hananaas diza iza qofay salo bollanne biitta bolla dizaytas ubbaas hu7e gidida Yesus Kirstoosappe ubbaa gars aaththanaassa.

ኤፌሶኔ ኣሳስ 5:23

Kirstoosi ba asho gidida Woosa Keeththays hu7e gidida mala azinaykka ba machcheys hu7e.

ቆላሲያሴ ኣሳስ 1:24

Ta intte gishshas waaye be7idayssi ha7ikka tana ufayssees; Kirstoosi ba asateth hessika Woosa Keeththa gishshas izi ekkida waayezappe ekkishin pacciday diikko tani ta ashon kunththana.

ቆላሲያሴ ኣሳስ 2:19

Hessa mala asas hu7e gidida Kirstoosara aykko gaytoteththika deenna; kumeththa asateth shayaninne koldzen oyseththi dichchiza hu7ey Kirstoosa; Xoossi Kirstoosa asateth kumeth dichchizay hessa malanna.

1ዮሃኒሳ ኪታ 1:1

De7o qaala gishshas koyroppe dizayssa nuni nu hayththan siyidayssanne nu ayfera be7idayssa lo7eththi xeellidayssa, nu kushera oykki be7idayssa gishshas haasayoos.

ዮሃኒሳ ኣጁታ 1:18

Tani paxa days. Kase hayqqadiskoshin hekko tani hayssafe mernaas paxa daana; hayqo bollanne Si7oole bolla tani Godaa.

ዮሃኒሳ ኣጁታ 1:8

Kasekka, ha7ikka dizayssi buroppeka Yaanayssi ubbaa dandayza Godaa Xoossi, «Alfaynne Oomegay, Koyroynne Wurseththi tana» gees.

ዮሃኒሳ ኣጁታ 11:15

Laappunththo kiitanchchayka ba zayeza punnides; Salon, «Alame kawoteththi nu Godaa Xoossaassinne Kirstoosas gidides; izikka mernaappe mernaa gakkanaas kawotana» giza gita qaalay siyettides.

ዮሃኒሳ ኣጁታ 21:6

Hessafe guye taas, «Polettides! Alfaynne Oomegay; Koyroynne Wurseththi tana; saamettidaades tani de7o pultto haath miishshe qanxxisontta izas coo mela immana.

ዮሃኒሳ ኣጁታ 22:13

Alfaynne Oomegay, Sinththinne Guyey, Koyroynne Wurseththi tana» gides.

ዮሃኒሳ ኣጁታ 3:14

«Lodoqiya Woosa Keeththa kiitanchchaas, ‹Hayssi amiin› gidayssafe, tumu ammanettida markka gididaadefe, Xoossa medheteththi wuri izappe beettidaadefe yootettidayssa.