ኣሞጼ ቲንቢቴ 8:9 - Geeshsha Maxaafa

⁹ Ubbaafe Wolqqama GODAY, «He wode tani gallassa seetan awa arshe wulsana; gallassa seetan gade dhumisana.

ጋሞ ማጻፋ

⁹ ኡባፌ ዎልቃማ ጎዳይ፥ «ሄ ዎዴ ታኒ ጋላሳ ሴታን ኣዋ ኣርሼ ዉልሳና፤ ጋላሳ ሴታን ጋዴ ሚሳና።

ኣሞጼ ቲንቢቴ 8:9 ပူးပေါင်းရင်းမြစ်များ

ኢዮቤ ማጻፋ 5:14

Gallassay isttas dhuma gidees; buro seeta gallassan omars dhuma giddon diza mala istti tattafettana.

ኢሳያሳ ቲንቢቴ 13:10

Salo xoolinttetinne istta butteti poo7o immettenna; arshey buro mokkida mala dhumana; aginaykka ba poo7o immuku.

ኤርማሳ ቲንቢቴ 13:16

Izi dhuma ehontta dishin dhumida zumata bolla intte tohoy dhuphettontta dishin GODAAS intte Xoossas bonchcho immite; Intte, «Poo7oy yaana» giidi naageeta; gido attiin izi dhuman laammana; sakkanna dhuma ooththana.

ኤርማሳ ቲንቢቴ 15:9

Laappun nayti hayqqida aaya dagaman daaburana; peenora dhayana izis gallassay qammana; iza yeellatananne kawuyana; attidaytakka morkketa mashshas aaththa immana» gees GODAY.

ሂዚቄላ ቲንቢቴ 32:7

Ta nena dhayssiza wode salota goozana; istta xoolinttetakka dhumisana; awakka shaaran kammana; aginaykka ba poo7o diggana.

ኣሞጼ ቲንቢቴ 4:13

Zumata ooththidaadey carkota medhdhidaadey ba qoppidayssa asas qonccisizay gallassa poo7o gede dhuman laammizay biitta bolla dhoqqasohon hemettizayssa sunththay GODAA Salo Xoossa.

ኣሞጼ ቲንቢቴ 5:8

Piliyaadise geetettiza laappun xoolinttetanne Oryoone geetettiza issi bolla diza xoolintteta medhdhiday gallassaa omarsan, omarsa gallassan laammizay, abba haath azazidi biitta bolla gogissizay,

ሚኪያሳ ቲንቢቴ 3:6

Hessa gishshas istta bolla qammay beettontta, dhumay erontta gakki wodhdhana; nabeta bolla arshey gelananne gallassay isttas qammana.

ዛካራሳ ቲንቢቴ 14:7

He gallassay gallassinne qammay baynda GODAY eriza dumma gallas gidana; he gallassi poo7oy poo7oshin de7ana.

Maatosa 24:29

«Heerakka he iita meto gallassatappe guye arshey dhumana; aginay ba poo7o diggana; xoolintteti saloppe qoqofettana; salo wolqqamatikka qaaxxana.

Maatosa 27:45

Gallas usuppun saateppe biidi uddufun saate gakkanaas kumeththa biittay dhumides.

ማርቆሳ ሚሺራቾ 15:33

Usuppun saateppe doommidi uddufun saate gakkanaas biittay wuri dhumides.

ሉቃሳ ሚሺራቾ 23:44

He wode gadey seeta gallas gidishin biidi uddufun saate gakkanaas kumeththa biitta bolla dhumay dhumides.

ዮሃኒሳ ኣጁታ 6:12

Hessafe guye he dorsay usuppunththo maatameza doyiin tani izakko xeelladis; hekko biittay wolqqama qaath qaaxxides; arshey asi kayos may7iza kareththa may7o mala karexxides; aginaykka kumeththara suuththa mala zo7adus.

ዮሃኒሳ ኣጁታ 8:12

Oydanththo kiitanchchay ba zayeza punnides; arshes cigoy, aginas cigoy, xoolinttetas cigoy shocettides; hessa gishshas heytantta poo7oppe cigoy dhumides; hessa malankka gallassaafe cigoy omars gidides; hessaththoka omarsafe cigoy poo7oy baynda dhuma gidides.