ኣሞጼ ቲንቢቴ 7:7 - Geeshsha Maxaafa

⁷ GODAY tana hara ajjuuta bessides; tumben sitti gi oosettida gimbe achchan Xoossi ba kushen tumbe oykki eqqidayssa beyadis.

ጋሞ ማጻፋ

⁷ ጎዳይ ታና ሃራ ኣጁታ ቤሲዴስ፤ ቱምቤን ሲቲ ጊ ኦሴቲዳ ጊምቤ ኣቻን ጾሲ ባ ኩሼን ቱምቤ ኦይኪ ኤቂዳይሳ ቤያዲስ።

ኣሞጼ ቲንቢቴ 7:7 ပူးပေါင်းရင်းမြစ်များ

ሜቴ ማጻፋ 28:13

Yangarezas bolla xeeran GODAY eqqidi iza, «Tani GODAA ne aawa Abrahaame Xoossa, Yisaaqa Xoossa. Ha ne ichchida biittaa ta neessinne ne zereththas immana.

2ሳሜላ ማጻፋ 8:2

Hessaththoka Dawiti Mo7aabeta xoonides; istta biitta bolla ishisidi wodoron wadhdhi xeellides; wadhdhi xeellidaytappe nam7u kushe gidizayta izi wodhiin issi kushe gidizayti paxa attida; hessa gishshas Mo7aabe asay Dawites haarettidessinne izas giirides.

2ካዎታ ማጻፋ 21:13

Tani Samaariyas giigsida wadha wodoro, tani Akaabeso izara ginasa xeellida tumbezakka Yerusalaame bolla yeddana; asi saane meecci gufanththiza mala tanikka Yerusalaame meecca dhayssana.

ኢሳያሳ ቲንቢቴ 28:17

Tani suure pirda wadha wodoro, xilloteththika tumbe mala ooththana; intte wordo zempposo ooththidayssa shachcha iray meeccana; intte qotetti attizasozakka haaththi mittana» gees.

ኢሳያሳ ቲንቢቴ 34:11

Xiloynne quxarsi izo laattana; guttoynne quuroy izin keeth keexxana; Xoossi Eedoome bolla izo laallana wodoronne izo dhayssana tumbe yeddana.

ኤርማሳ ዚላስ 2:8

GODAY Xiyoone katama gimbe laallanaas qanxxi dendides; mixe wodoroza piddisides; izi istta dhayssontta aggenna; miixatinne gimbetti laalettida; isttika issife dhayda.

ሂዚቄላ ቲንቢቴ 40:3

Izi tana hee efides; histtiin tani xarqimala misatiza issi as be7adis; izi laynoppe oosettida wodoronne wadha mith ba kushen oykkidi geliza penge bolla eqqides.

ኣሞጼ ቲንቢቴ 7:6

GODAYKKA isttas mishettidi, «Hayssi ne be7izayssi polettenna» giidi taas yootides.

ኣሞጼ ቲንቢቴ 7:8

Izikka, «Amoxe! Hessi ne be7izayssi izi aazee?» gi oychchides. Tanikka, «Tumbeko!» gadis. GODAY zaaridi taas, «Tumben sitti gi oosettontta gimbe mala ta dere Isra7eeley geellattides; hessa gishshas hayssi tumbezi Isra7eele nayta geellateththaa bessiza leemiso; tanikka istta qaxxayontta aggike.

ዛካራሳ ቲንቢቴ 4:10

«Guuththa miishshati haniza gallassi kadhiday oonee? Asay Zerubaabele kushen tumbe be7idi ufayettana; heyti laappun xomppeta istta bolla woththiza laappun ballati alame bolla yuuyi xeelliza GODAA ayfeta.»

ዮሃኒሳ ኣጁታ 11:1

Hessafe guye ta izara wadha wadhdhanaas guufe misatiza shomboqoy taas imettides. Taas, «Neni dendada Xoossa Keeththazanne giddo kifileta wadhdha! Heen goynnizayta tayba.

ዮሃኒሳ ኣጁታ 21:15

Hessa taas yootida kiitanchchazas he katamayonne izi pengeta qasseka he gimbeza izara wadhdhiza worqqa zangey dees.