ኣሞጼ ቲንቢቴ 7:17 - Geeshsha Maxaafa

¹⁷ Hessa gishshas amasiyaasa! Ne gishshas GODAY, ‹Ne machcheya katama giddon layma maccas gidana; nees macca naytinne attuma naytikka olan hayqqana; allagati ne biitta wodoron wadhdhi gishetti ekkana; nenikka allaga biittan hayqqana; Isra7eele asay ba biittafe di7ettidi allaga dere baana› gees» gi yootides.

ጋሞ ማጻፋ

¹⁷ ሄሳ ጊሻስ ኣማሲያሳ! ኔ ጊሻስ ጎዳይ፥ ‹ኔ ማቼያ ካታማ ጊዶን ላይማ ማጫስ ጊዳና፤ ኔስ ማጫ ናይቲኔ ኣቱማ ናይቲካ ኦላን ሃይቃና፤ ኣላጋቲ ኔ ቢታ ዎዶሮን ዋ ጊሼቲ ኤካና፤ ኔኒካ ኣላጋ ቢታን ሃይቃና፤ ኢስራኤሌ ኣሳይ ባ ቢታፌ ዲኤቲዲ ኣላጋ ዴሬ ባና› ጌስ» ጊ ዮቲዴስ።

ኣሞጼ ቲንቢቴ 7:17 ပူးပေါင်းရင်းမြစ်များ

2ካዎታ ማጻፋ 17:6

Hose7ey kawotida uddufunththo layththan Asoore kawoy Samaariya oykkides. Isra7eele asaa di7i ekkidi Asoore dere denththi efides. Heytakka Alahen, Gozaan Haboore shaafa mataninne Meedoone katamatan efi woththides.

ዬ ማጻፋ 78:55

Izi istta sinththafe kawoteththaa gooddidi istta biitta Isra7eele zaretas gishereththi immidi istta laatissides; Isra7eele asaa istta morkketa keeththan woththides.

ኢሳያሳ ቲንቢቴ 13:16

Istta ayfey be7ishin istta nayta busakkana; istta keeththatikka bonqqettana; istta machchetakka haray gayttana» gees.

ኢሳያሳ ቲንቢቴ 22:18

Nena yanbarsha mala yuushshidi aako biittan olana; ne godaa keeththas ne yeella gidadasa; ne heen hayqqana; ne bonchcho para-gaaretikka heen attana.

ኤርማሳ ቲንቢቴ 14:16

Qasse istti tinbite yootida dereykka koshaninne ola gaason Yerusalaame dubbushatan kundana; isttas, istta machcheta, istta attuma naytanne macca nayta aha moogizay dhayana; tani istta mooro mala istta bolla qixaate ehana» gides.

ኤርማሳ ቲንቢቴ 20:6

Pashkure! Neninne ne sohon diza ubbayka di7ettidi Baabiloone baana. Neninne ne isttas wordo tinbite yootida ne laggeti ubbay heen hayqqananne moogettana› gees» gides.

ኤርማሳ ቲንቢቴ 28:12

Nabe Hanaaniyay nabe Ermaasa morgefe qambara menththida guuththa wodeppe guye GODAA qaalay nabe Ermaasakko yiidi,

ኤርማሳ ቲንቢቴ 28:16

Hessa gishshas GODAY, ‹Tani nena ha sa7a bollafe diggana; neni GODAA bolla makkalla haasayda gishshas ne ha layth hayqqana› gees» gides.

ኤርማሳ ቲንቢቴ 29:21

Ubbaafe Wolqqama GODAA Isra7eele Xoossay ta sunththan wordo tinbite inttes yootiza Qolaaya naa Akaabe gishshassinne Ma7isaya naa Sedeqiyaasa gishshas tani istta Baabiloone Kawo Nabukadanaxoores aaththa immana; intte xeellishin izi istta wodhana.

ኤርማሳ ቲንቢቴ 29:25

«Ubbaafe Wolqqama GODAA Isra7eele Xoossay, ‹Yerusalaamen diza as ubbaas, Ma7isaya naa qeese Sofonaasassinne hara qeeseta ubbaas neni ne sunththan dabdaabbeta yeddadasa› gees. Ne Sofonaasas,

ኤርማሳ ዚላስ 5:11

Maccassata Xiyoonen tunisida; geela7otakka Yuhuda katamatan wolqqan oykki kawushshida.

ሂዚቄላ ቲንቢቴ 4:13

GODAYKKA, «Hessa mala hanotan Isra7eele asay tani istta laallana kawoteththata giddon istti tuna kath maanayssas malata» gides.

ሆሴኤ ቲንቢቴ 9:3

Isra7eele derey GODAY isttas immida biittan uttenna. Efreemey duge Gibxe simmana; Asoorekka biidi tunida kath maana.

ኣሞጼ ቲንቢቴ 6:7

Hessa gishshas heera asappe koyro intte di7ettana; he wode intte kase ufayssan guppiza gufaynne badhdhi gi diza duussi attana.

ኣሞጼ ቲንቢቴ 7:11

Izikka, ‹Iyorba7aameykka olan hayqqana; Isra7eele derey ba dereppe di7etti baana› gees» gi kiittides.

ኣሞጼ ቲንቢቴ 8:1

Ubbaafe Wolqqama GODAY tana hara ajjuuta bessides; hessika teeray izan kumi diza keeshe.

ኣሞጼ ቲንቢቴ 9:1

GODAY yarsho yarshizasoza millen eqqi dishin ta beyadis; izikka tana, «Xoossa Keeththaa yochchay qaaxxana gakkanaas keeththa qustte shoca laalladanne asaa bolla kundana mala ooththa; hessafekka attidayta tani istta mashshara wodha dhayssana; isttafe oonikka baqatenna; baqatikkoka taappe kessi ekki attenna.

ኣሞጼ ቲንቢቴ 9:8

Tani Ubbaa Haariza GODAY gede nagaranchcha Isra7eele asaa kawoteththaako xeellays; ta iza biittafe mulera dhayssana; gido attiin Yaaqoobe zereth ubbaa dhayssike» gees.

ሚኪያሳ ቲንቢቴ 1:16

Intte isttan ufayettiza intte nayti inttefe di7etti baana gishshas intte hu7e bulusite.

ዛካራሳ ቲንቢቴ 14:2

Yerusalaame olana mala kawoteththata ubbaa ta shiishshana; katamayakka oykettana; keeththa giddon diza miishshi bonqqettana; maccassatarakka wolqqan ichchana; katama asaappe baggay di7ettana; attida derey qasse katamayppe kezenna.