ኣሞጼ ቲንቢቴ 5:16 - Geeshsha Maxaafa

¹⁶ Hessa gishshas GODAY Salo Xoossay, «Oge bollanne dubbushay dizason ubbaan waasoynne yeehoy siyettana; goshshanchchati koyssas zilalizayti yeehos xeygettana.

ጋሞ ማጻፋ

¹⁶ ሄሳ ጊሻስ ጎዳይ ሳሎ ጾሳይ፥ «ኦጌ ቦላኔ ዱቡሻይ ዲዛሶን ኡባን ዋሶይኔ ዬሆይ ሲዬታና፤ ጎሻንቻቲ ኮይሳስ ዚላሊዛይቲ ዬሆስ ጼይጌታና።

ኣሞጼ ቲንቢቴ 5:16 ပူးပေါင်းရင်းမြစ်များ

2ታሪኬ ማጻፋ 35:25

Ermaasi Iyosiyaasas zilassa ginxo xaafides; hanno gakkanaas yeeho yeekkiza maccassatinne attumasati Iyosiyaasa qoppi qoppidi yeekkiza wode, ha Ermaasi kessida zilassa ginxoza zilasi Isra7eele biittan lose gidides; he zilassa ginxozi Isra7eeleta Zilassa ginxo Maxaafan xaafetti uttides.

ኢሳያሳ ቲንቢቴ 15:8

Istta waasoy Mo7aabe zawa gakkanaas seetettees; istta waasoy Egilayme gakkanaas istta zilasaykka Bi7eeri-Eelime gakkees.

ኢሳያሳ ቲንቢቴ 22:12

He gallas GODAY Ubbaafe Wolqqama Xoossay intte yeekkana malanne waassana mala, intte hu7e binana buucana malanne maaqa may7ana mala xeygides.

ኤርማሳ ቲንቢቴ 30:5

GODAY, «Tani babonne shiro waaso siyays; saroykka deenna.

ኤርማሳ ቲንቢቴ 4:31

Tani koyro bayra naa yelanaas miixattiza maccassa mala ne waassishin ta siyadis; Yerusalaame macca naya peenoy tucettanaashe gakkanaas waassishininne ba kushe miccada, «Ta waanoo! Hekko tana wodhana geettes!» gishin siyadis.

ኤርማሳ ቲንቢቴ 9:10

Tani dhoqqa deretas yeekkananne waassana; bazzon heenththasohotas kayottana. Gaasoykka istti dhayda; heera issi asinne kanththenna. Mehe waasoy siyettenna; salo kafotinne do7ati baqatidi bichchida.

ኤርማሳ ቲንቢቴ 9:16

Istta woykko istta aawati erontta kawoteththata giddon tani istta laallana. Tani istta dhayssana gakkanaas mashshan yedeththana» gees.

ሆሴኤ ቲንቢቴ 4:3

Hessa gaason biittay bolla koshay yees; izi bolla dizay wuri gilqees; meheti, do7ati, kafotinne Abba giddon diza moleti ubbay wureettes.»

ኢዩኤሌ ቲንቢቴ 1:11

Gistteynne banggay haraykka bone kaththi wurikka dhayda gishshas intteno goshshanchchatoo ceecite; intteno, woyne miththata godatikka yeekkite.

ኢዩኤሌ ቲንቢቴ 1:14

Dumma xooma gallas awajjite; ayana shiiqos asa xeygite; deren diza cimatanne asaa ubbaa nu GODAA keeththan shiishshidi pude GODAAKKO waassite.

ኢዩኤሌ ቲንቢቴ 1:15

Aye ana! GODAA gallassi matides. Ubbaa dandayza Xoossay dhayssizaaz ehiza gallassi gakkides. He gallassays aayye ana!

ኢዩኤሌ ቲንቢቴ 1:8

Hessa gishshas izo ekkana giigsidayssi hayqqiin maaqa may7ada yeekkiza geela7oy mala intteka yeekkite.

ኣሞጼ ቲንቢቴ 3:13

Salo GODAY, «Hekko ane hayssa siyite! Yaaqoobe zereththa bolla markkattite.

ኣሞጼ ቲንቢቴ 5:27

Tani inttena Damasqofe gede haassa gooddana» gees GODAY Salo Xoossay.

ኣሞጼ ቲንቢቴ 8:10

Intte layththan layththan bonchchiza ba7aaleza yeehon laammana; intte yexxiza yeththaaka waason laammana; diza pexi issi nay hayqqiin camo yeeho yeekkiza asa mala intte intte hu7e binana buucidi maaqa may7ana mala tani inttena ooththana; he wurseththa gallassay camo gallas gidana.

ኣሞጼ ቲንቢቴ 8:3

«Istti Xoossa Keeththan sissiza yeththay he wode yeehon laamettana; daro asa ahay awan awanka kundi attana; awanka coo yegetti attana» gees.

ሚኪያሳ ቲንቢቴ 1:8

Hessa geedon tani yeekkays, wuu! Wuy gays; ta caammay baynda mela tohoninne mela kallo bays; worakana mala waassays; gutto mala waassays.

ሚኪያሳ ቲንቢቴ 2:4

He wode derey intte bolla miicci kaa7ana; inttena qidhishe, « ‹Nu mulera dhaydos; ta dabbo gadey haras gishettides; taappe bonqqi ekkidi nu biitta nuna Xoonidaytas gishides› gi zilalana» gides.

ዮሃኒሳ ኣጁታ 18:10

Izi waayezas babbida gishshas haahon eqqidi, «Hanne gita katamayee! Hanne mino katamaye Baabiloonee! Ne pirday mexi issi saate giddon yida gishshas nees Aayye ana! Aayye ana!» gaana.

ዮሃኒሳ ኣጁታ 18:19

Ba hu7en gudulla qolidi yeekkishenne muuzottishe, «Abba bolla markabey dizayti wurikka izi miishshaan duretidayti, hinna gita katamaya issi saate giddon mulera dhayda gishshas izis Aayye ana! Aayye ana!» gi waassida.