ኣሞጼ ቲንቢቴ 5:14 - Geeshsha Maxaafa

¹⁴ Intte shemppora paxa de7ana mala lo7oppe attiin iita ooththofte; intte hessaththo ooththiko intte gida mala GODAY Salo Xoossay inttenara gidana.

ጋሞ ማጻፋ

¹⁴ ኢንቴ ሼምፖራ ፓጻ ዴኣና ማላ ሎኦፔ ኣቲን ኢታ ኦፍቴ፤ ኢንቴ ሄሳ ኦኮ ኢንቴ ጊዳ ማላ ጎዳይ ሳሎ ጾሳይ ኢንቴናራ ጊዳና።

ኣሞጼ ቲንቢቴ 5:14 ပူးပေါင်းရင်းမြစ်များ

ሜቴ ማጻፋ 39:23

GODAY Yooseefera gididi izi ooththiza ubbaa polisiza gishshas woyne keeththaa alaafey Yooseefe alaafeteththan diza ay miishshaska waanandeesha giidi hirgi erenna.

1ታሪኬ ማጻፋ 28:20

Hayssafe guye Dawiti ba naa Solomoone, «Aykkoy baawa minna! Oosoza doomma! GODAA ta Xoossay nenara diza gishshas yayyofa; hidotakka qanxxofa! Xoossa Keeththa oosoy polettana gakkanaas Xoossay nena yeggennanne aggenna.

2ታሪኬ ማጻፋ 15:2

Izikka Aasara gayttanaas biidi, «Aasa, Yuhuda asawu! Biniyaame asawu intte ubbayka siyite! Intte GODAARA issife de7ikko izikka inttenara de7ana. Intte iza koykko izi inttes beettana; intte iza aggiko izikka inttena aggana.

ዬ ማጻፋ 46:11

Ubbaafe wolqqama GODAY nunara dees; Yaaqoobe Xoossi nu qotetti attiza qol7a.

ዬ ማጻፋ 97:10

GODAA dosizaytoo! Iita ixxite; izi baas ammanettizayta shemppo naagees; qasseka iitata kusheppeka ashshees.

ኬሳ ማጻፋ 3:12

Xoossika iza, «Tani nenara gidana; qasse tani nena kiittidayssas malatay hayssa; neni he asaa Gibxeppe kessida wode hayssa zuma bollan intte taas Xoossas goynnana» gides.

ሌሚሶ ማጻፋ 11:27

Lo7o miish minththi koyzaade lo7o miishshi naagees; gido attiin iita miish koyzaade iita miishshi gakkees.

ኢሳያሳ ቲንቢቴ 55:2

Go7ontta kaththas ays intte miish dhaysseetii? inttena kalssontta miishshas ay ekkanaas intte wolqqa wurseetii? Siyite; ta gidaaz siyite; lo7o gididaaz miite; lo7o quman inttena ufayssite.

ኢሳያሳ ቲንቢቴ 8:10

Olas zorettite; gido attiin inttes suurenna; halchcho kessite; gido attiin inttes minnenna. Gaasoykka Xoossay nunara dees.

ኣሞጼ ቲንቢቴ 3:3

Nam7u asati oge issife baana giidi qachchontta aggiko issife baanaas dandayzoo?

ኣሞጼ ቲንቢቴ 5:6

Haa Xoossaako simmite; histtiko intte shemppora paxa de7ana; akkay giikko Xoossi tama mala Isra7eele deraa maana; Beetelen dizaytakka tamay maana; he tama toyssanay isttas beettenna.

ሚኪያሳ ቲንቢቴ 3:11

Kaaleththizayti matta7es pirdeettes; qeeseti miishsha gishshas tamaarseettes; Nabetikka miishshe mida gishshas yooteettes. Hessa ubbaa ooththidikka, «Xoossi nu giddon dees gidennee? Ay iitaykka nu bolla gakkenna» gishe Xoossan ceeqeteettes.

ሚኪያሳ ቲንቢቴ 6:8

Asa nawu! Izi nena lo7o miish bessides Xoossi neeppe koyzay aazee? Lo7o ooththana mala maaroteth ne dosana malanne Xoossa sinththan neni ashketeththara baana mala gidennee?

ሶፎናሳ ቲንቢቴ 2:3

Intteno biitta bolla diza ashketoo; iza azazokka polizaytoo! GODAA koyite; Xilloteththinne ashketeth koyite; GODAA hanqo gallassafe intte attanaakko oonee erizay!

ታይቦ ማጻፋ 16:3

Isttika Muse sinththaninne Aaroone sinththan shiiqidi isttas, «Intte mulekka wogappe aadhdhideta! Hayssi derezi ubbay GODAAS dummatida dere; GODAYKKA isttara dees; histtiin intte GODAA deraa bolla aazas inttena dhoqqu dhoqqu histteetii?» gida.

Maatosa 6:33

Harappe sinththatidi Xoossa Kawoteththa xilloteth koyite; hayti wuri inttes gujettana.

2ጺምቶሳስ 4:22

Goday nenara gido; Godaa kiyateththi inttenara gido.

ኢያሶ ማጻፋ 1:9

Neni bizason ubbaan GODAA ne Xoossay nenara diza gishshas aykkoy baa, minna, yayyofa, dagammofa gaada ta nena azazabeekkinaa!» gides.