ኣሞጼ ቲንቢቴ 5:12 - Geeshsha Maxaafa

¹² Intte qohoy ay mala darokkonne intte nagaray ay mala deexokko ta erays; intte xillo asata un7eththeeta; matta7e ekkidi pirdason manqotas geella pirdeeta.

ጋሞ ማጻፋ

¹² ኢንቴ ቆሆይ ኣይ ማላ ዳሮኮኔ ኢንቴ ናጋራይ ኣይ ማላ ዴጾኮ ታ ኤራይስ፤ ኢንቴ ጺሎ ኣሳታ ኡንኤታ፤ ማታኤ ኤኪዲ ፒርዳሶን ማንቆታስ ጌላ ፒርዴታ።

ኣሞጼ ቲንቢቴ 5:12 ပူးပေါင်းရင်းမြစ်များ

ኢዮቤ ማጻፋ 20:19

Hayssika hanzayssi izi manqota un7eththida gishshassinne ba ooththontta keeththa genen ekkida gishshassa.

ኢዮቤ ማጻፋ 31:21

Tani mooton istta laththanayssa erada aaway baynda nayta naaqqidaa gidikko,

ዬ ማጻፋ 127:5

Iza kohoti he yiishshatan kumiday anjjettidaade. Izi katama pengen ba morkketara marshettiza wode shatumettenna.

ኬሳ ማጻፋ 23:3

Manqo asi pirdaso shiiqikko iza manqoteth be7ada maadda pirdofa.

ኬሳ ማጻፋ 23:6

«Pirdas dubbushan shiiqada, manqo asa pirda wobbisoppa.

ሌሚሶ ማጻፋ 17:8

Matta7ey immizaades bita mala; izi bida soho ubbaan izas injjetana misatees.

ሌሚሶ ማጻፋ 22:22

Hiyeesatasi aykkoyka baynda gishshas istta bonqofa; shilotankka metotanchchata waayisoppa.

ኢሳያሳ ቲንቢቴ 1:23

Nena kaaleththizayti makkallanchchataranne kaysotara laggetida; istti ubbayka maganxo doseettes. Matta7ekka keehi koyeettes; yi7otas aadhdhi eqqettenna; am7eta magana siyettenna.

ኢሳያሳ ቲንቢቴ 10:2

Manqota pirda geellasizaytas, un7ettida ta dereza pirda bokkasizaytas, am7eta aqota bonqqizaytas, yi7ota aqota dhechchi mizaytas aayye ana!

ኢሳያሳ ቲንቢቴ 29:21

As yo7on mooranchcha kessizayti, shilotan mootettizayssa bolla woximade waaxizayti, wordo markkan tumateththa xillotappe bonqqizayti dhayana.

ኢሳያሳ ቲንቢቴ 33:15

Xilloteththan hemettizay, suure haasayzay, baleththon beettiza wodhe kadhizay, gubbo ekkenaappe ba kushe shiishshi ekkizay, as wodhana zuppetizayta zore siyanaappe ba hayth tuccizay, iita beyanaappe ba ayfe qilim7izay,

ኢሳያሳ ቲንቢቴ 47:9

Ha nam7u yo7oti, am7eteththinne yeli dhonththi qofay baynda issi gallas ne bolla gakki wodhdhana; ne ay keena bitikkoka, ne ay keena muurennikokka istti ne bolla kumeththa wolqqara yaana.

ኢሳያሳ ቲንቢቴ 5:23

Matta7e ekkidi, mooranchchata xillisizaytassinne xillo asatasi suure pirdaa diggizaytas aayye ana!

ኢሳያሳ ቲንቢቴ 66:18

«Tani istta oosonne istta qofa eriza gishshas, kawoteththata ubbaanne dumma dumma qaalan haasayza ubbata issife shiishshanaas yaana; isttika yiidi ta bonchcho be7ana.

ኤርማሳ ቲንቢቴ 29:23

Istti ba laggeta machchetara laymateththan ta isttas yootontta qaala ta sunththan wordo yooton Isra7eele bolla qoho gaththida; hessa tani erays; tani hessas markka» gees GODAY.

ኤርማሳ ዚላስ 3:34

Deraan diza qasho asay ubbay genen yedhettishin,

ሂዚቄላ ቲንቢቴ 13:22

Tani qohontta xilloza intte wordora ceecissida gishshas, nagaranchchay ba iita ogeppe simmidi ba shemppo ashshontta mala intte iza iza nagaran minththeththideta.

ሆሴኤ ቲንቢቴ 5:3

Tani Isra7eele asa ubbaa erays. Isra7eeley ta ayfeppe geemmabeekku; Efreeme, neni laymateththa goynon tunadasa.

ኣሞጼ ቲንቢቴ 2:16

Ola qaratikka he gallas gooro kallo baqatana» gees.

ኣሞጼ ቲንቢቴ 2:3

Tani istta haariza kawozanne daannata ubbaa dhayssana» gees.

ኣሞጼ ቲንቢቴ 5:10

Intte qasse inttena pirdason hanqizaade ixxeeta; tumu haasayzaadekka kadheeta.

ኣሞጼ ቲንቢቴ 5:7

Intteno pirda geellasizaytoo! Tumakka gede wordon laammizayto inttes aayye ana!

ኣሞጼ ቲንቢቴ 8:4

Intteno metotida asa qohizaytoo! Qasse manqota biittafe dhayssana koyzaytoo! Hayssa siyite!

ሚኪያሳ ቲንቢቴ 3:11

Kaaleththizayti matta7es pirdeettes; qeeseti miishsha gishshas tamaarseettes; Nabetikka miishshe mida gishshas yooteettes. Hessa ubbaa ooththidikka, «Xoossi nu giddon dees gidennee? Ay iitaykka nu bolla gakkenna» gishe Xoossan ceeqeteettes.

ሚኪያሳ ቲንቢቴ 7:3

Iza kushey iita ooththanaas tamaardes; dere heemmizaadey kushe genththo koyees; pirdiza daannayka matta7e ekkees; wolqqamati bana koshshidaazi ooththeettes; wurikka issi bolla duulateettes.

ሚልካሳ ቲንቢቴ 3:5

«Hessa gishshas ta intteko pirdana yaana; muurennizayta, laymatizayta, wordo markka markkattizayta, wordo caaqo caaqqizayta, ooso oosisidi miishsha diggizayta, am7etanne yi7o nayta dechchizayta, bete asatas pirda tuccizayta, taas babbonttayta bolla markkattanaas ta ellesays» gees Ubbaafe Wolqqama GODAA Xoossay.

ሃዋሬታ ኦሶ 7:52

Nabetappe intte Aawati gooddontta nabey oonee? Xilloza Yohannisa kaseti yootida nabetakka wodhida; intteka ha7i iza aaththi immidetanne wodhideta.

ዛሬ ማጻፋ 16:18

Intte zareti ubbay GODAA intte Xoossay immiza katamatan ubbaan intte daannatanne halaqata sunththite; isttika asaas xillo pirda pirdetto.

ዛሬ ማጻፋ 31:21

Daro metoynne bashshi istta bolla gakkiza wode ha yeththay istta nayta doonappe kichchenna gishshas istta bolla markka gidana. Gaasoykka tani caaqqida biittaa istta buro gelththontta dashe haarakka istti qoppiza qofaa eraychchadis» gides.

ያቆቤ ኪታ 5:4

Intte intte wozinan woththite; intte kath maxishe peydaytas istta wolqqa waagaa intte qanxxontta aggida gishshas intte bolla waassishe intte achchan deettes. Kath maxizayta waasoy ubba dandayza Godaa hayththan gakkides.

ያቆቤ ኪታ 5:6

Intte inttenara eqettontta xillo asata bolla wordo woththidi wodhideta.

ኡሩቲ ማጻፋ 4:1

Boo7eezey katamaa penge achchan diza dubbushaa kezidi heen uttides. Izi utti dishin izi kase iza gishshas yootida laata dabboy heera aadhdhizayssa be7idi, «Ta ishawu! Haa simmada hayssan utta» giin addezi simmidi uttides.

1ሳሜላ ማጻፋ 8:3

Gido attiin nayti bantta aawa oge kaallibeettenna; bessontta go7a demmanaas gishe ogeppe kezida; maganxo ekkidi pirda geellasida.