ኣሞጼ ቲንቢቴ 4:9 - Geeshsha Maxaafa

⁹ «Intte kaththa melissiza harge ta kiittadis; intte intte atakiltenne woyne miththata, balasenne wogara miththata ubbaa booley mides; gido attiin intte haa taakko simmibeekketa» gees.

ጋሞ ማጻፋ

⁹ «ኢንቴ ካ ሜሊሲዛ ሃርጌ ታ ኪታዲስ፤ ኢንቴ ኢንቴ ኣታኪልቴኔ ዎይኔ ሚታ፥ ባላሴኔ ዎጋራ ሚታ ኡባ ቦሌይ ሚዴስ፤ ጊዶ ኣቲን ኢንቴ ሃ ታኮ ሲሚቤኬታ» ጌስ።

ኣሞጼ ቲንቢቴ 4:9 ပူးပေါင်းရင်းမြစ်များ

1ካዎታ ማጻፋ 8:37

«Biittaa bollan koshay woykko iita hargey, woykko kutul7ey shocikko woykko qooykko, woykko booley, woykko gumbaroy biitta bollan yiikko, woykko morkkey istta katamata dooddiko, woykko ay bashshika woykko hargey yiikko,

2ታሪኬ ማጻፋ 6:28

«Biittaa bollan koshay woykko iita hargey yiikko, woykko kaththaa lobey, woykko kutul7ey, woykko booley, woykko gumbaroy bashshiko, woykko morkkey istta katamata dooddiko, woykko ay mala daafay woykko hargey yiikko,

ኢሳያሳ ቲንቢቴ 1:5

Makkalla bolla makkalla gujjidi intte ays zaari zaari qaxxayetteetii? Intte hu7ey mule sakettides; intte wozinaykka daaburdes.

ኢሳያሳ ቲንቢቴ 50:11

Ha7i gidikko intte tama eeththidi, laciza intte xomppe xomppe oykkida ubbati intte poo7on biite; intte oyththida xomppe poo7on simerettite; Intte ta kusheppe ekkanayssi hayssa; intte iita meton kundana.

ኢሳያሳ ቲንቢቴ 9:12

Arshey mokkiza baggafe Aaraame biittaa asatinne arshey wulliza baggafe Filisxeeme biitta asati bantta doona hangidi Isra7eele mittana. Hessi ubbay haniinkka GODAA hanqoy irxxibeenna; iza kusheykka dendidasoppe simmibeenna.

ኤርማሳ ቲንቢቴ 3:10

Hessan ubbaankka izi michchiya, ammanettontta Yuhuday coo simmidaa misatawusife attiin kumeththa wozinappe taakko simmabeekku» gides.

ኤርማሳ ቲንቢቴ 5:3

Abeet GODAWU! Ne ayfeti tumaa xeelettennee? Neni istta shocadasa shin istta sakkibeenna. Neni istta kinchchereththadasa; gido attiin istti simmibeettenna; istti bantta wozina shuchchafe aaththi minththida; bantta nagarappeka simmontta ixxida.

ሆሴኤ ቲንቢቴ 11:5

«Histtiin istti maaroteththan gelontta gishshas duge Gibxe simmettennee? Asoorey istta haarennee?

ኢዩኤሌ ቲንቢቴ 1:4

Gondoy mishin attida kaththaa biitta maate booley mides; izappe attidayssa uusho carkoththo shociza di7o mala booley dhayssides; izappe attidayssa qasse gumbaroy mides.

ኢዩኤሌ ቲንቢቴ 1:7

Ta woyne miththa ayfeza mulera dhayssides; balase geetettiza miththa ubbaa menththereththides; miththa haggati mulera booxxana gakkanaas poqoza mulera poqqi denththichides.

ኢዩኤሌ ቲንቢቴ 2:25

Hayssafe kase wolqqama olanchcha misatiza ta yeddida uusho carkoththo shociza booleti, gumbarotinne gondoti, kase mida kaththaa gishshas ta inttes zaara immana.

ኣሞጼ ቲንቢቴ 4:6

«Inttes doonan baadhana kaththara ta dhayssada intte katamatan ubbaan kosha yeddadis. Intte gidikko haa taakko simmibeekketa.

ኣሞጼ ቲንቢቴ 4:8

Asay haath uyanaas koyishe ha katamappe he katama bides; gido attiin baas gidiza haaththe demmontta aggida gishshas uyidi alanaas dandaybeettenna; intteka taakko simmibeekketa.

ኢምባቆ ቲንቢቴ 3:17

Balase geetettiza miththay ayfontta aggikokka woyne miththafe ayfey beettontta aggiko wogara miththika ayfontta aggiko goshsha gadey kath immontta aggiko Dorsi yiren dontta aggikokka Miizi zedhen dontta aggikokka

ሃጌ ቲንቢቴ 2:17

Tani intte kushey ooththidaaz wursa kutul7en, qooshshaninne shachchan dhayssadis; gidikkoka intte qasse ha taakko simmibeekketa.

ሚልካሳ ቲንቢቴ 3:11

Ta intte gishshas intte biittan mokkiza kaththa qohiza miishshati intte kath montta mala ta hanqana; intte kaththayka meetettenna; intte gade giddon intte tokkida woyne miththay ayfey baynda coo mela deenna;

ዛሬ ማጻፋ 28:22

GODAY nena gilqateththan, mishoninne qoxon, madunththan, xuuggiza awaninne koshan nena dhayssana; ne kaththaa dhayssanaas kutul7enne lobe ne bolla yeddana.

ዛሬ ማጻፋ 28:42

Ne gaden diza miththaanne kaththaa ubbaa booley maana.