ኣሞጼ ቲንቢቴ 4:6 - Geeshsha Maxaafa

⁶ «Inttes doonan baadhana kaththara ta dhayssada intte katamatan ubbaan kosha yeddadis. Intte gidikko haa taakko simmibeekketa.

ጋሞ ማጻፋ

⁶ «ኢንቴስ ዶናን ባና ካራ ታ ይሳዳ ኢንቴ ካታማታን ኡባን ኮሻ ዬዳዲስ። ኢንቴ ጊዲኮ ሃ ታኮ ሲሚቤኬታ።

ኣሞጼ ቲንቢቴ 4:6 ပူးပေါင်းရင်းမြစ်များ

1ካዎታ ማጻፋ 17:1

Gala7aaden Tesibe geetettizasoppe yida nabe Eelaasi kawo Akaabes, «Tani izas ooththiza GODAA Isra7eele Xoossay beyiin hayssafe yaana layththatan tani yootontta dishin sa7an iray bukkenna woykko xaazaykka xaazatenna» gides.

1ካዎታ ማጻፋ 18:2

Histtiin Eelaasi Akaabes beettanaas dendi bides. He wode Samaariyan wolqqama koshay dees.

2ካዎታ ማጻፋ 4:38

Elssa7i aggi Gelgela simmides; He derezan koshay dees. Nabeta maabaray iza sinththi shiiqi dishin Elssa7i ba oosanchchaza, «Wogga distte tama bolla woththada hayssa asaas woxe kaththa» gides.

2ካዎታ ማጻፋ 8:1

He wode kase Elssa7i izi naaza hayqoppe denththida maccassays Xoossi, «Ha biitta bolla laappun layththa koshay dendana mala GODAY qachchida gishshas neni denda; he wodey aadhdhana gakkanaas neso asaara ne daanaso baashsha» gides.

2ታሪኬ ማጻፋ 28:22

Kawo Akaazey metotida wode GODAAS ammanettanayssa aggi aggi bides.

ኢሳያሳ ቲንቢቴ 26:11

Abeet GODAWU! Ne qesey dhoqqu dhoqqu gides. Istti gidikko be7ettenna; Ne asaas ne mishettizayssa be7ettonne yeellatetto; Ne morkketas giigida tamay istta mo.

ኢሳያሳ ቲንቢቴ 3:1

Be7ite, GODAY Ubbaafe Wolqqama GODAY asas koshshiza kath, haaththinne maado ubbaa Yerusalaameppenne Yuhudappe diggana.

ኢሳያሳ ቲንቢቴ 9:12

Arshey mokkiza baggafe Aaraame biittaa asatinne arshey wulliza baggafe Filisxeeme biitta asati bantta doona hangidi Isra7eele mittana. Hessi ubbay haniinkka GODAA hanqoy irxxibeenna; iza kusheykka dendidasoppe simmibeenna.

ኢሳያሳ ቲንቢቴ 9:13

Derezi gidikko bana shocida GODAAKKO simmibeenna; Ubbaafe Wolqqama GODAAKKA koyibeenna.

ኤርማሳ ቲንቢቴ 14:18

Tani gaxare biikko, mashshan hayqqidayta be7ays; katama gelikko koshay wursidayta be7ays. Nabetinne qeeseti ba erontta dere baqatida› gees GODAY» gides.

ኤርማሳ ቲንቢቴ 5:3

Abeet GODAWU! Ne ayfeti tumaa xeelettennee? Neni istta shocadasa shin istta sakkibeenna. Neni istta kinchchereththadasa; gido attiin istti simmibeettenna; istti bantta wozina shuchchafe aaththi minththida; bantta nagarappeka simmontta ixxida.

ሂዚቄላ ቲንቢቴ 14:21

«Ubbaa Haariza GODAY: tani asaanne mehe wodhanaas Yerusalaame bolla ta oyddu pirdata, mashsha, kosha, wora do7atanne iita harge yeddiza wode izi ay keena aadho iita miish gidandee!

ሂዚቄላ ቲንቢቴ 16:27

Hessa gishshas tani ta qese ne bolla denththada nees immiza go7atappe pacinchchadis; ne iita hanotappe dendidayssan, ne pokko ooson yeellatiza ne morkke Filisxeeme macca nayta amos aaththa immadis.

ሆሴኤ ቲንቢቴ 11:5

«Histtiin istti maaroteththan gelontta gishshas duge Gibxe simmettennee? Asoorey istta haarennee?

ሆሴኤ ቲንቢቴ 5:15

Istti ba bala eridi taakko simmana gakkanaas tani isttafe haakkana. Istta bolla metoy dariza wode istti tana minththi koyana» gees.

ኢዩኤሌ ቲንቢቴ 1:16

Kaththi nu sinththafe dhaydes; ufayssinne ilisi nu Xoossa Keeththafe mule dhaydes.

ሌዌታ ማጻፋ 26:23

« ‹Hayssi ha qixaatezi intte bolla gakkidaappe guyekka intte ta gizayssa siyontta ixxidi ta bolla intte eqeteth darssiko,

ሌዌታ ማጻፋ 26:26

Intte kaththaa tani dhayssiza wode tammu maccassati wuri issi bashen uukkana; izokka maka miishshan geeddari geeddari ekkana; intteka miidi kalleketa.

ሃጌ ቲንቢቴ 2:17

Tani intte kushey ooththidaaz wursa kutul7en, qooshshaninne shachchan dhayssadis; gidikkoka intte qasse ha taakko simmibeekketa.

ዛሬ ማጻፋ 28:38

Ne gaden ne daro kath zerana shin booley mishin attida guuththa kath shiishshana.

ዮሃኒሳ ኣጁታ 2:21

Iza maaroteththan gelana mala ta izis wode immadisishin iza gidikko ba laymateththaafe simmanaas koyabeekku.

ኡሩቲ ማጻፋ 1:1

Isra7eele biittaa daannati haariza wode he biittan koshay dendides. Histtiin issaadey ba machchonne nam7u attuma nayta ekkidi Yuhuda deren diza Beeteliheeme katamappe dendidi Mo7aabe biitta bides.