ኣሞጼ ቲንቢቴ 2:4 - Geeshsha Maxaafa

⁴ GODAY Yuhuda, «Yuhuda asay zaari zaaridi ooththida nagara gishshas ta istta qaxxayontta aggike; istti ta woga kadhida; ta azazotakka naagontta ixxida; kase istta aawati goynnida eeqa xoossata kaallidi istti balettida.

ጋሞ ማጻፋ

⁴ ጎዳይ ዩሁዳ፥ «ዩሁዳ ኣሳይ ዛሪ ዛሪዲ ኦዳ ናጋራ ጊሻስ ታ ኢስታ ቃጻዮንታ ኣጊኬ፤ ኢስቲ ታ ዎጋ ካዳ፤ ታ ኣዛዞታካ ናጎንታ ኢጺዳ፤ ካሴ ኢስታ ኣዋቲ ጎይኒዳ ኤቃ ጾሳታ ካሊዲ ኢስቲ ባሌቲዳ።

ኣሞጼ ቲንቢቴ 2:4 ပူးပေါင်းရင်းမြစ်များ

2ካዎታ ማጻፋ 17:19

Yuhuda qommoti gidikkoka kase Isra7eeleppe ekkida loseta kaallida attiin GODAA bantta Xoossa azazota naagibeettenna.

2ታሪኬ ማጻፋ 25:14

Amasiyaasi Eedoome asata wodhidi simmishe Seyre asaa eeqa xoossata misleta ekkidi yides; he misleta baas eeqa xoos histti essidi isttas goynnides; yarshoka shiishshides.

2ታሪኬ ማጻፋ 30:7

Intte eriza mala istti qidhes kezanaashe gakkanaas bantta aawata GODAAS ammanettontta ixxida intte aawata malanne intte ishata mala gidopite.

ናሂሚያ ማጻፋ 1:7

Neni ne aylle Muses immida azazozanne wogaza nuni naagontta aggida gishshas nena qohidos.

ናሂሚያ ማጻፋ 9:26

«Gido attiin istti ne bolla makkallida; ‹Ne qaalaska azazettoko› gida; ne wogaa siyokko giidi nees zokko zaarida; qasse istti neekko zaarana giidi seeri tamaarsida nabeta wodhida; ubba wode ne bolla cashsha qaala haasayda.

ኢሳያሳ ቲንቢቴ 28:15

Intte, «Nuni hayqora caaqettidos; duuforakka sigettidos; wordo nuus zempposonne qotettizaso ooththidos; wolqqama boshay pitti ekki bishe nuna bochchanaas dandayenna» gi otorettideta.

ኢሳያሳ ቲንቢቴ 44:20

Eeya wozinay iza baleththiin izi bidinth qam7ees; bana ashshana dandayenna; «Hayssi taas ushachcha kushen dizay wordo gidennee? gaanaas dandaybeenna.»

ኤርማሳ ቲንቢቴ 16:11

He wode neni isttas, ‹Kase intte aawati tana aggida gishshassa, istti eeqa xoossata kaallidi isttas ooththida gishshassinne goynnida gishshassa; tana aggi baqatidi ta wogaa naagontta ixxida gishshassa;

ኤርማሳ ቲንቢቴ 16:12

intte kase intte aawatappeka aadhdhida iita ooththida gishshassa; be7ite; intte issoy issoy intte wozina iitateththaa kaallideta; taaska azazettontta ixxideta.

ኤርማሳ ቲንቢቴ 17:27

Gido attiin intte Sambata gallassata dummasontta ixxidi sambata gallas tooho tookkidi Yerusalaame pengetara gelidi ta azazo menththiko tani Yerusalaame pengeta bolla izi miixata miza to7ontta tama ta eeththana» gides.

ኤርማሳ ቲንቢቴ 6:19

Biittayee siya! Istti ta qaala siyontta ixxida gishshassinne ta wogaakka kadhida gishshas tani deraa bolla istta iita qofaa mala bash ehana.

ኤርማሳ ቲንቢቴ 8:2

Histtidi istti siiqida, kiitettida, kaallida, zore oychchidanne goynnida arshe sinththan, agina sinththaninne salo xoolintteta ubbaa sinththan micettana. Istta meqeththay shiiqenna woykko moogettenna; gido attiin biitta bolla olettida buura mala gidana.

ኤርማሳ ቲንቢቴ 8:9

Aadho eranchchati yeellatana; istti kawuyananne woximaden oykettana. GODAA qaalara istti eqettichchiin isttas aaza erateththi dizee?

ኤርማሳ ቲንቢቴ 9:14

Histtidi istti bantta wozina muumeteththan biidi bantta aawati tamaarsida malakka Ba7aale geetettiza eeqa xoossa kaallida» gides.

ሂዚቄላ ቲንቢቴ 13:22

Tani qohontta xilloza intte wordora ceecissida gishshas, nagaranchchay ba iita ogeppe simmidi ba shemppo ashshontta mala intte iza iza nagaran minththeththideta.

ሂዚቄላ ቲንቢቴ 20:13

«Gido attiin Isra7eele asay bazzo biittan ta bolla makkallida. Asi naagidaakko shemppora paxa woththiza ta wogaa naagibeettenna; ta maaraa menththida; ta Sambataakka mulera tunisida. Histtiin tani ta hanqo istta bolla gussada bazzo biittan istta dhayssanaas qachchadis.

ሂዚቄላ ቲንቢቴ 20:16

Gaasoykka istti ta wogaa menththida; ta isttas immida maaraakka naagibeettenna; ta Sambataakka tunisida; istta wozinay istta eeqa xoossatara oykettides.

ሂዚቄላ ቲንቢቴ 20:18

Bazzo biittan istta naytas, ‹Kase intte aawata maara kaallofte; istta wogaakka naagopite; inttena istta eeqa xoossatan tunisopite.

ሂዚቄላ ቲንቢቴ 20:24

Gaasoykka istti maara kadhida; ta wogaa naagibeettenna; ta Sambata tunisida; istta ayfey istta aawata eeqa xoossatara shiddides.

ሂዚቄላ ቲንቢቴ 20:30

Hessa gishshas, «Ubbaa Haariza GODAY Isra7eele asaas, ‹Intte aawati ooththida mala inttenikka inttenateththaa tuniseetii? Tunida istta eeqa misleta amoteththan ays xuugeteetii?

ሂዚቄላ ቲንቢቴ 22:28

Izi nabeti goda aannon tiyiza mala wordo ajjuutaninne muurennon isttas buuri shiishsheettes; isttas GODAY yootontta dishin, ‹Ubbaa Haariza GODAY hayssa mala gees› geettes.

ሂዚቄላ ቲንቢቴ 22:8

Geeshsha miishshata tayta kawushshadasa; ta Sambatatakka tunisadasa.

ሆሴኤ ቲንቢቴ 12:2

GODAY Yuhuda deraa bolla shiishshiza mootoy dees; izi Yaaqoobe iza hanota mala qaxxayana. Iza ooso mala izas immana.

ሆሴኤ ቲንቢቴ 12:3

Yaaqoobey buro ba aayey ulon dishe ba isha toho qirphe oykkides; Asa zawa gakkidaappe guye oossara baaxetides.

ሆሴኤ ቲንቢቴ 6:11

«Intteno Yuhuda asatoo! Ta inttena qaxxayana gallas bara woththadis.

ኣሞጼ ቲንቢቴ 1:3

GODAY Aaraames, «Damasqo asay zaari zaaridi ooththida nagara gishshas ta istta qaxxayontta aggike; istti Gala7aade asaa birata achchara diza kath bukkiza lodan bukkida.

ኣሞጼ ቲንቢቴ 3:2

Xoossay, «Kumeththa alamen diza dere ubbaafe ta inttena xalla dooradis; intte ooththiza nagara ubbaa gishshas ta inttena qaxxayays» gees.

ሚኪያሳ ቲንቢቴ 6:12

Izi deren dure asati as qohizaadentta; izin diza asay wordanchcha xalla; istta inxarsay baleththiza inxarsa.

ኢምባቆ ቲንቢቴ 2:18

«Asa kushey massi giigsida eeqanne wordo haasayza misles ay go7ay dizee? Histtiin iza ooththidaadey barkka ba ooson ammanettiza gishshassinne isttika haasayanaas dandayontta eeqa ooththiza gishshassa.

ኦሮሜ ኣሳስ 1:25

Istti Xoossa tumateth wordon laammida; medhdhida Xoossaa aggidi medheteththas goynnidanne isttas ooththida; medhdhida Xoossi izi mernaas galatettidayssa. Amiin.

1ታሶሎንቄ ኣሳስ 4:8

Hessa gishshas hayssa ha zoreza kadhidi ekkonttaadey Xillo Ayana izas immida Xoossaa kadhees attiin as kadhizaade gidenna.

1ጴጽሮሳ ኪታ 1:18

Intte kase intte aawatappe laattida hada duussaafe wozzettiday dhayza biran woykko worqqan gidonttayssa intte ereeta.

ዳናታ ማጻፋ 10:6

Isra7eele asay GODAA sinththan qasseka iita miish ooththides; istti Ba7aalenne Astaroote geetettiza eeqa xoossatassinne Aaraame xoossatas, Sidoona xoossatas, Mo7aabe xoossatas, Amoone dere eeqa xoossatassinne Filisxeeme xoossatas goynnida. Istti bantta GODAAS goynnizayssa aggida.