ኣሞጼ ቲንቢቴ 1:3 - Geeshsha Maxaafa

³ GODAY Aaraames, «Damasqo asay zaari zaaridi ooththida nagara gishshas ta istta qaxxayontta aggike; istti Gala7aade asaa birata achchara diza kath bukkiza lodan bukkida.

ጋሞ ማጻፋ

³ ጎዳይ ኣራሜስ፥ «ዳማስቆ ኣሳይ ዛሪ ዛሪዲ ኦዳ ናጋራ ጊሻስ ታ ኢስታ ቃጻዮንታ ኣጊኬ፤ ኢስቲ ጋላኣዴ ኣሳ ቢራታ ኣቻራ ዲዛ ካ ቡኪዛ ሎዳን ቡኪዳ።

ኣሞጼ ቲንቢቴ 1:3 ပူးပေါင်းရင်းမြစ်များ

1ካዎታ ማጻፋ 19:17

Azaheele mashshafe kessi ekki attidayssa Iyuy wodhana; qasse Iyu mashshafe kessi ekki attidayssa Elssa7i wodhana.

2ካዎታ ማጻፋ 13:3

GODAA hanqoy Isra7eele bolla tama mala eexxides; hessa gishshas Aaraame kawo Azaheeleynne iza naa Beeni-Hadaadey diza wode ubbaan GODAY Isra7eeleta istta kushen aaththi immides.

2ካዎታ ማጻፋ 13:7

Iyo7akaaze ola asappe 50 toga asati, tammu para-gaaretinne 10,000 wottadarati xalla attida; hayssi haniday Aaraame kawoy attidayta ubbaa dippi histti dhayssidi baleppe ke7iza suulla mala ooththida gishshassa.

2ካዎታ ማጻፋ 16:9

Asoore kawozikka Akaazey iza woossida woosa Ero gi ekkidi Damasqo xooni oykkides. Asaakka di7i ekkidi Qiire geetettizasoho efidessinne Eraasoonekka wodhides.

2ካዎታ ማጻፋ 8:12

Azaheeleykka, «Ta goday ays yeekkizee?» gi oychchides. Elssa7ikka zaaridi izas, «Neni Isra7eele asaa bolla gaththana qohoza ta eriza gishshas yeekkays; ne istta miixata taman xuuggana; istta naateththa naytakka mashshan wodhana; isttas qeeri naytakka biitta bolla dinccereththana; shaara maccassata ulo ne daakkana» gides.

ኢዮቤ ማጻፋ 19:3

Hekko intte tana tammuto cayeeta; tana kawushshishekka yeellatekketa.

ኢዮቤ ማጻፋ 5:19

Usuppun qommo boshappe nena ashshi ekkana; laappunththazanka ay qohoykka ne bolla gakkenna.

ሌሚሶ ማጻፋ 6:16

GODAY ixxiza usuppun yo7oti deettes; laappunththaza keehi harasettees.

ኤራንቻታ ማጻፋ 11:2

Nees diza aqo laappun woykko osppun sohon shaakereththa woththa; ays giikko biitta bolla ay iitay yaanaakko neni erakka.

ኢሳያሳ ቲንቢቴ 28:27

Aasutay lodan bukettenna; aanugay para-gaaren bukettenna; aasutay guufen, aanugay qeeri lodan bukettees.

ኢሳያሳ ቲንቢቴ 41:15

Be7a tani nena oorath, qaranne achchara diza kath bukkiza loda ooththana; neni zumata goya liiqisana; zumbullatakka yedhdha happa kessana.

ኢሳያሳ ቲንቢቴ 7:16

Gido attiin naazi iitanne lo7o shaakki eranaappe sinththan neni keehi yayyida nam7u kawota biittati aykkoy baynda bula gidana.

ኢሳያሳ ቲንቢቴ 7:8

Gaasoykka Damasqoy Aaraame biittas hu7e; kawo Eraasooney Damasqos hu7e. Usuppun tamman ichchash layththa garsan Efreeme derey laalettana; simmidi dere gidana dandayenna.

ኢሳያሳ ቲንቢቴ 8:4

Naazi, ‹Aabboo! Aayee!› gi xeys eranaappe kase Asoore biitta kawoy Samaariyanne Damasqo aqota di7i efana» gides.

ኣሞጼ ቲንቢቴ 1:11

GODAY Eedoomes, «Eedoome asay zaari zaaridi ooththida nagara gishshas ta istta qaxxayontta aggike; istti ba ishata Isra7eele naytas qadhettontta mashshan gooddida; ba hanqo doshisontta eexxidi isttas mishettontta ubbaa dippi histtida.

ኣሞጼ ቲንቢቴ 1:13

GODAY Amoones, «Amoone asay zaari zaaridi ooththida nagara gishshas ta istta qaxxayontta aggike; istti dere zawa aassanaas Gala7aade dere shaara maccassata ulo daakkida.

ኣሞጼ ቲንቢቴ 1:6

GODAY Filisxeemes, «Gaaza asay zaari zaaridi ooththida nagara gishshas ta istta qaxxayontta aggike; istta dereza ubbaa di7i efidi Eedoomes bayzida.

ኣሞጼ ቲንቢቴ 1:9

GODAY Xirooses, «Xiroose asay zaari zaaridi ooththida nagaraa gishshas ta istta qaxxayontta aggike; istti ba ishateththa caaqo qaala laallidi ba di7ida dereza ubbaa Eedoomes bayzida.

ኣሞጼ ቲንቢቴ 2:1

GODAY Mo7aabes, «Mo7aabe asay zaari zaaridi ooththida nagara gishshas ta istta qaxxayontta aggike; istti Eedoome kawo meqeththi Bidinth gidana gakkanaas xuuggida.

ኣሞጼ ቲንቢቴ 2:4

GODAY Yuhuda, «Yuhuda asay zaari zaaridi ooththida nagara gishshas ta istta qaxxayontta aggike; istti ta woga kadhida; ta azazotakka naagontta ixxida; kase istta aawati goynnida eeqa xoossata kaallidi istti balettida.

ኣሞጼ ቲንቢቴ 2:6

GODAY Isra7eeles, «Isra7eele asay zaari zaaridi ooththida nagara gishshas ta istta qaxxayontta aggike. Xillo asata biras, metotidayssa toho caammas bayzida.

ዛካራሳ ቲንቢቴ 9:1

Isra7eele asa ubbaa ayfey pude GODAAKKO xeellees; hessa gishshas GODAY kase yooti woththida mala Sedireeke bollanne Damasqo bolla pirdana.

ዛካራሳ ቲንቢቴ 9:2

Ha pirdazikka Damasqo zawan diza Hamaate bolla, aadho erateththi diza Xiroose katamata bollanne Sidoona katamata bolla gakkana.