ሃዋሬታ ኦሶ 17:24 - Geeshsha Maxaafa

²⁴ Hayssa alamezanne iza giddonkka dizayssa ubbaa medhdhida Xoossi izi salonne sa7a Godaa; hessa gishshas izi asa kushen keexettida keeththan deenna.

ጋሞ ማጻፋ

²⁴ ሃይሳ ኣላሜዛኔ ኢዛ ጊዶንካ ዲዛይሳ ኡባ ሜዳ ጾሲ ኢዚ ሳሎኔ ሳኣ ጎዳ፤ ሄሳ ጊሻስ ኢዚ ኣሳ ኩሼን ኬጼቲዳ ኬን ዴና።

Gamo Geesha Maxxafa New Testamen

²⁴ Hayssa allamezane iza gidoon diza wursii medhdhida Xoossi izi salone sa7a Goda. Hessa gish izi asa kushshen kexxetida keeththan deena.

ሃዋሬታ ኦሶ 17:24 ပူးပေါင်းရင်းမြစ်များ

ሜቴ ማጻፋ 1:1

Xoossi koyro salonne sa7a medhdhides.

ሜቴ ማጻፋ 14:19

Izi Abraame hizgi anjjides; «Ubbaafe Dhoqqa Xoossi salonne sa7a medhdhidayssi Abraame anjjo.

ሜቴ ማጻፋ 14:22

Gido attiin Abraamey Sodoome kawo, «Tani GODAAS, Ubbaafe Dhoqqa Xoossaas, salonne sa7a medhdhidayssas, ta kushe denththada caaqqaychchadis.

1ካዎታ ማጻፋ 8:27

«Tumappe Xoossi sa7a bolla de7i erizee? Be7a saloy, salotappe bollan diza saloykka nena oykkana dandayenna; histtiin hayssi ta keexxida Xoossa Keeththay nees ay gidanee!

2ካዎታ ማጻፋ 19:15

Hessafe guye Hizqiyaasi GODAAKKO, «Kirube bolla ne araatan uttida GODAA Isra7eele Xoossoo! Biitta bolla diza ubbaa bolla Xoossi nena; salonne sa7a medhdhiday nena.

2ታሪኬ ማጻፋ 2:6

Gido attiin saloynne saloppe bollara diza salota dhoqqateththi iza ekkenna; histtiin izas keeth keexxanaas dandayzay oonee? Iza sinththan exaane cuwasizasoppe attiin izas keeth keexxanaas tani oonee?

2ታሪኬ ማጻፋ 6:18

«Gido attiin Xoossay tumappe asara issife ha sa7an de7anee? Be7a, saloti, salotappe bollan de7iza salotikka nena oykkanaas dandayettenna. Histtiin hayssi tani keexxida Xoossa Keeththay nees ay keena guuxxandeeshaa!

ዬ ማጻፋ 115:16

Saloti Xoossassa; gido attiin sa7a asa naytas immides.

ዬ ማጻፋ 146:5

Yaaqoobe Xoossay maaddiza asi ba hidotakka ba GODAA bolla woththida asi anjjettidaade.

ዬ ማጻፋ 148:13

Iza sunththi ubbaa bolla dhoqqa; iza bonchchoy sa7appenne saloppe bolla; hessa gishshas hayti ubbay iza sunth galatetto.

ዬ ማጻፋ 24:1

Sa7aynne sa7an kumida ubbay GODAASSA; salo gufanththon diza ubbay Xoossassa.

ኢሳያሳ ቲንቢቴ 40:12

Haaththata ba kushe kuphphen makkiday, salota tadhdhakiday, baana daachchon makki oykkiday, zumata ba meezaanen, zumbullatakka meezaanen woththiday oonee?

ኢሳያሳ ቲንቢቴ 40:28

Ne erabeekkii? Ne siyabeekkii? GODAY mernaa Xoossa; izi biittaa ubbaaka medhdhidayssa. Izi daaburenna; azallenna; iza akeekaykka oonankka pilggettenna.

ኢሳያሳ ቲንቢቴ 42:5

Salota medhdhiday, istta miccidaykka, sa7anne izin diza ubbaa giigsiday, ba deres peeno izin de7iza asatas shemppo immiza GODAA Xoossay,

ኢሳያሳ ቲንቢቴ 45:18

Salota medhdhiday izi GODAA; biitta giigsidi medhdhiday, sa7as yoch yeggiday, iza asa duussaso gidana mala attiin coo mela woththanaas medhdhontta GODAY, Tani GODAA; taappe haray deenna.

ኢሳያሳ ቲንቢቴ 66:1

GODAY, «Saloy taas araata; sa7aykka taas yedhdhizaso; histtiin intte taas keexxana keeththinne ta shemppana soy awayssee?

ኤርማሳ ቲንቢቴ 10:11

GODAY, «Intteka, ‹Heyti salonne sa7a medhdhontta xoossati sa7appenne salo garsafe dhayana› geeta» gees.

ኤርማሳ ቲንቢቴ 23:24

Tani be7ontta mala geemason qotetti attana asi dizee? Salonne sa7a kumiday tana gidikkinaa!» gees GODAY.

ኤርማሳ ቲንቢቴ 32:17

«Abeet Ubbaafe Wolqqama GODAWU! Neni salotanne sa7a ne gita wolqqaninne micettida ne kushen medhdhadasa; nena xooniza issi miishshika deenna.

ዳኔላ ቲንቢቴ 4:35

Biitta bolla diza dereti wurikka iza achchan qeeri uu7e mala; salon diza oosanchchata bollanne biitta bolla diza deraa bolla izi ba dosidaaz ooththees; iza shene digganaas dandayzaynne ‹Ne hayssa aazas ooththay?› gaanay oonikka deenna.

ዛካራሳ ቲንቢቴ 12:1

Salo miccida GODAY, sa7a medhdhida GODAY asa naytas de7o shemppo immida GODAY Isra7eele naytas yootida qaalay hayssafe kaallizayssa;

ሚልካሳ ቲንቢቴ 2:10

Nu wurikka issaade naa gidokkonii? Nuna medhdhiday issi Xoossa gidennee? Histtiin nu issoy issaas ammanettontta aggidi kase nu aawata caaqo aazas tunisizonii?

Maatosa 11:25

He wode Yesusi, «Salonne sa7a Godoo! Ta Aawawu! Hayssa daro eranchchatappenne cinccatappe qottada qeeri naytas ne qonccisida gishshas ta nena galatays.

Maatosa 5:34

Ta qasse inttena aykkoka caaqqofte gays; saloy Xoossas uttiza araata gidida gishshas salon caaqqofte.

ሉቃሳ ሚሺራቾ 10:21

He wode Yesusi Xillo Ayanan ufayettidi, «Salossinne sa7as Godaa gidida Aabboo! Hayssa wursaka aadho eranchchatappenne eranchchatappe qottada qeeri guuththa naytas ne qonccisida gishshas tani nena galatays; ee, ta Aawawu! Hayssi ne lo7o sheney hanides.

ዮሃኒሳ ሚሺራቾ 1:1

Qaalay kase koyro dees. Qaalaykka Xoossa achchan dees. He qaalaykka Xoossa.

ሃዋሬታ ኦሶ 14:15

«Hayto asatoo! Hayssa aazas ooththeetii? Nunikka intte mala asakko! Intteka qasse hayssa mela hada yo7oppe haakkidi salonne sa7a, abbaka, abbata giddon dizayta ubbaa medhdhida de7o Xoossaako intte simmana mala inttes mishiraachcho qaala sabbakoos.

ሃዋሬታ ኦሶ 4:24

Isttika hessa siyida mala ba qaala dhoqqu histtidi issife Xoossaako, «Wogga Godawu! Neni salonne sa7a, abbanne abba giddon dizayta wursa medhdhadasa.

ሃዋሬታ ኦሶ 7:48

«Gido attiin wogga Goday asa kushey keexxida keeththan deenna; hessika nabey kase Geeshsha maxaafan xaafida mala, « ‹Saloy ta uttiza alga; biittayka tani tohon yedhdhizaso; histtiin intte taas ay mala keeththe keexxeetii? Woykko ta shempanasoy awayssee? Hayssa ubbaa ta kushey ooththibeennee?› gees Godaa Xoossay.

ኦሮሜ ኣሳስ 1:19

Istti eranaas bessizaaz Xoossi ubbaa isttas qonccisida gishshas istti Xoos eranaas qoncce gidides.

ዛሬ ማጻፋ 10:14

Saloynne saloppe bollan diza saloti, biittaynne biitta bolla diza ubbay GODAASSA.

Ibirawe 1:2

Qasse hayssa wurseththa wode bolla wursi laatissidaadenne ha alameza medhdhida ba naaza baggara nuus yootides.

Ibirawe 3:4

Keeththe ubbaasikka keexxidaadey dees; gido attiin wursika ooththiday Xoossa.

ዮሃኒሳ ኣጁታ 20:11

Hessafe guye issi gita booththa alganne he algaa bolla uttidayssa beyadis; biittaynne saloy iza sinththafe baqatida shin istti biidi gelanasoy beettibeenna.