ሃዋሬታ ኦሶ 1:24 - Geeshsha Maxaafa

²⁴ «Godoo! Neni asa ubbaa wozina eraasa; hayta nam7ata giddofe ne oona dooridaakko izaade nuna bessa.

ጋሞ ማጻፋ

²⁴ «ጎዶ! ኔኒ ኣሳ ኡባ ዎዚና ኤራሳ፤ ሃይታ ናምኣታ ጊዶፌ ኔ ኦና ዶሪዳኮ ኢዛዴ ኑና ቤሳ።

Gamo Geesha Maxxafa New Testamen

²⁴ Hizzgi wossida “Godo! Ne asa wurso wozina errassa, hayta namm7ata giidofe ne oona doridakko issade nuna beessa.

ሃዋሬታ ኦሶ 1:24 ပူးပေါင်းရင်းမြစ်များ

1ካዎታ ማጻፋ 8:39

neni istta woosaa salon dashe siyada istta nagaraa atto ga; histtada isttas ooththa; neni xalla asa ubbaa wozina eriza gishshas izaade ooso ooso mala izas imma.

1ታሪኬ ማጻፋ 28:9

«Ta naa Solomoone, ne aawaa Xoossaa era! Neni kumeththa wozinaninne lo7o qofan izas ooththa; GODAY wozina ubbaa pilggi xeellees; giddo qofa ubbaa izi erees; neni iza koykko izi nees beettana; gido attiin ne iza aggizaa gidikko izikka nena mernaas aggaagana.

1ታሪኬ ማጻፋ 29:17

«Ta Xoossawu! Neni wozina pilgga xeellizayssanne suureteth dosizayssa tani erays; tani ta suure wozinaninne lo7o shenen hayssa ubbaa immadis; hayssan diza ne asaykka nees ba lo7o shenen immidi ufayettidayssa tani be7adis.

ዬ ማጻፋ 44:21

hayssa eroy Xoos xoonanee? Izi wozinan geemmi diza xuura ubbaa erees

ዬ ማጻፋ 7:9

Qofanne wozina pilgga eriza xillo Xoossawu! Iitata geneza neni dhayssa; gido attiin xillota saron naaga.

ሌሚሶ ማጻፋ 15:11

Duufoninne dhayo giddon dizayssi GODAA sinththan qoncce; histtiin asa wozina qofay waani izappe geemmanee?

ኤርማሳ ቲንቢቴ 11:20

Wozinanne kilaho paacca xeelliza Ubbaafe Wolqqama GODAWU! Ta yo7ota nees immadis; neni istta bolla halo kessishin ta beyana.

ኤርማሳ ቲንቢቴ 17:10

Tani GODAY as ubbaas iza oge malanne iza ooso mala immanaas asaa wozina pilggayssinne iza kaha paaccays» gees.

ኤርማሳ ቲንቢቴ 20:12

Abeet Ubbaafe Wolqqama GODAWU! xilloza paaccizayssoo! wozinanne kaha pilgga xeellizayssoo! tani ta mooto nees aaththa immida gishshas neni istta bolla halo kessishin ta ayfen be7anaas tana gaththa.

ታይቦ ማጻፋ 27:16

«As ubbaas de7o immida GODAWU! Hayssa deraa heemmiza as neni doora;

ሉቃሳ ሚሺራቾ 16:15

Yesusikka isttas, «Intte inttena asa achchan xilliseeta; gido attiin Xoossi intte wozina erees; asa achchan bonchchettidaadey Xoossa sinththan tuna» giidi yootides.

ዮሃኒሳ ሚሺራቾ 21:17

Heedzdzanththo, «Yoona naa Simoonaa! Ne tana dosay?» gides. Izi heedzdzanththo, «Ne tana dosay?» gida gishshas Phexroosi mishettidi, «Godoo! Ne ubbaa eraasa; ta nena dosizayssaka ne eraasa» gides; Yesusikka qasseka, «Ta dorsata heemma.

ሃዋሬታ ኦሶ 14:23

Hessafe guye dumma dumma Woosa Keeththatan cimata dooridaappe guye xoomaninne woosan ammanettida Godaas hadara aaththi immida.

ሃዋሬታ ኦሶ 15:8

Asa wozina eriza Xoossi nuus immidayssa mala isttaskka Xillo Ayana immidi istta baas ekkidayssa markkattides.

ሃዋሬታ ኦሶ 6:6

Heyta ehidi Hawaareta sinth shiishshida. Isttika ba kushe istta bolla woththidi isttas woossida.

ኦሮሜ ኣሳስ 8:27

Nu wozina paacci eriza Ayanay izi Ayana qofaa erees; gaasoykka Ayanay Xoossa shene mala ammaniza asaas nuus woossees.

Ibirawe 4:13

Xoossa ayfeppe geemettida medhetay mulekka deenna; nu izas nu gishshas zaaro immanaas bessiza iza sinththan hanoy wurikka kallo qonccen beettana.

ዮሃኒሳ ኣጁታ 2:23

Tani izi nayta hayqon qaxxayana; asa qofanne asa amo shaakka erizay tana gididayssa woosa keeththati wuri erana; tani inttes issaas issaas izaade ooso mala immana.

1ሳሜላ ማጻፋ 14:41

Histtiin Sa7ooli, «Taas suure zaaro imma» gi GODAA Isra7eele Xoossaako woossides; saamazi Sa7oole bollanne Yoonataane bolla wodhdhides; derezi xilli kezides.

1ሳሜላ ማጻፋ 16:7

Gido attiin GODAY Sameela, «Tani hayssa kadhida gishshas ne izas malaa woykko geesaa xeellofa; GODAY asi xeelliza mala xeellenna; asi kare bagga hanota be7ees; GODAY gidikko wozina xeellees» gides.