2ሳሜላ ማጻፋ 7:25 - Geeshsha Maxaafa

²⁵ «Ha7ikka GODAA Xoossawu, neni ne ayllezasinne iza keeththaas immida hidotaa mernaas naaga; ne yootida malakka pola;

ጋሞ ማጻፋ

²⁵ «ሃኢካ ጎዳ ጾሳዉ፥ ኔኒ ኔ ኣይሌዛሲኔ ኢዛ ኬስ ኢሚዳ ሂዶታ ሜርናስ ናጋ፤ ኔ ዮቲዳ ማላካ ፖላ፤

2ሳሜላ ማጻፋ 7:25 ပူးပေါင်းရင်းမြစ်များ

ሜቴ ማጻፋ 32:12

Gido attiin neni tana, ‹Tani nees tumu lo7o ooththana; tani ne zereththay taybettanaas dandayettontta abba shaamintta mala ooththana› gidayssa qoppa» gi woossides.

2ሳሜላ ማጻፋ 7:24

Ne dereza Isra7eele mernaas nees buzo dere ooththada minththadasa; GODAWU, ne iza Xoos gidadasa.

2ሳሜላ ማጻፋ 7:26

hessa gishshas ne sunththi mernaas gita gidana; asaykka, ‹Ubbaafe Wolqqama GODAY Isra7eele Xoossaa› gaana. Ne aylle Dawite keeththay ne sinththan mino gidana.

1ካዎታ ማጻፋ 2:4

GODAY taas, ‹Ne zereththati bantta oge naagikko, ta sinththan bantta kumeththa wozinappenne bantta kumeththa shemppofe ammanettidi hemettiko ne zereththafe Isra7eele kawota araatan uttiza as mulekka dhayssike› gida hidota qaala polana.

1ካዎታ ማጻፋ 8:26

Ha7ikka abeet Isra7eele Xoossawu! Neni ne ashkaraas ta aawa Dawites immida hidota qaalay poletto.

2ታሪኬ ማጻፋ 6:17

Abeet GODAWU, Isra7eele Xoossawu! Neni ne aylle Dawites immida hidota qaalay ha7ikka poletto.

ዬ ማጻፋ 119:38

Nees yayyana mala ne gelida qaala taas ne ayllezas pola.

ዬ ማጻፋ 119:49

Neni taas ne ayllezas immida qaala qoppa; hessa gishshas tani he qaalan hidota ooththays.

ሂዚቄላ ቲንቢቴ 36:37

«Ubbaa Haariza GODAY, ‹Qasseka Isra7eele asaa woosa ta ero ga siyana; izakka ta isttas polana; histtada istta qooda wude mala corasana.

1ሳሜላ ማጻፋ 1:23

Izi azina Hilqaanaykka izis, «Nees lo7o misati beettidayssa ooththa; ne dhanththi duuththanaashe gakkanaas hayssan takka; Xoossi nees immida hidota qaalaa xalla polo» gides; hessa gishshas Haannay yidhaza dhanth duuththanaashe gakkanaas bason uttadus.