2ሳሜላ ማጻፋ 7:21 - Geeshsha Maxaafa

²¹ Ne qaalaza gishshassinne ne wozina qofa mala ne hayssa gita miish ooththadasa; ne ayllezi erana mala qonccisadasa.

ጋሞ ማጻፋ

²¹ ኔ ቃላዛ ጊሻሲኔ ኔ ዎዚና ቆፋ ማላ ኔ ሃይሳ ጊታ ሚሽ ኦዳሳ፤ ኔ ኣይሌዚ ኤራና ማላ ቆንጪሳዳሳ።

2ሳሜላ ማጻፋ 7:21 ပူးပေါင်းရင်းမြစ်များ

1ታሪኬ ማጻፋ 17:19

Abeet GODAWU! Ne aylleza gishshas ne wozina qofaa mala ha gita miishshata ubbaa ooththada ha gitateththaa ubbaa tana erisadasa.

ዬ ማጻፋ 115:1

Abeet GODAWU! Nu gishshas gidontta ne siiqo gishshassinne ne ammaneteththa gishshas ne sunththaa bonchcha.

ዬ ማጻፋ 138:2

Ne geeshsha Keeththakko simmada nena goynnays; ne siiqo gishshassinne ne ammaneteththa gishshas tani ne sunththa sabbays; neni ne sunththaanne ne qaala ubbaafe aaththada dhoqqu histtadasa.

ታይቦ ማጻፋ 23:19

Xoossi asa mala wordotenna; iza qofay asa qofa mala laamettenna; izi ba immida hidota ubbaa polees; izi ba yootida ubbaa ooththees.

Maatosa 11:26

Ta Aawawu! Ee hayssi ne sinththan lo7o ne shene gidi beettides.

Maatosa 24:35

Saloynne sa7ay aadhdhana shin ta qaalay gidikko mulekka aadhdhenna.

ሉቃሳ ሚሺራቾ 1:72

Hayssa izi ooththiday nu aawatas ba maaroteth bessanaassa, ba geeshsha caaqoza yuushshi qoppanaassa.

ሉቃሳ ሚሺራቾ 10:21

He wode Yesusi Xillo Ayanan ufayettidi, «Salossinne sa7as Godaa gidida Aabboo! Hayssa wursaka aadho eranchchatappenne eranchchatappe qottada qeeri guuththa naytas ne qonccisida gishshas tani nena galatays; ee, ta Aawawu! Hayssi ne lo7o sheney hanides.

ሉቃሳ ሚሺራቾ 12:32

«Intteno guuththa wude mehe mala gididaytoo! Kawoteth inttes immanaas intte Aawaas lo7o qofa gidida gishshas babbofte.

1ቆሮንቶሴ ኣሳስ 1:1

Xoossa shenen Yesus Kirstoosas kiitettanaas xeygettida Phawuloosappenne nu ishaa Sostineeseppe,

ኤፌሶኔ ኣሳስ 1:9

Xoossi qoppida ba xuura qofaa Kirstoosa baggara ba lo7o qofaa mala nuna erisides.

ኤፌሶኔ ኣሳስ 3:11

Xoossi nu Godaa Yesus Kirstoosa baggara hayssa poliday ba mernaa qofaa mala.

ኤፌሶኔ ኣሳስ 4:32

Inttena Xoossi Kirstoosa baggara atto gida mala intteka intte garsan atto atto geetettite; issoy issaara kiyatanne issoy issaas qadhettizayta gidite.

ዛሬ ማጻፋ 9:5

Intte istta biittaa laattana mala GODAA intte Xoossay isttas aaththi immizay intte xillonne suure ooththida gishshas gidenna; istti iitata gidida gishshassinne Xoossay kase intte aawatas Abrahaames, Yisaaqassinne Yaaqoobes immida hidota qaalaa naaganaas koyida gishshas istta shoddi gooddana.