2ሳሜላ ማጻፋ 7:10 - Geeshsha Maxaafa

¹⁰ Izas buzo duussasoy daana mala hayssafe qaaxxontta mala ta dere Isra7eeles soho immananne minththana. Hayssafe kase hanida mala hayssafe guye iita derey istta un7eththenna.

ጋሞ ማጻፋ

¹⁰ ኢዛስ ቡዞ ዱሳሶይ ዳና ማላ ሃይሳፌ ቃጾንታ ማላ ታ ዴሬ ኢስራኤሌስ ሶሆ ኢማናኔ ሚንና። ሃይሳፌ ካሴ ሃኒዳ ማላ ሃይሳፌ ጉዬ ኢታ ዴሬይ ኢስታ ኡንኤና።

2ሳሜላ ማጻፋ 7:10 ပူးပေါင်းရင်းမြစ်များ

2ካዎታ ማጻፋ 21:8

Gidikkoka tani istta azazidayssa ubbaaka istti minni polettonne ta aylle Musey kase isttas immida wogaza istti poli naagetto attiin hayssafe guye Isra7eele asaa kase istta aawatas immida biittafe istti kezidi waayettana mala ta ooththike» gida qaalay hayssa ha sohoza gishshassa.

1ታሪኬ ማጻፋ 17:9

Tani ta asaa Isra7eeles daanasoho immana; isttas duussasoho immidaappe guye istti qaaxxontta mala ta ooththana; iita asati kase istta un7eththidayssaththo hayssafe guye istta un7eththettenna.

2ታሪኬ ማጻፋ 33:8

Tani Isra7eele asaa Muse baggara azazida azazo, woganne maara ubbaa istti naagi polikko tani istta aawatas immida biittafe istta toho shodissikke» gides.

ዬ ማጻፋ 44:2

Kawoteththata neni ne kushen goodda kessadasa; nu aawata istta biittan tokkadasa; deraa liiqisadasa; gido attiin ne kawoteththata aassadasa.

ዬ ማጻፋ 44:4

Ta Xoossawu ta kawoy nena; Yaaqoobe zereththaas xoono immiday Xoosso nena.

ዬ ማጻፋ 80:8

Neni Gibxeppe woyne ano ehadasa; kawoteththata yedeththada istta biittan izo tokkadasa.

ዬ ማጻፋ 80:9

Neni izis biittaa qeexa giigsadasa; histtiin xapho yeddada biitta ubbaa gakkadus.

ኬሳ ማጻፋ 1:22

Hessafe guye kawoy ba asaa ubbaa, «Ibraawetappe yelettiza adde naa ubbaa Nayle geetettiza Shaafa haaththan olite; gido attiin macca nay yelettiko paxa aggite» giidi azazides.

ኬሳ ማጻፋ 15:17

Neni istta ehada, nees buzo biittan diza zuma hu7en tokkana. Abeet Mernaa Godoo, he sohoy neni nees deyanaas ooththida sohokko. Abeet GODAWU! He geeshsha sohoy neni ne kushen minththa essida sohokko.

ኢሳያሳ ቲንቢቴ 5:2

Biitta bookkidi, shuchchaa qori kessidi, ubbaafe lo7iza woyne turaa tokkides; histtidi iza naaganaas shakko giigsides; woyne ushshu gum7izasoho olla bookki giigsides. Hessafe guye lo7o ayfe ayfana giidi naagides; gido attiin caala phanqida ayfe ayfides.

ኢሳያሳ ቲንቢቴ 5:7

Ubbaafe Wolqqama GODAA woyne tokkiza gadey Isra7eele asaa. Yuhuda asay izi ufayettiza atakilte. Istti suure pirda pirdana giidi naagides; gido attiin suuth gussishin be7ides. Izi xilloteth koyides; gido attiin meto waaso siyides.

ኢሳያሳ ቲንቢቴ 60:18

Hayssafe guye ne biittan shiroy, ne zawankka laaleteththinne bashshi siyettenna. Gido attiin ne dirsaa gimbe atoteththi, ne pengetakka galata gaada ne xeygana.

ኢሳያሳ ቲንቢቴ 60:21

Ne asay ubbay xillo gidana; biittayokka mernaas laattana; istti ta bonchcho qonccisanaas tani tokkida puutetanne ta kushe oosota.

ኤርማሳ ቲንቢቴ 18:9

Qasse hara wodekka tani issi dere woykko issi kawoteth minththa essanaas yootikko,

ኤርማሳ ቲንቢቴ 24:6

Tani lo7o ayfen istta xeellana; qasse tani istta zaarada ha biitta ehana. Ta istta giigsana attiin laallike; ta istta tokkana attiin shoddike.

ሂዚቄላ ቲንቢቴ 28:24

« ‹Hayssafe guye Isra7eele asaa un7eththiza kindichchoynne caddiza agunth gidida shooroti istta yuushon deettenna; hessan tani Ubbaa Haariza GODAA gididayssa istti erana› gees» gides.

ሆሴኤ ቲንቢቴ 2:18

He wode do7atara, kafotaranne biitta bolla gooshettiza medheteth ubbatara ta intte gishshas caaqettana. Ubbayka saron daana mala ola, tooranne, Mashsha biitta bollafe ta diggana.

ኣሞጼ ቲንቢቴ 9:15

Ta dere Isra7eele asaa tani kase istta biittan zaarada tokkana; tani isttas immida biittafe istti nam7anththo dhoqalletti dhayettenna» gees GODAY salo Xoossay.

ዮሃኒሳ ኣጁታ 21:4

Izi istta ayfeppe afunth ubbaa quccana; kase wogay aadhdhida gishshas hayqoy woykko muuzoteththi woykko yeehoy woykko waayey hayssafe guye deenna» giza gita qaalay kezishin tani siyadis.

ዳናታ ማጻፋ 4:3

Yaabiney biratappe oosettida uddufun xeetu para-gaareti izas diza gishshassinne izi Isra7eele asaa nam7u tammu layth kumeth keehi un7eththida gishshas istti maado demmanaas GODAAKKO waassida.

1ሳሜላ ማጻፋ 13:17

Worajjizayti heedzdzu cugan shaakettidi Filisxeemeta gutappe kezida; issi cugazi Shu7aaley ayssiza biitta Oofira bides.