2ሳሜላ ማጻፋ 6:19 - Geeshsha Maxaafa

¹⁹ Isra7eele bagga gidida as ubbaas, attumasinne maccas issaas issaas issi issi uketh, issi issi muxo ashonne issi issi zabibe kompa immides; hessafe ubbayka baso baso bida.

ጋሞ ማጻፋ

¹⁹ ኢስራኤሌ ባጋ ጊዲዳ ኣስ ኡባስ፥ ኣቱማሲኔ ማጫስ ኢሳስ ኢሳስ ኢሲ ኢሲ ኡኬ፥ ኢሲ ኢሲ ሙጾ ኣሾኔ ኢሲ ኢሲ ዛቢቤ ኮምፓ ኢሚዴስ፤ ሄሳፌ ኡባይካ ባሶ ባሶ ቢዳ።

2ሳሜላ ማጻፋ 6:19 ပူးပေါင်းရင်းမြစ်များ

2ሳሜላ ማጻፋ 6:18

Dawiti xuugettiza yarshozanne issifeteththa yarshoza shiishshidaappe guye dereza Ubbaafe Wolqqama GODAA sunththan anjjides.

2ሳሜላ ማጻፋ 6:20

Dawiti baso asaa anjjanaas baso simmi biin Sa7oole naa Milkoola iza mokkana kezada, «Hach Isra7eeleta kawoy gita asata garadeta sinththan coo laafa asa mala kallo beetoy izas bonchcho gidiinee?» gadus.

1ካዎታ ማጻፋ 8:66

Wonteththa gallas kawoy asaa moyzides; asay kawoza anjjidi GODAY ba aylle Dawitesinne ba asaa Isra7eeles ooththida kiyateththan wozinappe ufayettishe baso baso bides.

1ታሪኬ ማጻፋ 16:3

Hessafe guye Isra7eele asa ubbaas, maccassaassinne attumasaas, hu7en hu7en issi issi guuththa uketh, issi issi qanxxo ashonne issi issi zabibe kompa gishides.

1ታሪኬ ማጻፋ 16:43

Hessafe guye ubba asay baso baso bides; Dawitikka baso asaa anjjanaas soo simmides.

2ታሪኬ ማጻፋ 30:24

Yuhuda Kawo Hizqiyaasi shiiqida deraas 1,000 korma boorata, 7,000 dorsatanne deyshata immides; qasse iza shuumeti 1,000 korma boorata, 10,000 dorsatanne deysh immida; keehippe daro qeesetikka banttana geeshshida.

2ታሪኬ ማጻፋ 7:10

Hessafe guye Solomooney laappunththa aginan nam7u tammanne heedzdzanththo gallas asaa moyzides; GODAY Dawites, Solomoonessinne ba asaa Isra7eeles ooththida kiyateththan asay ufayettishenne wozinappe pashki giidi ba soo ba soo bides.

ናሂሚያ ማጻፋ 8:10

Nahimiyay, «Biidi lo7o kath miite; qasse mal7iza ushshu uyi ufayettite; aykkoy bayndaytas inttes dizayssafe immite; hayssi nu Xoossas anjjettida gallassa; Xoossa ufayssay inttes wolqqa gidida gishshas ceecopite» gides.

Siiqo Saba 2:5

Tani iza siiqon oykettada hargadis; hessa gishshas tana zabibe ayfe mizidi gazidissite; appile mizidi tana beegoththite.

ሂዚቄላ ቲንቢቴ 45:17

Halaqazi Isra7eele asay bonchchiza ba7aaletan, aginay xeeriza gallassataninne Sambatatan xuuggiza yarshota, kaththa yarshotanne ushsha yarshota shiishshi immo. Isra7eele asa nagara atto giissanaas, nagara yarshota, kaththa yarshota, xuugettiza yarshotanne issifeteththa yarshota ubbaa izi shiishshi immo.

ሆሴኤ ቲንቢቴ 3:1

GODAY tana, «Isra7eele asay hara xoossatakko simmidi zabibe ukeththi shiishshana koyides; hessarakka GODAY istta siiqizayssa mala nekka baada ba laggeththota siiqada laymatashe diza kase ne machcheyo zaarada siiqa» gides.

ሃዋሬታ ኦሶ 20:35

‹Haa ekkizaadefe gede immizaadey anjjettidaade› giza Godaa Yesusa qaalaa nu yuushshi qoppidi nurkka nu kushera nu ooththi demmidi hara daaburanchchata gede maaddanaas nuus bessizayssa ta inttena daro dumma dumma ogera bessadis» gides.

ኤፌሶኔ ኣሳስ 4:8

Hessa gishshas, «Izi pude kezida wode di7o di7ides; Asaas kiyateththa imota immides» geetetti Geeshsha Maxaafan xaafettides.

ኢያሶ ማጻፋ 22:6

Hessafe guye Iyaasoy istta anjji yeddiin isttika bantta soo soo simmi bida.