2ሳሜላ ማጻፋ 24:14 - Geeshsha Maxaafa

¹⁴ Dawiti Gaades, «Tani keeha ceecadis; iza maaroteththay gita gidida gishshas GODAA kushen nu kundana attiin ta asa kushen kundike» gides.

ጋሞ ማጻፋ

¹⁴ ዳዊቲ ጋዴስ፥ «ታኒ ኬሃ ጬጫዲስ፤ ኢዛ ማሮቴይ ጊታ ጊዲዳ ጊሻስ ጎዳ ኩሼን ኑ ኩንዳና ኣቲን ታ ኣሳ ኩሼን ኩንዲኬ» ጊዴስ።

2ሳሜላ ማጻፋ 24:14 ပူးပေါင်းရင်းမြစ်များ

2ሳሜላ ማጻፋ 9:8

Memfebostey biitta bolla gufannidi, «Hayqqida kana mala qoodettida taas ne hayssa keena ooththanaas ne oosanchchay ta oonee?» gides.

2ካዎታ ማጻፋ 6:15

Xoossa nabezas aylley wonttara izi kare kezishin parataninne para-gaaretan minnida wolqqama olanchchati katamayo yuuyi aadhdhi dizayssa be7idi, «Godoo! Nu ay ooththiko lo7o?» giidi oychchides.

1ታሪኬ ማጻፋ 21:13

Dawiti Gaades, «Ta dooranaas keeha metotadis; gidikkoka Godaa Xoossa maarotay keehi gita gidida gishshas asa kushen kundanaappe Xoossa kushen kundeththi taas lo7o» gides.

ዬ ማጻፋ 119:156

Abeet GODAWU! Ne qadhetay daro; ne qaala mala tana shemppora paxa woththa.

ዬ ማጻፋ 130:4

Gido attiin nuni nena bonchchana mala neni nu nagara atto gaasa.

ዬ ማጻፋ 130:7

GODAA achchan siiqoynne maaroteththi diza gishshas Isra7eele asawu! GODAAN hidota ooththite.

ዬ ማጻፋ 145:9

GODAY ubbaas kiya; izi ba medhdhida ubbaas qadhettizayssa.

ዬ ማጻፋ 51:1

Abeet Xoossawu! Ne mernaa siiqoza mala tana maara; ne qadheta daron ta mooroza qucca.

ዬ ማጻፋ 86:15

Gido attiin abeet Godawu! Neni qadhettizaadenne maariza Xoossa; hanqettanaas gam7iza Xoossa; ne siiqoynne ne ammaneteththay keehi daro.

ዬ ማጻፋ 86:5

Abeet Godawu! Neni nuus kiyanne atto gizaade; nena woossiza ubbaas ne mernaa siiqo bessaasa.

ሌሚሶ ማጻፋ 12:10

Xillo asi ba mehes qadhettees; iita asi kiyattees giikkoka menxe iita.

ኢሳያሳ ቲንቢቴ 47:6

Tani ta deraa hanqettadis; tani xinxxozakka tunisadis; tani istta ne kushen aaththa immadis. Neni gidikko isttas qadhettabeekka; cimmidayta bollaka keehi deexo qambara woththadasa.

ኢሳያሳ ቲንቢቴ 55:7

Iita asi ba oge, qohizaykka ba qofa aggo; GODAAKKO simmo. Izikka iza maarana; iza maaroteththay daro gidida gishshas izi nu Xoossako simmo.

ኤርማሳ ቲንቢቴ 39:17

Gido attiin he gallassan tani nena ashshana; neni yayyiza asata kushen aadhdha imettaka.

ኤርማሳ ዚላስ 3:22

Hessika nuni dhayontta aggiday GODAA siiqoy daro gidida gaasonna; iza qadhetaykka mernaas wurontta gishshassa.

ዳኔላ ቲንቢቴ 9:9

Abeet GODAA nu Xoossawu! Nuni ne bolla makkallikokka neni maarizanne atto giza Xoossa.

ዮናሳ ቲንቢቴ 4:2

Hessafe guye GODAA, «Abeet GODAWU! Tani buro ta deren dashe gidayssi hayssa gidennee? Ta ne sinththafe betada Tarseese baanaas eesotidayssi hessassa; qadhetaynne maarotay nenan kumida Xoossaa ne gididayssa, hanqos eesotonttayssanne aggontta siiqon kumidayssa, qasse ehana gida iita miishshika aggiza Xoossa ne gididayssa tani kasekka erays.

ሚኪያሳ ቲንቢቴ 7:18

Dhayshe attida zereththaa nagara atto gi maariza ne mala Xoossi oonee? Neni mernaas hanqettaka; maaro gelizayssan ne ufayettaasa.

ሚኪያሳ ቲንቢቴ 7:19

Simmadakka nuus ne qadhettaasa; nu nagarakka ne toho garsan yedhdhaasa; nu qohozakka ubbaa gede cima abba giddo yeggaasa.

ዛካራሳ ቲንቢቴ 1:15

Gido attiin saroteth demmidi woppan diza kawoteththata keeha hanqettadis; hessas gaasoykka tani ta dereza bolla guuththara hanqettiin kawoteththati ta qofappe bollara ta deraa qohida› gides.

ዮሃኒሳ ሚሺራቾ 12:27

Qasseka Yesusi, «Hekko ta shemppoya metotadus; ‹Ta Aawawu! Ha saateyppe tana ashsha gooshaa?› Ta hizgontta mala ta yiday hanno ha meto saateyssa.

ፒሊጲሲዮሴ ኣሳስ 1:23

Ha nam7u hanotan metotettadis; ta baada Kirstoosara daanaas laamotays; hessi hara ubbaafe keehi lo7o.

1ሳሜላ ማጻፋ 13:6

Isra7eeleti diza hanotay keehi hirgisizaaz gididayssanne istta ola asaykka daro ceecen dizayssa be7idi gongoloy dizason, woray dizason, zaallay dizason, aafoy dizasoninne ollay dizaso ubbaan qotettida.