2ሳሜላ ማጻፋ 23:5 - Geeshsha Maxaafa

⁵ «Ta keeththi Xoossa matan likke gidennee? Ubba miish giigsidinne naagidi, tanara mernaa caaqo qaala geliday iza gidennee? Ta atoteththa polo gaththanay ta amo ubbaa taas immanay iza gidennee?

ጋሞ ማጻፋ

⁵ «ታ ኬ ጾሳ ማታን ሊኬ ጊዴኔ? ኡባ ሚሽ ጊግሲዲኔ ናጊዲ፥ ታናራ ሜርና ጫቆ ቃላ ጌሊዳይ ኢዛ ጊዴኔ? ታ ኣቶቴ ፖሎ ጋናይ ታ ኣሞ ኡባ ታስ ኢማናይ ኢዛ ጊዴኔ?

2ሳሜላ ማጻፋ 23:5 ပူးပေါင်းရင်းမြစ်များ

ሜቴ ማጻፋ 9:16

Zuullay shaara bolla beettida wode aydekka tani iza beyada taappe Xoossaafenne ha biittaa bollan paxa diza dumma dumma qommo medheteththa ubbaafe giddon caaqo gelida mernaa caaqo qaalaa ta hassa7ana» gides.

2ሳሜላ ማጻፋ 12:10

Neni tana kawushshida gishshassinne Hiite dere as Ooriyo machcho nees ekkida gishshas ne keeththafe mernaas mashshay shaakettenna› gees.

2ሳሜላ ማጻፋ 13:14

Izi gidikko iza gizayssa siyana koyibeenna; izi izippe keehi mino gidida gishshas izo wolqqara oykkidi izi geela7oteththaa ekkides.

2ሳሜላ ማጻፋ 13:28

Abeseloomey ba aylletas, «Aminooney woyne ushshaa uyidi maththottanaashe gakkanaas naagettite; hessafe guye tani inttena, ‹Aminoone shocite› giza wode intte iza wodhite; inttena azaziday tana gidida gishshas babbofte, minnite, xalite» gi azazides.

2ሳሜላ ማጻፋ 18:14

Iyo7aabey addezas, «Hayssafe guye hayssa mala haasayan ta nenara wode wursike» gides; 3 toora ekki biidi Abeseloomey miththa bolla kaqetti dizason buro shemppo kezontta dishin toorata xongidi izas wozina ayfen caddides.

2ሳሜላ ማጻፋ 7:12

Ne layththaa wursada kase ne aawatanne gayttiza wode nena laattana zereth ta neeppe kessana; iza kawoteththaaka ta minththana.

2ሳሜላ ማጻፋ 7:18

Hayssafe guye kawo Dawiti geli GODAA sinththan uttidi, «Ubbaa Haariza GODAWU! Ne tana hayssas gaththanaas ta oonee? Taso asaykka aazee?

1ካዎታ ማጻፋ 1:5

Hagiti naa Adoniyaasi, «Ta kawotana koyays» gi dendides; para-gaaretanne parata qasseka izappe sinththe sinththe baanaas 50 asata giigsides.

1ካዎታ ማጻፋ 11:38

Ta aylle Dawiti ooththida mala ta azazota ubbaa ne polikko, ta ogen ne hemettiko, ta wogatanne maarata ne naagikko ta sinththan suure hankko tani nenara gidana; ta Dawites ooththida mala ne kawoteththaaka minththana. Isra7eelekka tani nees immana.

1ካዎታ ማጻፋ 12:14

Yelagata zore ekkidi, «Ta aaway intte bolla deexo qambara woththides; tani gidikko hessafekka aaththa deexeththana. Ta aaway inttena lisson wadhdhides; tani gidikko inttena masimaso mala dukkiza lisson wadhdhana» gi zaarides.

ዬ ማጻፋ 111:9

Izi ba asaas atoteth immides; ba caaqo qaalakka isttas mernaas azazides; iza sunththi geeshshinne yashissizaaza.

ዬ ማጻፋ 119:81

Ne tana ashshana mala ta shemppoya keeha laamotadus; tanikka ne qaala hidota ooththadis.

ዬ ማጻፋ 27:4

Tani GODAA issi miish oychchays; hessika tani ta de7o layth ubbaan GODAA keeththan de7anaassa; tani GODAA bonchcho lo7oteththa be7anaassa; iza Keeththankka iza koyashe de7anaassa.

ዬ ማጻፋ 62:2

Izi xalla taas zaallanne tana ashshizayssa; ta qotetta attizaso gidida gishshas mulekka hirgike.

ዬ ማጻፋ 89:3

Neni, «Tani dooridayssara caaqo qaala geladis; ta aylle Dawites,

ኢሳያሳ ቲንቢቴ 11:1

Isseye durumappe aacay purccana; iza xaphotappe issi haggay ayfe immana.

ኢሳያሳ ቲንቢቴ 27:6

Yaana gallassatan Yaaqoobey xapho yeddana; Isra7eeley aacananne ciiyana; histtiin istta ayfey sa7a kumana.

ኢሳያሳ ቲንቢቴ 4:2

He wode GODAA miththa haggay lo7ananne bonchchettana; Isra7eele asaappe dhayshe attidaytas he biitta kaththay ceeqossinne bonchchos gidana.

ኢሳያሳ ቲንቢቴ 54:10

Zumati qaaxxiko, zumbullati ba dizasoppe kichchikokka, nees diza ta siiqoy qaaxxenna; nenara ta caaqqida saroteththa qaalay laalettenna» gees nena maariza GODAY.

ኢሳያሳ ቲንቢቴ 55:3

Intte hayth doydi haa taakko shiiqite; intte shemppora paxa daana mala ta gizaa ezgi siyite; kase ta Dawitera caaqqida mino siiqon inttenarakka mernaa caaqo caaqettana.

ኢሳያሳ ቲንቢቴ 61:8

Tani GODAY suure pirda dosays; bonqqanne qoho ixxays. Ta ammaneteththan isttas bessizayssa immana; isttara mernaa caaqo qaala gelana.

ኢሳያሳ ቲንቢቴ 7:14

Histtiko GODAY barkka inttes malata bessana; geela7oy shaarana; attuma naa yelana; iza sunththaaka, ‹Amanu7eele› gaada sunththana.

ኤርማሳ ቲንቢቴ 32:40

Tani isttara mernaas gidiza caaqo caaqettana; tani isttas lo7o miish ooso aggike; istti taappe wora simmontta malanne istti taas yayyana mala ta ooththana.

ኤርማሳ ቲንቢቴ 33:21

he wode tani Dawitesinne taas qeeseteththan ooththana mala Lewetas gelida caaqo qaala laallana dandayettees; hessafe guye Dawite zareppe kawoteththa araatan uttana asi deenna.

ሂዚቄላ ቲንቢቴ 37:26

Tani isttara Saroteththa caaqo qaala gelana; he caaqo qaalaykka mernaas gidana. Tani istta minththana; corissana; ta Keeththaaka istta giddon mernaas woththana.

ኣሞጼ ቲንቢቴ 9:11

«Coo kundi laalettida keeththa mala gidida Dawite zereththata kawoteththas tani zaara essana wodey yaana; tani gimbeza zaara gimbana; laalettidayssaka ooraxissana; kaseyssaththo zaara ooththana.

ሃዋሬታ ኦሶ 13:34

Qasseka izi wooqqonttayssanne Xoossi iza hayqoppe denththidayssa shaakki erana mala, « ‹Anjjettidayssanne ammanettida Dawite anjjo ta inttes immana› gides.

Ibirawe 13:20

Dorsata heenththanchchay wogga Godaa Yesus Kirstoosa ba mernaa caaqo qaala suuththan iza hayqoppe denththida saroteththa Xoossi,

Ibirawe 6:19

Nunikka shempo teqe gidida minonne ammanththiza hidota demmidos; he hidotaykka magalashazappe guye baggara diza gede Xoossa Keeththaa gido gelees.

1ሳሜላ ማጻፋ 2:35

Ta wozina malanne ta qofa mala taas haggazana ammanettida qeese tani taas denththana; iza keeththaa ta minththa essana; izikka ta tiydayssa sinththan mernaas haggazana.

1ሳሜላ ማጻፋ 25:28

Ta GODAY ola olettiza gishshas GODAY ta godaa kawoteththaa tumappe izi mernaas izas minththana. Hessa gishshas tana ne aylley qoho taas atto ga. Neni shemppora paxa diza wode ubbaan iitateththi neeppe beettofo.