2ሳሜላ ማጻፋ 23:3 - Geeshsha Maxaafa

³ Isra7eele Xoossi haasaydes; Isra7eele zaallay taas, ‹Asaa xilloteththan haarizay, Xoossa yashshateththan ayssizay,

ጋሞ ማጻፋ

³ ኢስራኤሌ ጾሲ ሃሳይዴስ፤ ኢስራኤሌ ዛላይ ታስ፥ ‹ኣሳ ጺሎቴን ሃሪዛይ፥ ጾሳ ያሻቴን ኣይሲዛይ፥

2ሳሜላ ማጻፋ 23:3 ပူးပေါင်းရင်းမြစ်များ

ሜቴ ማጻፋ 33:20

Heen yarshosoho keexxidi iza, «Xoossi Isra7eele Xoossa» gi sunththides.

2ሳሜላ ማጻፋ 22:32

GODAAPPE attiin hara Xoossi oonee? nu Xoossaafe attiin zaallay oonee?

2ሳሜላ ማጻፋ 8:15

Dawiti kumeththa Isra7eele bolla kawotides; deraas suure pirdanne woga essides.

1ካዎታ ማጻፋ 10:9

Nenan ufayettidi nena Isra7eele kawota araatan utisida GODAA ne Xoossay galatetto! GODAY Isra7eele asaa mernaas siiqida gishshas suure pirdaynne xilloteththi daana mala izi nena kawoththides» gadus.

ናሂሚያ ማጻፋ 5:14

Kawo Arxekisisi kawotida nam7u tammanththo layththafe doommidi heedzdzu tammanne nam7u layth gakkanaas diza 12 layththata giddon tani Yuhuda dere kumeth ayssiza as gida uttada tana gidiin ta dabbota gidiin dere ayssizaades bessiza miish aykkoka go7ettibeekko.

ኢዮቤ ማጻፋ 34:17

Suure pirda ixxizaadey dere ayssanaas dandayzee? Neni xillonne wolqqama Xoossa nagaranchcha kessay?

ዬ ማጻፋ 110:2

GODAY nees maata guufe Xiyooneppe kiittana; nenikka morkketa haarana.

ዬ ማጻፋ 42:9

Ta Xoossawu taas Zaallawu! «Ne tana ays dogadii? Ta morkketi tana qohishin ta ceecashe ays de7oo?» gays.

ዬ ማጻፋ 72:1

Abeet Xoossawu! Suure pirda kawos, ne xilloteththaka kawo naas imma.

ዬ ማጻፋ 72:2

Histtiko izi ne deraas xilloteththan pirdana; naaqettidaytasikka suure pirdana.

ኬሳ ማጻፋ 18:21

Qasse asa ubbaa giddofe era asata, Xoossas babbizayta, ammanettidaytanne matta7e ixxizayta doorada isttafe asaas shaalaqata, mato halaqata, hamsa halaqatanne asira halaqata histta sunththa.

ኬሳ ማጻፋ 20:2

«Nena Gibxeppe aylleteththa biittafe kessida GODAA ne Xoossay tana.

ኬሳ ማጻፋ 3:15

Qasse Xoossi Muses, «Neni Isra7eele naytas, ‹GODAY intte aawata Abrahaame, Yisaaqanne, Yaaqoobe Xoossi izi tana intteko kiittides› ga yoota; hayssi yeletappe yeleta gakkanaas tani erettiza ta sunththa.

ሌሚሶ ማጻፋ 31:9

Haasayada isttas suure pirda pirda; hiyeesatanne metotanchchata maata bonchchisa» gaada tamaarsadus.

ኢሳያሳ ቲንቢቴ 32:1

Be7ite, kawoy xilloteththan kawotana; haarizaytikka suure pirdan haarana.

ኤርማሳ ቲንቢቴ 23:5

GODAY, «Tani Dawites xillo zare denththana wodey yaana; izi tumu pirdanne xilloteth ooththizaade, aadho erateththan haariza kawo gidana.

ዛካራሳ ቲንቢቴ 9:9

Hanne Xiyoone nayee keeha ufayetta. Hanne Yerusalaame nayee ufayssan ilila; xillonne ashshiza ne kawoy ashke gididi hareyonne harey gutte toggidi neekko yees.

ዛሬ ማጻፋ 32:4

«Izi nuus miixa; iza oosotikka kumeththa; Iza ogeti wurikka suure; izi balettontta ammanettida Xoossa; izi suurenne xillo Xoossa.

Ibirawe 1:8

Naaza gishshas qasse, «Godoo! Ne zufaaney mernaappe mernaa gakkanaas minni daana; neni ne kawoteththaa likke kaaleththaasa.