2ሳሜላ ማጻፋ 19:39 - Geeshsha Maxaafa

³⁹ Hessa gishshas derezi ubbay Yordaanoose pinnides; hessafe guye kawozi pinnides. Kawozi Barzile yeeri ekkidi anjjides; Barzileykka baso simmi bides.

ጋሞ ማጻፋ

³⁹ ሄሳ ጊሻስ ዴሬዚ ኡባይ ዮርዳኖሴ ፒኒዴስ፤ ሄሳፌ ጉዬ ካዎዚ ፒኒዴስ። ካዎዚ ባርዚሌ ዬሪ ኤኪዲ ኣንጂዴስ፤ ባርዚሌይካ ባሶ ሲሚ ቢዴስ።

2ሳሜላ ማጻፋ 19:39 ပူးပေါင်းရင်းမြစ်များ

ሜቴ ማጻፋ 14:19

Izi Abraame hizgi anjjides; «Ubbaafe Dhoqqa Xoossi salonne sa7a medhdhidayssi Abraame anjjo.

ሜቴ ማጻፋ 28:3

Ubbaa Dandayza Xoossi nena anjjo; izi nees daro nayta immo; nena daro deres aawa histto.

ሜቴ ማጻፋ 31:55

Wonteththa gallas maalado wonttara Laabay dendidi ba nayta naytanne ba macca nayta anjjidinne yeeri ekkidi guye ba soo simmides.

ሜቴ ማጻፋ 45:15

Yooseefeykka yeekkishe ba ishata ubbaa yeeri yeeri ekkides. Hessafe guye iza ishati izara haasaya oykkida.

ሜቴ ማጻፋ 47:10

Hessafe guye Yaaqoobey kawoza anjjidi iza sinththafe kare kezides.

ሜቴ ማጻፋ 47:7

Hessafe guye Yooseefey ba aawaa Yaaqoobe gelththidi kawo sinth aaththides. Yaaqoobey Gibxe kawo anjjides.

2ሳሜላ ማጻፋ 13:25

Kawozikka, «Ta naazoo! Nu ubbay baanaas bessenna; nu nees tooho gidana» gides. Abeseloomey minththi woossiinkka kawozi baana koyibeenna; gido attiin iza anjjidi moyzi yeddides.

2ሳሜላ ማጻፋ 14:33

Iyo7aabey kawozaakko biidi hessa izas yootides; hessafe guye kawozi Abeseloome xeygisides; izikka yiidi kawoza sinththan gufannidi sarokkides; kawozikka Abeseloome yeeri ekkides.

2ሳሜላ ማጻፋ 19:38

Kawozikka, «Keme7aamey tanara pinnana; nena ufayssiza miish ubbaa ta izas ooththana; ne taappe koyza ay miishshika ta nees ooththana» gides.

2ሳሜላ ማጻፋ 6:18

Dawiti xuugettiza yarshozanne issifeteththa yarshoza shiishshidaappe guye dereza Ubbaafe Wolqqama GODAA sunththan anjjides.

2ሳሜላ ማጻፋ 6:20

Dawiti baso asaa anjjanaas baso simmi biin Sa7oole naa Milkoola iza mokkana kezada, «Hach Isra7eeleta kawoy gita asata garadeta sinththan coo laafa asa mala kallo beetoy izas bonchcho gidiinee?» gadus.

1ካዎታ ማጻፋ 19:20

Elssa7i boorata aggidi Eelaasakko woxxi biidi, «Tani ta aawaanne ta aayo saro gaada moysetta simmada ta nena kaallana mala tana yeddarkkii!» gides. Histtiin Eelaasi Elssa7e, «Baada ya! Ta nena ayde diggadinaa?» gides.

ታይቦ ማጻፋ 24:25

Hessafe guye Balaamey dendidi gede ba dere bides; Balaaqeyka baso simmides.

ሉቃሳ ሚሺራቾ 2:34

Simoonikka istta anjjides; Maaramokka, «Daro asa wozina qofay qonccana mala hayssi Isra7eelen diza darotas dhayossinne atoteththassa; Iza ixxizaytas qasse malata gidana mala doorettides.

ሃዋሬታ ኦሶ 20:37

Asay wuri yeekkishe Phawuloosa idimmi oykkidi yeerides.

1ታሶሎንቄ ኣሳስ 5:26

Ammanizayta ubbaa geeshsha yeereteththan sarokkite.

ኡሩቲ ማጻፋ 1:14

Hessa gishshas istti ba qaala dhoqqu histtidi qasseka yeekkida. Histtiin Orfay ba bolloteyo yeera ekkada simmadus. Gido attiin Uruta izippe shaakettana koyontta gishshas izo idimma oykkada yeddontta ixxadus.

1ሳሜላ ማጻፋ 24:22

Dawitikka Sa7ooles caaqqides. Hessafe guye Sa7ooli ba soo simmi bides; Dawitinne iza kaallizayti kase ba qotettiza miixan simmi ke7ida.