2ሳሜላ ማጻፋ 19:29 - Geeshsha Maxaafa

²⁹ Kawozikka, «Ne ays yo7o darsay? Neninne Xiibbay iza gadaa ubbaa intte gishetti ekkana mala ta azazadis» gides.

ጋሞ ማጻፋ

²⁹ ካዎዚካ፥ «ኔ ኣይስ ዮኦ ዳርሳይ? ኔኒኔ ጺባይ ኢዛ ጋዳ ኡባ ኢንቴ ጊሼቲ ኤካና ማላ ታ ኣዛዛዲስ» ጊዴስ።

2ሳሜላ ማጻፋ 19:29 ပူးပေါင်းရင်းမြစ်များ

2ሳሜላ ማጻፋ 19:28

Ta aawa keeththas ubbaas hayqoy bessishin neni gidikko tana ne oosanchchaza ne maaddafe mizaytara issife utisadasa; hayssafe haray taas hano gaada kawoza oychchanaas ta oonee?» gides.

2ሳሜላ ማጻፋ 19:30

Memfebostey kawoza, «Ta godaa kawoo! Izi hashshu lo7on simmides; ubbaaka izi ekko» gides.

2ሳሜላ ማጻፋ 9:2

He wode Sa7oole soon Xiibba geetettiza issi aylley dees; izi Dawitekko baana mala izas asay yootides. Kawozikka iza, «Xiibba geetettizay nenee?» gi oychchides. Izikka, «Ee tana ne oosanchchaza» gides.

2ሳሜላ ማጻፋ 9:7

Dawitikka iza, «Babbofa; ne aawa Yoonataane gishshas gaada tani nees kiyateth ooththana; ne mayza Sa7oole biittaa mulera ta nees zaarana; neni ubba wode ta maaddafe maandasa» gides.

2ሳሜላ ማጻፋ 9:9

Hessafe guye kawozi Sa7oole aylle Xiibba xeygidi, «Sa7oolessinne izaso asaas diza miish ubbaa ne godaa naaza naa Memfebostes immadis.

ዬ ማጻፋ 101:5

Geeman ba lagge zigirzayssa tani sirphi ooththana; otorettizayssinne ceeqettiza as tani co7u ga aggike.

ዬ ማጻፋ 82:2

«Intte awude gakkanawu geella pirda pirdanee? Iitatakka awude gakkanaas maaddanee?

ሌሚሶ ማጻፋ 18:13

Lo7eththi siyontta dishe zaaroy, izaades eeyateththinne yeella gidees.

ሃዋሬታ ኦሶ 18:15

Gido attiin intte palamay issi issi qaalata gishshassinne issi issi sunththata gishshas qasseka intte woga gishshas gidida gishshas intte heen intte baggara wursite; ta hessa mala yo7o pirdanaas koykke» gides.