2ሳሜላ ማጻፋ 18:9 - Geeshsha Maxaafa

⁹ He wode Abeseloomey Dawite asaara toorontta dishe gayttides; Abeseloomey baqulo toggidi cippi gida haggay diza wola garsara aadhdhi bishin Abeseloome hu7e binanay haggan oykettides; izi toggida baquloya aadhdha biin izi saloppenne sa7appe giddon kaqetti attides.

ጋሞ ማጻፋ

⁹ ሄ ዎዴ ኣቤሴሎሜይ ዳዊቴ ኣሳራ ቶሮንታ ዲሼ ጋይቲዴስ፤ ኣቤሴሎሜይ ባቁሎ ቶጊዲ ጪፒ ጊዳ ሃጋይ ዲዛ ዎላ ጋርሳራ ኣ ቢሺን ኣቤሴሎሜ ሁኤ ቢናናይ ሃጋን ኦይኬቲዴስ፤ ኢዚ ቶጊዳ ባቁሎያ ኣ ቢን ኢዚ ሳሎፔኔ ሳኣፔ ጊዶን ካቄቲ ኣቲዴስ።

2ሳሜላ ማጻፋ 18:9 ပူးပေါင်းရင်းမြစ်များ

2ሳሜላ ማጻፋ 13:29

Abeseloome aylleti istta goday istta azazidayssa Aminoone bolla polida; hessafe guye kawoza nayti ubbay ba baqulo baqulo toggidi baqatida.

2ሳሜላ ማጻፋ 14:26

Hu7e iskey iza deexxishin layththan issito cakisees; cakettida binanazi kawo keeththa meezaanen woththishin 200 saqile deexxees.

2ሳሜላ ማጻፋ 17:23

Akxofeeley istti iza zoreza ekkontta ixxidayssa be7idi ba hareza caani ekkidi ba keeththi diza katama bides; baso maarasi giigsidaappe guye ba kushen cuuletti hayqqides; hessaththo hayqqidi ba aawa duufon moogettides.

2ሳሜላ ማጻፋ 18:10

Issaadey iza be7idi Iyo7aabes, «Hekko tani Abeseloomey wola bolla kaqetti dizayssa be7adis» gides.

2ሳሜላ ማጻፋ 18:14

Iyo7aabey addezas, «Hayssafe guye hayssa mala haasayan ta nenara wode wursike» gides; 3 toora ekki biidi Abeseloomey miththa bolla kaqetti dizason buro shemppo kezontta dishin toorata xongidi izas wozina ayfen caddides.

2ሳሜላ ማጻፋ 18:8

Olay deraa garsan aakki aakki bides; he gallas olay wursidayssafe woray mitti dhayssida asay darees.

ኢዮቤ ማጻፋ 31:3

Iita asa bolla qohoy, nagaranchcha asa bollaka dhayoy gakkanayssi erettidaaz gidennee?

ሌሚሶ ማጻፋ 20:20

Ba aawa woykko ba aayo cayizaades, xomppey sakkanna dhuman to7ana.

ሌሚሶ ማጻፋ 30:17

«Ba aawa qidhiza naa ayfenne, ba aayo kadhiza naa ayfe kelkan de7iza quuroti woocana; iza ashoza ankkoti maana.

ኤርማሳ ቲንቢቴ 48:44

«Shabarsafe baqati attida ubbay ollan gelana; ollafe keziday woximaden oykettana; tani Mo7aabey qaxxayettiza layth ehana gishshassa.

Maatosa 27:5

Hessa gishshas Yuhuday biraa efidi Xoossa Keeththa giddon yeggidi kezi biidi cuuletti hayqqides.

ማርቆሳ ሚሺራቾ 7:10

Ays giikko Musey, ‹Ne aayonne ne aawaa bonchcha; ba aayonne ba aawaa cayizaadey mulekka hayqqo› gides.

ጋላቲያ ኣሳስ 3:13

«Miththa bolla kaqettiza asi qanggettidaade» geetetti xaafettida gishshas Kirstoosi nu gishshas qanggettidaade gididi nuna woga qanggeththafe wozzides.

ዛሬ ማጻፋ 21:23

miththa bolla kaqetti hayqqida asi Xoossi qanggidaade gidida gishshas iza ahay miththa bolla kaqetti aqopo; GODAA intte Xoossay inttes immiza biitta tunisontta mala hayqqida ahaza he gallas moogite.

ዛሬ ማጻፋ 27:16

«Ba aawa woykko ba aayo kawushshizaadey qanggettidaade gido!» Derezi wurikka, «Amiin!» go.

ዛሬ ማጻፋ 27:20

«Ba aawa machchira zin7idi ba aawa bonchcho kawushshiza ubbay qanggettidaade gido!» Derezi wurikka, «Amiin!» go.