2ሳሜላ ማጻፋ 17:23 - Geeshsha Maxaafa

²³ Akxofeeley istti iza zoreza ekkontta ixxidayssa be7idi ba hareza caani ekkidi ba keeththi diza katama bides; baso maarasi giigsidaappe guye ba kushen cuuletti hayqqides; hessaththo hayqqidi ba aawa duufon moogettides.

ጋሞ ማጻፋ

²³ ኣክጾፌሌይ ኢስቲ ኢዛ ዞሬዛ ኤኮንታ ኢጺዳይሳ ቤኢዲ ባ ሃሬዛ ጫኒ ኤኪዲ ባ ኬ ዲዛ ካታማ ቢዴስ፤ ባሶ ማራሲ ጊግሲዳፔ ጉዬ ባ ኩሼን ጩሌቲ ሃይቂዴስ፤ ሄሳ ሃይቂዲ ባ ኣዋ ዱፎን ሞጌቲዴስ።

2ሳሜላ ማጻፋ 17:23 ပူးပေါင်းရင်းမြစ်များ

2ሳሜላ ማጻፋ 15:12

Abeseloomey yarshoza shiishshiza wode Dawite zoriza Gilo dere as Akxofeele ba biitta Giloppe izakko yaana mala kiittides; hessa gishshas seerazi minnides; Abeseloome kaallizayta qooday gujetti gujetti bides.

2ሳሜላ ማጻፋ 15:31

He wode, «Seeraa giddon Abeseloomera dizay Akxofeele» gi Dawites yootida; hessa gishshas Dawiti, «Abeet GODAWU! Akxofeele zoreza hada histtarkkii» gi woossides.

2ሳሜላ ማጻፋ 16:23

He wode Akxofeeley immiza zorey ubbay Xoossa qaalay zorizayssa misati qoodettees; Dawitinne Abeseloomey Akxofeele zore hessaththo histti ekkeettes.

2ሳሜላ ማጻፋ 17:22

Hessa gishshas Dawitinne izara issife diza derey ubbay dendi Yordaanoose pinnida; gadey wontishin Yordaanoose pinnonttay oonikka deenna.

1ካዎታ ማጻፋ 16:18

Katamazi oykettidayssa be7ida mala Zimirey kawo keeththaa giddon diza miixaan gelidi kawo keeththan tama oyththidi heen izan hayqqides.

2ካዎታ ማጻፋ 20:1

He wode Hizqiyaasi daro sakettidi shemppo bolla dishin Amoxe naa nabe Isayaasi izakko biidi, «GODAY nena, ‹Ne hayqqana; ne hayssafe guye shemppora paxa de7akka. Hessa gishshas neso giigsa› gees» gides.

ኢዮቤ ማጻፋ 31:3

Iita asa bolla qohoy, nagaranchcha asa bollaka dhayoy gakkanayssi erettidaaz gidennee?

ዬ ማጻፋ 109:20

Hayssi tana mootizaytassinne ta bolla iita haasayzaytas GODAY immiza woyto gido!

ዬ ማጻፋ 5:10

Abeet Xoossoo! Istta bolla neni pirda; istta geney istta ekki bo. Istta nagaray daro; hessa gishshas neni istta goodda digga; ays giikko istti ne bolla geellattida.

ዬ ማጻፋ 55:23

Abeet Xoossawu! Neni gidikko iitata duge ciimma ollan yeggana. Suuth gussizaytinne baleththizayti ba daana layththas baggaka deettenna; gido attiin tani nenan ammanettays.

ሌሚሶ ማጻፋ 16:18

Otoro geedo bashshi kaallees; hallaca geedokka kundeththi kaallees.

ሌሚሶ ማጻፋ 19:3

Issi issi asay ba eeyateththan ba de7o moorees; histtidi GODAA bolla yiillotees.

ኢሳያሳ ቲንቢቴ 38:1

He wode Kawo Hizqiyaasi hargidi, hayqqana matides. Histtiin Amoxe naa nabe Isayaasi izakko biidi, «GODAY nena, ‹Neni hayqqanaappe attiin hargezappe paxakka; hessa gishshas ne keeththaa giigsa› gees» gides.

Maatosa 27:5

Hessa gishshas Yuhuday biraa efidi Xoossa Keeththa giddon yeggidi kezi biidi cuuletti hayqqides.