2ሳሜላ ማጻፋ 17:16 - Geeshsha Maxaafa

¹⁶ Ha7i izas eeson kiittidi, ‹Bazzon diza shaafa purden aqontta mala, gam7ontta ne eeson pinnanaas bessees; ne histtontta aggiko kawozinne izara diza derey ubbay intte mitettana› giidi Dawites yootite» gides.

ጋሞ ማጻፋ

¹⁶ ሃኢ ኢዛስ ኤሶን ኪቲዲ፥ ‹ባዞን ዲዛ ሻፋ ፑርዴን ኣቆንታ ማላ፥ ጋምኦንታ ኔ ኤሶን ፒናናስ ቤሴስ፤ ኔ ሂስቶንታ ኣጊኮ ካዎዚኔ ኢዛራ ዲዛ ዴሬይ ኡባይ ኢንቴ ሚቴታና› ጊዲ ዳዊቴስ ዮቲቴ» ጊዴስ።

2ሳሜላ ማጻፋ 17:16 ပူးပေါင်းရင်းမြစ်များ

2ሳሜላ ማጻፋ 15:14

Hessafe guye Dawiti ba shuume ubbatas, «Dendite; ane baqatoos; nu histtontta aggiko nuuppe issaadeyka Abeseloome kusheppe kessi ekki attenna; ha7ira nu hayssafe kezana bessees; nu histtontta aggiko kaaletti yiidi nuna oykkiko izi nuna dhayssana; katamayokka mashshan siifana» gides.

2ሳሜላ ማጻፋ 15:28

Taikka neeppe wore siyana gakkanaas bazzon diza shaafaa pinnizason naagana» gides.

2ሳሜላ ማጻፋ 15:35

Qeeseti Saadooqeynne Abiyaataarey heen nenara daana deettennee? Kawo keeththafe ne siyidayssa ubbaa isttas yoota.

ዬ ማጻፋ 35:25

Istti banttas, «Hashshu, hashshu, nuni nu wozinan amottidayssi polettides; nuni iza mittidos» gaana mala ooththofa.

ዬ ማጻፋ 55:8

Tani goteppenne uushoppe attizaso eesotada gakkana shin» gadis.

ዬ ማጻፋ 56:2

Ta morkketi ubbaa gallas tana yedeththeettes; daroti otoreteththan tana oleettes.

ዬ ማጻፋ 57:3

Xoossi saloppe maado kiittidi tana ashshana; tana yedhdhizayta kawushshana; Xoossi ba mernaa siiqonne ba tumateththaa taas kiittana.

1ቆሮንቶሴ ኣሳስ 15:54

Dhayzay dhayonttaaz, hayqqizay hayqqonttaaz may7iza wode, «Hayqoy xoonetti mitettides» geetetti kase Geeshsha Maxaafan xaafettida qaalay polettana.

2ቆሮንቶሴ ኣሳስ 5:4

Nuni hayssa ha dunkaanezan diza wode ubbaan izi deexxiza gishshas daabura piidhi goos; hessas gaasoykka hayqqizayssi de7on laamettana mala nuni salon daana sohoza may7ana attiin nuuppe qaarettana mala nu koyokko.

1ሳሜላ ማጻፋ 20:38

Izikka, «Elela! Woxxa! Eqqofa!» gi waassi yootides; naazikka yiishshata shiishshidi ba godaakko simmides.