2ሳሜላ ማጻፋ 17:14 - Geeshsha Maxaafa

¹⁴ Abeseloomeynne Isra7eele asay kumeth, «Akxofeele zoreppe Arkke dere as Hushe zorey lo7ees» gida; GODAY Abeseloome bolla bash ehanaas lo7o gidida Akxofeele zorey ekettontta mala ooththides.

ጋሞ ማጻፋ

¹⁴ ኣቤሴሎሜይኔ ኢስራኤሌ ኣሳይ ኩሜ፥ «ኣክጾፌሌ ዞሬፔ ኣርኬ ዴሬ ኣስ ሁሼ ዞሬይ ሎኤስ» ጊዳ፤ ጎዳይ ኣቤሴሎሜ ቦላ ባሽ ኤሃናስ ሎኦ ጊዲዳ ኣክጾፌሌ ዞሬይ ኤኬቶንታ ማላ ኦዴስ።

2ሳሜላ ማጻፋ 17:14 ပူးပေါင်းရင်းမြစ်များ

ሜቴ ማጻፋ 32:28

Addezikka iza, «Hayssafe sinththan ne sunththi Isra7eele geetetto attiin Yaaqoobe geetettofo; ays giikko neni Xoossaranne asara baaxetada xoonadasa» gides.

2ሳሜላ ማጻፋ 15:31

He wode, «Seeraa giddon Abeseloomera dizay Akxofeele» gi Dawites yootida; hessa gishshas Dawiti, «Abeet GODAWU! Akxofeele zoreza hada histtarkkii» gi woossides.

2ሳሜላ ማጻፋ 15:34

gido attiin neni guye katamayo simmada Abeseloomes, ‹Ta ne aylle gidana; kase tani ne aawaas aylle gidida mala hachchika ta nees haggazana› gaada Akxofeele zore ne laallada tana maaddana.

2ሳሜላ ማጻፋ 16:23

He wode Akxofeeley immiza zorey ubbay Xoossa qaalay zorizayssa misati qoodettees; Dawitinne Abeseloomey Akxofeele zore hessaththo histti ekkeettes.

2ታሪኬ ማጻፋ 10:15

GODAY Seelo as Akaya baggara kase Nabaaxe naa Iyorba7aames yootida qaalay polettana mala hessi Xoossafe hanida gishshas kawozi asay gizayssa siyontta ixxides.

2ታሪኬ ማጻፋ 10:8

Gido attiin Erobi7aamey cimati zorida zoreza aggidi izara diccidi izas ooththiza yelaga asata zore oychchides.

2ታሪኬ ማጻፋ 25:16

Nabezi yooto bolla dishin kawozi, «Neni kawo zorana mala nuni nena dooridonii? Co7u giikkii! Hayqqana koyay?» gides. Histtiin nabezi co7u gi ekkidi, «Neni hayssa ooththida gishshassinne tani nena zoridayssa ne siyontta gishshas Xoossi nena dhayssana qachchidayssa tani erays» gides.

2ታሪኬ ማጻፋ 25:20

Gido attiin Amasiyaasi istta siyontta ixxides; istti Eedoome xoossatas goynnida gishshas Xoossay istta istta morkketa kushen aaththi immanaas koyides.

ናሂሚያ ማጻፋ 4:15

Nu morkketi nuna qohana giidi ba garsan seeretti caaqettidayssi nuukko gakkidayssa siyidinne Xoossayka istta qofa hada ooththidayssa istti eridaappe guye nuni ubbay gimbeza ooso gede sinththe gujjidos.

ኢዮቤ ማጻፋ 12:17

Izi zorizayta erateth diggana; dere kaaleththizayta izi eeya ooththana.

ዬ ማጻፋ 9:15

Kawoteththay ba bookkida ollan kundides. Istti qotti woththida woximadey istta toho oykkides.

ዬ ማጻፋ 9:16

GODAY ba xillo pirdan erettides; iita asi ba kushen ooththida ooso woximaden oykettides.

ኬሳ ማጻፋ 9:16

Tani nena paxa woththiday nena ta wolqqa bessanaassinne ta sunththi biitta ubbaa bollan xeygettana malassa.

ሌሚሶ ማጻፋ 19:21

Asa wozinan daro halchchoy dees; gido attiin GODAA qofay polettees.

ሌሚሶ ማጻፋ 21:30

Asi ba eran, akeekaninne halchchon GODAARA eqettanaas dandayenna.

ኢሳያሳ ቲንቢቴ 8:10

Olas zorettite; gido attiin inttes suurenna; halchcho kessite; gido attiin inttes minnenna. Gaasoykka Xoossay nunara dees.

ኤርማሳ ዚላስ 3:37

Xoossi azazontta dishin ba gidaaz polanaas dandayzay oonee?

ኣሞጼ ቲንቢቴ 9:3

Istti pude Qarmeloose zumaa bolla kezi qotettidaakkoka ta kaaletta baada istta heeppe woththana; istti duge ciimma abba giddo gelidi taappe qotettizaakkoka heen istta shooshshi dukkana mala ta azazana.

ሉቃሳ ሚሺራቾ 16:8

«Godazikka shocechchiza alaafezi ooththida cinccateththaa gishshas iza nashshides; hayssabha alameza nayti bana misatizaytara diza gaagoteththan poo7o naytappe aadhdhida cinccata.

1ቆሮንቶሴ ኣሳስ 3:19

Hayssa ha dereza erateththi Xoossa achchan eeyateththa; kase Geeshsha Maxaafan, «Izi eranchchata istta gene ooso gaason zaaridi oykkana» geetetti xaafettides.

ዛሬ ማጻፋ 2:30

Kawo Sihooney qasse nuni iza derera aadhdhi baana mala koyibeenna; gaasoykka GODAA intte Xoossay hach intte be7izayssa mala iza intte kushen aaththi immanaas iza wozina muumisidi otoranchcha kessides.

ኢያሶ ማጻፋ 11:20

GODAY Muse azazida mala Iyaasoy isttas qadhettontta ubbaa wodhides. Gaasoykka istti Isra7eeletara olettana mala GODAY istta wozina dammisides.