2ሳሜላ ማጻፋ 13:22 - Geeshsha Maxaafa

²² Abeseloomey Aminoone bolla iita gidiin lo7o gidiin issi qaalakka phoqqibeenna; gaasoykka Aminooney iza michcho Ti7imaaro kawushshida gishshas keehi ixxides.

ጋሞ ማጻፋ

²² ኣቤሴሎሜይ ኣሚኖኔ ቦላ ኢታ ጊዲን ሎኦ ጊዲን ኢሲ ቃላካ ጶቂቤና፤ ጋሶይካ ኣሚኖኔይ ኢዛ ሚቾ ቲኢማሮ ካዉሺዳ ጊሻስ ኬሂ ኢጺዴስ።

2ሳሜላ ማጻፋ 13:22 ပူးပေါင်းရင်းမြစ်များ

ሜቴ ማጻፋ 24:50

Laabaynne Baatu7eeli, «Ha qofazi GODAAPPE yides; nuni nees gede haa gaanaas dandayokko.

ሜቴ ማጻፋ 31:24

He gallassa omars Xoossi Aaraame Laabakko agumora yiidi, «Neni Yaaqoobe bolla iita gidiin kiya gidiinkka haasayontta mala naageeta!» gides.

ሜቴ ማጻፋ 31:29

Tani nena qohanaas taas wolqqay dees; gido attiin ne aawa Xoossi qamma omars tana, ‹Yaaqoobe bolla iita gidiin kiya gidiinkka issi miish ne haasayontta mala naagetta!› giidi taas yootides.

2ሳሜላ ማጻፋ 13:21

Kawo Dawiti he hanoza siyidi keehi hanqettides;

ሌሚሶ ማጻፋ 10:18

Ixxishe ba ixxizayssa qottiza asi wordanchcha; zigirs zigirza asi gidikko eeya.

ሌሚሶ ማጻፋ 25:9

Neessinne ne laggezas giddon palamay medhettiko, he palama garsan hara asa xuura qonccisoppa.

ሌሚሶ ማጻፋ 26:24

Gene asi ba doonan cimees; gido attiin ba wozinan iitateth xunttees.

ሌሚሶ ማጻፋ 26:26

Izi ba gene baleththon genththanaas dandayees; gido attiin izi ooththida iitateththi duulatan qonccana.

ኤራንቻታ ማጻፋ 7:9

Eeyata hanqoy istta ki7o garsan diza gishshas neni hanqos eesotoppa.

Maatosa 18:15

«Ne ishay nena qohikko izakko baada iza xalala nenara ekkada iza mooro izas yoota; izi ne gizaa siyikko ne ishaa ne as histtaasa.

ኤፌሶኔ ኣሳስ 4:26

Hanqettite shin nagara ooththofte; intte hanqon dishin arshey wullofo.

ኤፌሶኔ ኣሳስ 4:31

Camo yo7o ubbaa hanqo, yiillo, oosh, cashshe, qasseka hankko hara iitateth ubbaa inttefe diggite.

1ዮሃኒሳ ኪታ 2:11

Gido attiin ba ishaa ixxizaadey gidikko dhuma giddon dees; dhuman simerettees; dhumay iza qooqisida gishshas izi awa bizaakkonne ba bizaso erenna.

1ዮሃኒሳ ኪታ 2:9

Poo7on days gishe ba ishaa ixxizaadey ha7ikka dhuman dees.

1ዮሃኒሳ ኪታ 3:10

Xoossa naytinne Xala7e nayti shaaketti erettizay hessanna; Xillo ooththonttaynne ba ishaa siiqonttay wuri Xoossafe gidenna.

1ዮሃኒሳ ኪታ 3:12

Iita bagga gididi ba ishaa wodhida Qayeele mala gidopite; izi aazas wodhidee? Gaasoykka iza oosoy iita; ishaa oosoy lo7o gidida gishshassa.

1ዮሃኒሳ ኪታ 3:15

Ba ishaa ixxizaadey shemppo wodhida asa mala; shemppo wodhidaades mernaa de7oy bayndayssa intte ereeta.