2ሳሜላ ማጻፋ 1:23 - Geeshsha Maxaafa

²³ «Sa7oolinne Yoonataaney shemppora paxa dishe siiqettizaytanne qofan gayttizayta. Hayqqisheka shaakettonttayta; golle kafoppe pilatizayta; gaammofekka minnizayta.

ጋሞ ማጻፋ

²³ «ሳኦሊኔ ዮናታኔይ ሼምፖራ ፓጻ ዲሼ ሲቄቲዛይታኔ ቆፋን ጋይቲዛይታ። ሃይቂሼካ ሻኬቶንታይታ፤ ጎሌ ካፎፔ ፒላቲዛይታ፤ ጋሞፌካ ሚኒዛይታ።

2ሳሜላ ማጻፋ 1:23 ပူးပေါင်းရင်းမြစ်များ

2ሳሜላ ማጻፋ 1:24

«Intteno Isra7eele maccassatoo! Ochcha teera misatiza al7o qamisa inttena mayzida; intte may7oza worqqa xibaben alleqissida; Sa7ooles yeekkite.

2ሳሜላ ማጻፋ 2:18

Xuriya attuma naa heedzdzati Iyo7aabey, Abisayeynne Asaheeley heen deettes. Asaheeley woran diza genessa mala woththas pilata.

2ሳሜላ ማጻፋ 23:20

Hara erettida qaray Qabxi7eele dere as Yoodahe naa Bannayay gita erettida ooso ooththides. Izikka nam7u erettida Mo7aabe asata wodhides; qasseka shachchi bukkida gallas olla giddo gelidi gaammo wodhides.

1ታሪኬ ማጻፋ 12:8

Dawiti bazzon baqati attizason diza wode Gaade zarkketappe olanchchati izakko yida; isttika minonne olas giigettida asata; qasseka gondallenne toora oyth dandayzayta; istta ayfesoy gaammo mala babisees; istti zuma bolla guppiza genessa mala pilateettes.

ኢዮቤ ማጻፋ 9:26

Isttika sookke gizayssafe oosettida wogolo mala eesoteettes; baqqi ekkiza golle kafo mala eesoteettes.

ሌሚሶ ማጻፋ 30:30

Hessanttika do7a ubbaafe wolqqamanne aykkoska yayyidi baqati erontta gaammo.

Siiqo Saba 5:16

Iza qaalay eessa mala mal7ees; iza bollay mulera kayshees; Intteno Yerusalaame geela7otoo, ta siiqozinne ta laggezi hayssa misatees» gadus.

ኤርማሳ ቲንቢቴ 4:13

Be7ite! Morkkey shaara mala biitta kumides; iza para-gaaretikka gote carko mala yeettes; iza paratikka golle kafota mala eesoteettes; aayye ana nu dhayana goos!

ኤርማሳ ዚላስ 4:19

Nuna gooddizayti salora paalliza gollefe aadhdhi eesoteettes; istti nuna zuma bollara gooddida; bazzon nuna zuggi naagida.

ዛሬ ማጻፋ 28:49

GODAY ne istta qaala erontta kawoteth haako dereppe ne bolla ehana; isttika golle kafo mala ne bolla wodhdhana.

ዳናታ ማጻፋ 14:18

Laappunththa gallas arshey wullanaappe kase katama asay Samsoones, «Eessafe aadhdhi mal7izay gaammofe aadhdhi minnizay aazee?» gida. Samsooney isttas, «Intte ta ussayn goyonttaakko, ta maaleththoza birsheththaa erekketa» gides.

1ሳሜላ ማጻፋ 18:1

Dawiti Sa7oolera haasayi giigida mala Yoonataaney Dawites shemppo lagge gidides; bana mala iza siiqides.

1ሳሜላ ማጻፋ 20:2

Yoonataaneykka, «Hessi ne bolla mulekka hanoppo! Ne hayqqaka! Ta aaway guuth gidiin daro gidiin ay miishshika sinththati taas yootontta ooththi erenna; histtiin ta aaway hayssa taappe ays qottizee? Yo7oy hessa mala gidenna!» gi zaarides.