2ሳሜላ ማጻፋ 1:19 - Geeshsha Maxaafa

¹⁹ «Haysso Isra7eelee! Ne bonchchoy zumbullata bolla cadetti hayqqides; ola qarati waani hayssaththo kundidoo!

ጋሞ ማጻፋ

¹⁹ «ሃይሶ ኢስራኤሌ! ኔ ቦንቾይ ዙምቡላታ ቦላ ጫዴቲ ሃይቂዴስ፤ ኦላ ቃራቲ ዋኒ ሃይሳ ኩንዲዶ!

2ሳሜላ ማጻፋ 1:19 ပူးပေါင်းရင်းမြစ်များ

2ሳሜላ ማጻፋ 1:23

«Sa7oolinne Yoonataaney shemppora paxa dishe siiqettizaytanne qofan gayttizayta. Hayqqisheka shaakettonttayta; golle kafoppe pilatizayta; gaammofekka minnizayta.

2ሳሜላ ማጻፋ 1:25

«Ola qarati waani hayssa mala olason kundidoo! Yoonataaney ne zumbullata bolla cadetti hayqqides.

2ሳሜላ ማጻፋ 1:27

«Ola qarati waani kundidoo! Ola massaratikka waani hada gidanee!»

ኢሳያሳ ቲንቢቴ 4:2

He wode GODAA miththa haggay lo7ananne bonchchettana; Isra7eele asaappe dhayshe attidaytas he biitta kaththay ceeqossinne bonchchos gidana.

ኢሳያሳ ቲንቢቴ 53:2

Izi iza sinththan caarechcha mala, mela biittafe mokkiza xapho mala mokkides; nu iza xeellanaas shicateththi woykko teemay deenna; nu iza dosanaas iza malay lo7enna.

ኤርማሳ ዚላስ 2:1

GODAY Xiyoone macca nayo ba hanqon wostti kawushshidee! Isra7eele bonchcho saloppe duge sa7an yeggides; izi ba hanqo gallas ba toho shempisizaso gididaaro zaari qoppanaas koyibeenna.

ኤርማሳ ዚላስ 5:16

Kallachchay nu hu7eppe kundides; nu nagara ooththida gishshas aayye ana!

ዛካራሳ ቲንቢቴ 11:10

Qasseka dere ubbaara ta caaqettida qaala laallanaas, «Kiyateth» gaada sunththida ta guufeza menththadis.

ዛካራሳ ቲንቢቴ 11:7

Hessa gishshas tani bayzizaytassinne shammizaytas qaxxaretta shukettanaas doorettida dorsata heemmizaade gidadis; dorsatakka heemmashe nam7u guufeta ekkada issaa, «Kiyateth» nam7anththoza, «Issifeteth» ga sunththadis.

1ሳሜላ ማጻፋ 31:8

Wonteththa gallas Filisxeeme asay hayqqida asaa bollafe ola miishshaa qaaratanaas yiza wode Sa7oolinne iza naa heedzdzati Gilbo7a zumaa bolla kundidayta be7ida.