2ጴጽሮሳ ኪታ 2:14 - Geeshsha Maxaafa

¹⁴ Isttas nagara oosoppe naagettontta amottiza ayfey dees; isttas nagara ooso siiqiza amoteththi ay wodekka simmenna. Ammanon buro minni eqqontta asata baleththeettes; miishshas gaphigapheettes; istti qanggettidayta.

ጋሞ ማጻፋ

¹⁴ ኢስታስ ናጋራ ኦሶፔ ናጌቶንታ ኣሞቲዛ ኣይፌይ ዴስ፤ ኢስታስ ናጋራ ኦሶ ሲቂዛ ኣሞቴ ኣይ ዎዴካ ሲሜና። ኣማኖን ቡሮ ሚኒ ኤቆንታ ኣሳታ ባሌቴስ፤ ሚሻስ ጋጲጋጴቴስ፤ ኢስቲ ቃንጌቲዳይታ።

Gamo Geesha Maxxafa New Testamen

¹⁴ Isttas nagara oothope naagetontta amottiza ayfey dess. Isttas nagara ootho siiqiza amotethi ay wodeka simmena. Ammanon buro minni eqqontta asata ballethettes. Miishas gaphigaphetes. Istti qanggettidaytakko.

2ጴጽሮሳ ኪታ 2:14 ပူးပေါင်းရင်းမြစ်များ

ኢዮቤ ማጻፋ 31:7

Ta suure ogeppe ke7idaa gidikko, Ta ayfey be7ida ubbaa ta wozinay amottidaa gidikko, qasseka ta kushey nagaran tunidaa gidikko,

ኢዮቤ ማጻፋ 31:9

«Ta wozinay hara macca amottidaa gidikko, ta shooroza machcho laymatanaas iza pengen ta zuggidaa gidikko,

ሌሚሶ ማጻፋ 5:6

Iza de7o oges wudu guukku; izi ogeti geella; gido attiin geella gididayssaka iza erukku.

ሌሚሶ ማጻፋ 6:25

Izi lo7eteththa ne wozinan amottofa; izi qim7oteththan oykettofa.

ኢሳያሳ ቲንቢቴ 1:16

Meecettite; inttena geeshshite; intte iita oosoza ta sinththafe diggite; iita oosokka aggite.

ኢሳያሳ ቲንቢቴ 34:5

Ta giththa mashshay salota giddon baas gidana gakkanaas uyadus; be7ite; Eedoome bolla, tani qanggida asaa bolla pirdanaas wodhdhadus.

ኢሳያሳ ቲንቢቴ 65:20

Hayssafe guyen heen guuththa wodes shemppora paxa daana yidhay woykko wode kallontta cimay deenna; xeetu layth kumida asi hayqqiko wodey gakkontta mulqqetti hayqqida asa mala qoodettana; asi xeetu layth kumontta hayqqiko boshan hayqqida mala qoodeettes.

ኤርማሳ ቲንቢቴ 13:23

Tumu Tophphiya asi ba medha, woykko maahey ba masarateththaa laammanaas dandayzee? Intte iita ooththi meezetidayti lo7o ooththanaas dandayekketa» gides.

ሂዚቄላ ቲንቢቴ 13:18

Isttas Ubbaa Haariza GODAY, ‹Dere shemppo woximade mala oykkanaas muurenno miish sikissidi bantta qesen aaththizaytassinne dumma dumma qommo bita goos hu7es giigsiza maccassatas aayye ana! Ta asaa shemppo woximaden gelththidi intte intte shemppo ashshanee?

Maatosa 12:34

Intteno marzera diza shooshshatoo! Intte iitata gidi uttidi waani lo7o haasayanaas dandayeetii? Ulo giddon kumidaazi doonara haasayettees.

Maatosa 23:14

Intteno qoodheppe qommon hanizaytoo! Muse wogaa tamaarsizaytoo, qasseka Farsaawetoo! Inttes aayye ana! Azinay baynda maccassata keeth kallosishe asa ayfe sinththan adussa woosa intte woossiza gishshas intte iita pirda pirdettana.

Maatosa 25:41

«Qasseka hadirsa baggara dizaytas, ‹Intteno qanggettidaytoo! Taappe shaakettidi Daabulosassinne iza kiitanchchatas giigettida mernaa taman biite gaana.

Maatosa 5:28

Tani gidikko inttena hizgays; maccas amo ayfera xeellidaadey wuri ba wozinan izira laymatides.

ማርቆሳ ሚሺራቾ 13:22

Wordo Kirstoosatinne wordo nabeti buro dendidi malaatatanne kase hani erontta pala miish ooththana; isttas dandayettiko haray attoshin doorettidaytakka baleththana.

ዮሃኒሳ ሚሺራቾ 5:44

Intte intte giddon issoy issaafe bonchcho koyzaytoo! Issi Xoossafe beettiza bonchcho koyonttayto intte waanidi tana ammanana dandayeetii?

ኦሮሜ ኣሳስ 16:18

Heytantta mala asati Yesus Kirstoosas ooththizayta gidontta ba qanththa kaththa gishshas ooththizayta; shugo qaalara haasayaninne wozina kiya asata baleththeettes.

1ቆሮንቶሴ ኣሳስ 11:19

Intte giddofe tumanchchati shaaketti erettana mala hessa mala shaakoy intte giddon daanayssi dosa gidenna.

ኤፌሶኔ ኣሳስ 2:3

Hayssafe kase nuni nu asho amoteth polishe ashoy koyza oge kaallishe isttara doos; nunikka hankko asa mala nu medheteththafe Xoossa hanqo garsan de7oos.

ኤፌሶኔ ኣሳስ 4:14

Hessa gishshas abba bolla dendiza gote carkoy yaanne haa shocechchiza mala dumma dumma timirte carkon asa geneninne baleththon ane nuni yaanne haa phonqettishe qeeri guuththa nayta mala hanokko.

ቆላሲያሴ ኣሳስ 2:18

Bessontta ashketeththinne kiitanchchatas goyno dosiza asi oonikka inttena dhuphidi mela ashshontta mala naagettite; hessa mala asi ba be7ida agumos wogay baynda bana nashshishe hada asho qofaan kumidi otorettees.

ያቆቤ ኪታ 1:8

Hessaadey nam7u qofan oykettidi ba biza oge bolla yaanne haa giza asa mala.

2ጴጽሮሳ ኪታ 2:18

Kase bala garsan diza asata giddofe kessi ekki yiidi daro gam7ontta asata; hada gidida otoro qaala haasayan, asho amoninne layman baleththeettes.

2ጴጽሮሳ ኪታ 2:3

Heyti wordo astamaareti miishshas gaphigaphiza gishshas barkka medhdhi ekkida yo7o yooti yootidi inttes dizaaz baas bonqqi ekkeettes; beni beniisoppe pirday isttas giigetti uttides; addafe istta dhayoy naagees.

2ጴጽሮሳ ኪታ 3:16

Izi hayssa ha hanoza gishshas ba kiitatan ubbaan hayssaththoka xaafides; iza kiitata giddon eranaas waayisiza issi issi hanoti deettes; erateththi isttas paccidaytinne nam7u qofan yooqu gizayti hara Geeshsha Maxaafata mirqqizayssaththoka haytakka istti mirqqana; istti hessaththo ooththizay baas dhayanaassa.

1ዮሃኒሳ ኪታ 2:16

Gaasoykka ha alamezan dizay wuri asho amoteth, ayfes lo7onne duussan ceeqeteth; hayti alameppe attiin Xoossaa aawappe yizayta gidettenna.

ዩሁዳ ኪታ 1:11

Istti Qayeele ogen bida gishshas miishshas giidi Bala7aame mala balan kundida; qasse Qoorey eqettida mala isttika eqettidi dhayda gishshas isttas aayye ana!

ዮሃኒሳ ኣጁታ 12:9

He gita dawezi duge yegettides; izikka kumeththa alameza baleththiza daabulosa woykko Xala7e geetetti xeygettiza beni wode shooshshaza; izi duge biitta bolla yegettides; iza kiitanchchatikka izara issife yegettida.